O rei emérito Juan Carlos I ten previsto viaxar este mércores a Galicia, para participar nunha regata en Sanxenxo esta fin de semana. Porén, non se coñece aínda a súa axenda concreta nin o tempo que permanecerá na zona. É a terceira vez que o ex-monarca ingresa no país despois de fixar a súa residencia nos Emiratos Árabes Unidos.
O BNG enche a Praza da Quintana na celebración do Día da Patria Galega, onde finalizou a tradicional manifestación iniciada na Alameda
O PPdeG envía a Baltar ao Senado unha semana despois de deixar a presidencia da Deputación de Ourense. José Manuel Baltar é elixido polo PPdeG para ocupar unha das súas dúas prazas por designación do Parlamento de Galicia. A outra será para o alcalde de Ferrol, José Manuel Rey Varela. A terceira praza corresponde ao BNG. O presidente do PP de Ourense segue pendente de xuízo polo seu exceso de velocidade aos mandos dun vehículo oficial da Deputación e cando se converta en membro da Cámara Alta gozará do correspondente aforamento, o que implica que só pode ser xulgado polo Tribunal Supremo, de ser o caso.
Feijóo di que xa abriu contactos con PNV, UPN, Vox e Coalición Canaria para intentar formar goberno. O líder do PP recoñece que non alcanzou as súas "expectativas" o 23X pero di que é a súa "responsabilidade" liderar as conversas. "Non vou renunciar", asegura.
Betanzos volveu calcar o resultado electoral en Galicia este 23X. Como xa aconteceu en numerosos comicios, a porcentaxe de votos acadada por cada un dos partidos na vila betanceira foi case idéntica á conseguida do conxunto do país, volvendo ser o Ohio galego.
Vítimas de Angrois maniféstanse en Santiago no décimo aniversario do sinistro fronte "a maquinaria do Estado". A manifestación parte ás 11.30 da estación de tren e ás 13.00 o Obradoiro acollerá a lectura dun manifesto.
Ceos nubrados, baixada de temperaturas e entrada dunha fronte con chuvias a medida que avance a tarde marcarán a xornada de votación deste domingo, segundo a previsión de Meteogalicia.
O Consello de Contas advirte de eivas nos concellos na prevención de fraudes ao xestionar fondos europeos de recuperación. Nun informe similar a respecto da Xunta xa advertira hai dous meses de que o Goberno galego tampouco está a cumprir con todas as esixencias e, entre outras cuestións, non levanta actas da comisión que supervisa os fondos de recuperación da UE.
A Xunta aproba inicialmente a declaración de interese autonómico da cidade deportiva do Celta que facilitará o complexo comercial impulsado polo máximo propietario da sociedade, Carlos Mouriño.
#23X A Xunta Electoral Central amplia o prazo para o depósito do voto por correo das eleccións xerais este venres 21, ás 14.00, como solicitara Correos, que ten habilitados horarios ampliados para facilitar os envíos e confirma que, en calquera caso, se na hora do peche "hai persoas agardando, continuarase atendendo ata que se deposite o último voto". Nesta ligazón pódese consultar o horario concreto de cada oficina de Correos.
