Fálase

O BNG insta a que a TVG adquira os dereitos para emitir os partidos dos seis equipos galegos de baloncesto que militarán nas máximas categorías masculina e feminina a vindeira temporada. "Temos a sorte e o orgullo de vivir un momento histórico" e os medios públicos "teñen que estar á altura", sinala a deputada Olalla Rodil en referencia aos representantes galegos na ACB (Breogán e os ascendidos Obradoiro e Básquet Coruña) e na Liga Feminina (Ensino, Uni Ferrol e o ascendido Celta). "Outras corporacións públicas, como a televisión pública de Catalunya, xa emitiron a tempada pasada os partidos das súas áreas de influencia", lembra Rodil -na imaxe, este luns na contorna do Pazo dos Deportes de Lugo, que acolle os partidos do Breogán e do Ensino.

• 40 anos do Mundobasket 86: os días que Tkachenko foi un ferrolán máis
• HEMEROTECA | Baloncesto, capital: Galicia
• HEMEROTECA | De festa polos nosos: o "orgullo de pertenza" desborda á calor dos éxitos dos equipos galegos
• HEMEROTECA | O BNG insta a emitir os partidos do Breogán pola TVG, que asume que non se interesou por mercalos

O TSXG rexeita o recurso da patronal dos pisos turísticos contra a reforma do Plan Xeral de Santiago que limitou estes negocios. A voceira do Goberno local, Míriam Louzao, subliña que "a entidade recorrente", Aviturga, "fundamentaba o seu recurso na falta de informes da Dirección Xeral de Aviación Civil e da delegación do Goberno, así como  na ausencia de motivación para definir a actividade de vivenda de uso turístico como actividade de hospedaxe". "A Sala rexeitou todos estes argumentos" por non ser "preceptivos" os devanditos informes e "concluíu que a correspondendencia das vivendas de uso turístico ao uso de hospedade é adecuada e de acordo coa normativa".

• HEMEROTECA | O rexistro de pisos turísticos da Xunta mantén máis de 600 en Santiago sen licenza municipal
• HEMEROTECA | Sen 'indulto' aos centos de pisos turísticos irregulares en Santiago: "É unha aposta polo interese xeral"
• HEMEROTECA | Santiago avanza na limitación dos pisos turísticos para "evitar a desaparición" da vivenda habitual

Rueda asegura que a actualización do Plan Xeral de Normalización da Lingua se "presentará en moi poucos días e, dende logo, neste mes de xullo". Preguntado ao respecto tras o Consello da Xunta, o presidente considera "testemuñal" o atraso na presentación do "pacto pola lingua", que anunciara para o primeiro semestre do ano. "Algúns dos que están metendo máis présa son aqueles que dende o principio non quixeron estar na elaboración deste pacto", asegura ao ser cuestionado polas causas. Na imaxe, Rueda na mañá deste luns durante o Consello [CC BY-SA David Cabezón / Xunta]

• CRÓNICA | O novo plan para o galego, ás portas e co ensino atado á ruptura de Feijóo

MeteoGalicia confirma un "respiro" na calor entre hoxe e mañá na costa e zonas próximas, especialmente nas contornas da Coruña, Ferrol e A Mariña. En amplas áreas do interior, non obstante, o descenso térmico será só "lixeiro" e "seguirá a calor intensa, con temperaturas por riba dos 35 graos", advirte. [Mapa: MeteoGalicia]

• 42,6 graos en Ourense: a calor segue abafando Galicia tras unha 'noite tropical' nas Rías Baixas
• As capitais vascas suman 300 refuxios climáticos fronte á total ausencia en Galicia
• Á espera dos vindeiros récords de temperatura: a síndrome da ra posta a ferver 

A cidade de Ourense supera os 42 graos por segundo día consecutivo e marca a temperatura máxima en toda Galicia con 42,5 graos. Outras localidades do val do Miño en Ourense e do sur de Pontevedra superaron igualmente os 40 graos, mentres que áreas das comarcas de Santiago, Ferrolterra e do centro de Lugo achegáronse a ese valor. Este luns a Xunta mantén a alerta vermella por calor en 46 concellos do centro de Lugo e montaña de Ourense.

• 42,6 graos en Ourense: a calor segue abafando Galicia tras unha 'noite tropical' nas Rías Baixas
• As capitais vascas suman 300 refuxios climáticos fronte á total ausencia en Galicia

O Festival Internacional de Narración Oral Atlántica entrega a Cornamusa de Honra 2026 á investigadora Camiño Noia. A distinción recoñece a súa contribución pioneira á investigación, conservación e proxección internacional do conto tradicional galego.

Salceda de Caselas rexistrou con 40,6 graos, a temperatura máxima este venres en Galicia, segundo destaca Meteogalicia. Outras localidades do sur de Pontevedra, como Ponteareas ou O Rosal rexistraron valores semellantes. Este sábado poderían superarse de novo os 40 graos en varias comarcas, especialmente en Ourense. 

Dolores Vilavedra toma posesión como nova presidenta do Consello da Cultura Galega. "Inicio esta tarefa coa meta de que en Galicia se dean as mellores condicións para o desenvolvemento dunhas prácticas culturais que reforcen a democracia, que combatan as desigualdades e que nos axuden a pensar novas formas de vida", sinala, nun contexto no que resume as claves do seu mandato como "compromiso coa lingua, os dereitos culturais e o coñecemento". Tras a súa elección, Vilavedra concedeu unha entrevista a Praza.gal na que debullou o seu proxecto para o organismo estatutario. Na imaxe, durante o acto de toma de posesión xunto ao presidente da Xunta e a súa antecesora no cargo, Rosario Álvarez. [Imaxe: CC BY-SA David Cabezón / Xunta]

• ENTREVISTA | Dolores Vilavedra: "Temos que afortalar o diálogo coas culturas catalá e vasca en previsión dos tempos que veñen"

Feijóo mestura agora a regularización de migrantes e a concesión da nacionalidade a descendentes de exiliados para acusar a Pedro Sánchez de "enxeñaría social" sen "obxectivos inocentes"  e mais de "alterar o censo" electoral sen achegar proba de ningunha das afirmacións. O ex-presidente e actual líder estatal do PP afírmao ao tempo que considera "irresponsable impulsar cambios sociais sen planificación". Na imaxe, o acto na Comunitat Valenciana onde lanzou as acusacións [©PP]

• O PP simula redescubrir o voto exterior que sempre buscou para lanzalo contra Sánchez

Falece Gastón, o popular tiburón do Aquarium Finisterrae da Coruña. A alcaldesa da cidade, Inés Rey, confirma a noticia e agradece ao equipo dos museos científicos "o seu coidado e dedicación". O pasado febreiro a casa dos peixes celebrou o vixésimo aniversario da súa chegada dende o acuario de Brest e tamén os seus trinta anos de vida con varias actividades, coma este vídeo. [Imaxe: © Concello da Coruña]