Fálase

A Fegamp aproba a nova proposta de financiamento do Servizo de Axuda no Fogar ofrecida pola Xunta: pasará de 12 a 16 euros por hora este ano, serán 17 en 2027 e 18 en 2028. Ata agora, o departamento que dirixe Fabiola García ofrecía ofrecía 14 euros en 2026, 15 en 2027 e 16 en 2028 para sufragar un servizo que, estiman os concellos, xa rolda os 22 euros por hora. A Comisión Executiva da Federación Galega de Municipios e Provincias (composta por alcaldías de PSdeG -que a preside-, PP e BNG) -na imaxe- indica que a votación saíu adiante "por maioría" e que non "renuncia ao obxectivo final de que o financiamento do SAF sexa cuberto na súa integridade" por fondos da Xunta e do Estado. Deste visto e prace desmarcáronse os representantes do BNG no organismo, que advirten de que rexeitarán "todo o que non sexa achegarse ao prezo real do custe da prestación do servizo".

• AMPLIAMOS 👉 A Xunta accede a pór máis cartos na Axuda no Fogar pero os concellos seguirán pagando
• Os concellos xa valoran levar a Xunta ao xulgado polos fondos da axuda no fogar
• Política Social ofrece aos concellos 16 euros por hora da axuda no fogar, que xa custa 22

Cando menos unha vintena de persoas mortas e decenas de feridas nun accidente ferroviario en Adamuz (Córdoba). Segundo as primeiras informacións, un tren da empresa Iryio que viaxaba de Málaga a Madrid descarrilou e bateu contra un Alvia de Renfe que circulaba de Madrid a Huelva pola vía contigua. O ministro de Transportes, Óscar Puente, cualifica a situación de "grave" mentres seguen en marcha os labores de rescate e a Junta de Andalucía prevé que a cifra de falecementos e persoas feridas continúe a aumentar durante a noite.

• AMPLIAMOS 👉 Traxedia ferroviaria en Andalucía no peor accidente da alta velocidade dende o de Angrois

O socialista António José Seguro, á fronte das sondaxes e do escrutinio das eleccións presidenciais portuguesas. Previsiblemente, enfrontarase na segunda volta con André Ventura, líder da extrema dereita.

• Portugal elixe presidente con máxima igualdade e a ultradereita ás portas da segunda volta

Rueda asina con Feijóo en Zaragoza unha declaración contra o modelo de financiamento autonómico proposto polo Goberno de España. Canda o resto de presidentes e presidentas do PP, o titular da Xunta e líder do PPdeG secunda un documento que esixe "reiniciar o proceso dende o principio" e elaborar un novo modelo sobre o que non achega cifras ou criterios concretos. O sistema de financiamento das autonomías está caducado dende 2014, catro anos antes de que Mariano Rajoy perdese o Goberno de España. [Imaxe: © PP]

• DOCUMENTO | Declaración de Zaragoza do PP contra o novo de modelo de financiamento autonómico
• DATOS | A reforma do financiamento mellora a achega a Galicia, pero por baixo da media
• O Estado ofrece máis cartos de IRPF e IVE ás comunidades e Galicia disporía de 600 millóns máis

O CIS ratifica a dereitización do taboleiro político estatal: o PP podería gobernar malia perder votos e escanos grazas ao forte ascenso da extrema dereita de Vox, formación coa que os de Feijóo sumarían unha folgada maioría absoluta, segundo a análise independente dos datos do Centro de Investigacións Sociolóxicas que este sábado publica infoLibre. Na imaxe, Feijóo e Abascal nas conversas previas á investidura fracasada do ex-presidente galego tras as eleccións xerais de 2023 [© PP]

• HEMEROTECA | Feijóo ábrese a pactos con Vox para chegar ao poder
• HEMEROTECA | O PP apóiase en Vox para renegar da Policía galega que impulsaron Fraga e o bipartito
• HEMEROTECA | Vox queda sen a súa única representación institucional en Galicia

Feijóo considera "boa noticia" que en 2035 "poidan seguir vendéndose coches de combustión". "Levantamos a prohibición, foi unha promesa do PP e o cumprimos", di sobre a actuación dos conservadores na Unión Europea. Na imaxe, de arquivo, unha visita de Feijóo a PSA.

• A Comisión Europea recúa: máis coches de combustión e menos transición ecolóxica
• O Goberno galego súmase aos discursos da dereita europea contra as medidas para atallar o cambio climático

O persoal de Urxencias do Hospital Álvaro Cunqueiro suspende os paros tras lograr que a dirección comprometa reforzos e obras de ampliación. O persoal comezou a secundar paros diarios o 7 de xaneiro ante "o colapso do servizo".

• "Colapso continuado" nas Urxencias dos hospitais de Vigo e A Coruña que afecta á "seguridade" dos pacientes
• Persoal sanitario pide non "normalizar" o "colapso" de Urxencias e a Consellería lígao ás infeccións respiratorias

A opositora venezolana María Corina Machado entrega a Trump a súa medalla do Premio Nobel da Paz. A Casa Branca divulga a través das redes sociais a imaxe dun encontro que chega apenas dúas semanas despois de que os EUA bombardeasen varios puntos de Venezuela e secuestrasen o presidente Nicolás Maduro, actualmente preso en territorio estadounidense. [Imaxe: © Casa Branca]

• Estados Unidos bombardea Venezuela e secuestra a Maduro
• Trump quere "controlar" Venezuela ata que haxa unha "transición" e ameza cun segundo ataque
• Delcy Rodríguez asume o liderado de Venezuela e reivindica a soberanía do país e dos seus recursos
• "Non descarto algún episodio de confrontación interna en Venezuela ante a tutela que quere exercer Trump"

Inditex pecha a primeira tenda de Zara, na rúa Juan Flórez da Coruña, que abriu as súas portas en 1975 e foi reformada o ano pasado durante a celebración do 50 aniversario da marca textil [📸 © Inditex]. A empresa comunica que as traballadoras serán trasladadas aos outros establecementos de Zara na cidade. 

Un mariñeiro falecido e outro ferido grave en augas de Irlanda, ambos da tripulación do arrastreiro con base en Vigo 'Novo Alborada', segundo confirma Salvamento Marítimo. [Fotografía do barco © Ministerio de Pesca]