Fálase

Vox esixe implantar na Comunitat Valenciana un control previo de "neutralidade ideolóxica" nas actividades dos centros de ensino ao xeito da que xa rexe en Galicia. A formación de extrema dereita inclúeo entre as súas esixencias para apoiar os Orzamentos do Goberno do PP nesa autonomía, segundo adianta elDiario.es

• Segunda orde de "neutralidade ideolóxica" nas aulas: máis inspeccións e límites a charlas e visitas
• HEMEROTECA | A Xunta aplica a súa "neutralidade ideolóxica" e denega a homologación dun curso sobre Palestina
• HEMEROTECA | A orde da "neutralidade" nas aulas impón o aviso á Inspección nas "actividades complementarias sobrevindas"

As chispas dun tren provocaron oito incendios ao seu paso na provincia de Ourense. Maside, Amoeiro, Punxín e a capital provincial sufriron diferentes focos na contorna da liña férrea que causaron diferentes problemas durante a tarde do pasado luns. Foto: @LumesGal. 

Rueda  "si" considera franceses os xogadores da selección francesa de fútbol e atribúe á "retranca" que Rajoy escribise que non o son nun artigo en El Debate. O presidente respondeu así ao ser preguntado ao respecto tras o Consello da Xunta deste luns-na imaxe-. [Imaxe: CC BY-SA David Cabezón / Xunta]

Familia Caamagno, Agoraphobia, Ángel Stanich, Apolo 18, Bala, Zënzar ou Ruxe Ruxe completan o cartel do Festival Noroeste da Coruña, que presentou este luns a listaxe completa de bandas que actuarán na Coruña entre o 5 e o 8 de agosto. 

O artigo no que Mariano Rajoy asegura que a selección francesa de fútbol xoga "sen franceses" suscitan múltiplas acusacións de racismo en Francia sobre unha afirmación que o Goberno dese país considera "absolutamente inaceptable". "Todos os xogadores da selección francesa son franceses", subliña a embaixada francesa en España. Pedro Sánchez afea as "declaracións xenófobas" e di agardar que na semifinal do Mundial que enfronta o combinado galo coa selección española "gañe o mellor e perda o racismo". [Imaxe: © PP]

Amplas áreas de Galicia volven sufrir este sábado temperaturas moi elevadas, cunha máxima de 41,6 en Ourense. MeteoGalicia advirte da formación de treboadas contra o serán e a noite e a Xunta "dá por finalizada a alerta" pola calor mañá, domingo. Sanidade especifica que "nos vindeiros días entrará aire atlántico, máis fresco e húmido, o que fará que as temperaturas suavicen notablemente".

• Á espera dos vindeiros récords de temperatura: a síndrome da ra posta a ferver 

O BNG proponse unha "ofensiva competencial" que teña como "primeiro reto acadar todas as transferencias pendentes no Estatuto de 1981, as aprobadas polo Parlamento galego e as que xa teñen as outras dúas nacións históricas". No marco dunha xornada coa Fundación Galiza Sempre sobre "un novo status político" para o país, Ana Pontón sitala como "tarefa de país imprescindible" o "avance en autogoberno real" mentres o PP, lamenta, "tras non lograr máis ca unha competencia en 17 anos", agora "dá un paso máis boicoteando o autogoberno" en traspasos coma o da AP-9.

• AP-9, e agora que? Unha incerta negociación cun ollo na UE
• HEMEROTECA | As competencias pendentes de Galicia: o traspaso da xestión do litoral abre a porta a novas transferencias
• HEMEROTECA | Galicia obtén 17 anos despois a primeira competencia dende a fin do Goberno de PSdeG e BNG

Feijóo reafírmase nas súas posturas da última semana sobre as baixas laborais, o voto exterior ou a consideración legal dos "concibidos non nacidos": "Se hai críticas dáme igual porque estou aquí para dar debates valentes", gabouse no congreso das Nuevas Generaciones do partido.

• O PP simula redescubrir o voto exterior que sempre buscou para lanzalo contra Sánchez
• A Xunta merca nova sede en Bos Aires por 1,4 millóns en plena cruzada do PP polo voto exterior
• A Xunta computa hai quince anos o "concibido non nacido" para axudas públicas
• A axenda patronal contra as baixas esténdese en Galicia mentres Feijóo a promete para España

O Concello de Vigo prohibe a pantalla xigante que a deputación de Pontevedra instalara na praza da Estrela para ver o España-Bélxica do Mundial. A entidade provincial acusa o alcalde Abel Caballero de "sectarismo". O Concello asegura que o espectáculo "carece de autorización municipal e non se poderá levar a cabo mentres non dean cumprimento aos requisitos previstos na lexislación vixente".

A Xunta declara a caducidade definitiva do proxecto de Altri para instalarse en Palas de Rei. A conselleira de Economía, María Jesús Lorenzana, confirma que as alegacións presentadas pola compañía non foron "consideradas suficientes para continuar co expediente" e por iso "vimos de resolver de xeito definitivo e firme o arquivo", contra o que a empresa xa non ten marxe administrativa alén dun último recurso de reposición, a partir do cal para tentar reverter a decisión tería que acudir aos tribunais. [Imaxe: Praza.gal]

• AMPLIAMOS 👉 Altri non: o arquivo do plan para instalarse en Palas vira definitivo
• Altri alega contra o arquivo do seu proxecto porque a subestación eléctrica "non é imprescindible"
• HEMEROTECA | Altri e Pemex: o fracaso dos dous grandes proxectos industriais apadriñados por Feijóo
• HEMEROTECA | Finalmente, Altri non