Fálase

Hoxe comeza o Festival de Cans coa homenaxe a Dolores Ben ou proxección do documental Acordamos, dirixido por Uxía Senlle e Lucas Terceiro, que lembra os proxectos pioneiros que funcionaron en Galicia durante a Segunda República. A 21ª edición do certame celebrarase ata o 25 de maio con David Trueba, María Vázquez ou Kepa Junkera como protagonistas dunha cita na que se verá o filme As Neves de Sonia Méndez, Alumbramiento de Pau Teixidor e na que se estreará a sección Cineherdanzas, que descubrirá por vez primeira o legado fílmico de Carlos Asorey

• David Trueba e María Vázquez, protagonistas dun Festival de Cans que homenaxeará a Kepa Junkera
• "O Festival de Cans é aquí e non podería ser en ningún outro lado, non se pode transplantar"
• 📺EN VINTE | Dez curtas das Novas Camadas para ver en Cans e en exclusiva en VINTE

O primeiro tren Avril que sae de Galicia, que partiu de Vigo vía Santiago, demora dúas horas e 10 minutos en Ourense sen que Renfe informe do motivo do problema. A primeira hora da mañá unha incidencia na sinalización de Adif xa afectara á circulación na entrada a Ourense desde Santiago.

• A estrea dos trens Avril inicia unha xeira de melloras ferroviarias que continuarán "xa" os Avlo de baixo custe
• A chegada dos Avril deixa en 8 os trens diarios de alta velocidade coa Meseta á espera de máis melloras tras a ampliación de Chamartín

Jácome di que "non volverá convocar a oposición a a ningunha Xunta de Portavoces no que resta de mandato" porque "o que fan é marear a perdiz, non din nada e bloquean os asuntos". Nun comunicado oficial do Concello de Ourense, o alcalde di que toma a decisión despois de que, neste órgano, PSdeG e BNG "non se pronunciasen sobre  as propostas que lles trasladara a semana pasada de eliminar a ORA e valorar a posible entrada de novos accionistas no Club Ourense Baloncesto".

• 🔊PODCAST | Fálase - Anatomía do de Ourense
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome

Rueda mantense equidistante no conflito entre España e Arxentina polo ataque de Milei a Sánchez. O presidente da Xunta di que non lle gusta a "estratexia de confrontación probablemente buscada por ambas partes en beneficio propio e amosa a súa preocupación polos "efectos sobre o que lle interesa a Galicia" en Arxentina.

• Milei abre unha crise diplomática sen precedentes tras atacar a Sánchez no mitin ultra de Madrid
• Honras da (extrema) dereita española a Milei en Madrid

A xustiza británica dá a razón a Assange, que poderá abrir un novo proceso de apelación para evitar a súa extradición aos Estados Unidos. O Alto Tribunal de Londres ditamina que o australiano podería non recibir a protección que ofrece a Primeira Emenda polo feito de ser australiano e non estadounidense. De completarse a extradición, o director de WikiLeaks enfrontaríase a unha condena de 175 anos de prisión nos EUA pola filtración en 2010 de 700 mil documentos militares e diplomáticos estadounidenses confidenciais que amosaban e demostraban violacións de dereitos humanos (especialmente na Guerra de Afganistán) e escándalos de corrupción.

• ENTREVISTA | "O nivel de represión contra Assange é proporcional ao reto que Wikileaks supón para os grandes poderes"

O fiscal xefe do Tribunal Penal Internacional solicita ordes de detención para o primeiro ministro israelí, Benjamin Netanyahu; o seu ministro de Defensa, Yoav Gallant, e tres líderes de Hamás por "crimes de guerra e crimes contra a humanidade". Na imaxe [©Tribunal Penal Internacional], Karim Khan, fiscal xefe do Tribunal Penal Internacional, anunciando a decisión.

• Concellos e deputacións galegas achegan axuda humanitaria a Gaza a través da UNRWA
• Peche indefinido por Palestina na Universidade de Santiago
• "A resistencia en Gaza é o único que queda porque non teñen armas, nin exército, nin apoio político ou económico"
• A solidariedade galega con Palestina non cesa, agora cunha campaña viral que leva a protesta ao espazo público

Irán confirma a morte do seu presidente, Ebrahim Raisi, e do seu ministro de Exteriores nun accidente de helicóptero. Segundo o comunicado iraní, o sinistro foi debido "ás condicións meteorolóxicas adversas". [Imaxe: Goberno da República Islámica de Irán]

O Goberno de España chama a consultas á súa embaixadora na Arxentina tras os insultos de Javier Milei a Pedro Sánchez e á súa esposa no mitin da extrema dereita no que participou en Madrid. Milei cualificou de "corrupta" a Begoña Gómez e agregou que Sánchez se "ensuciou" por este motivo mentres exerce o "abuso" dende o Goberno. O ministro de Exteriores, José Manuel Albares, considera que esass "gravísimas palabras" sobrepasan "calquera tipo de diferenza política" e "leva as relacións entre España e Arxentina ao seu momento máis grave na nosa historia recente". [Imaxe: Goberno de España]

• +INFO 👉 Milei abre unha crise diplomática sen precedentes tras atacar a Sánchez no mitin ultra de Madrid
• Honras da (extrema) dereita española a Milei

O conselleiro de Cultura, Lingua e Xuventude abre a porta a "unha actualización" do Plan Xeral de Normalización da Lingua no seu vixésimo aniversario e arrefría a posibilidade de reformular o "decreto do plurilingüismo". Nunha entrevista na Radio Galega, José López Campos mantén que o Goberno galego está aberto a un acordo sobre un novo PXNLG "para establecer condicións máis favorables" ao "uso diario" do galego "en todos os ámbitos" e di estar disposto a "escoitar" opinións sobre o decreto do ensino, se ben considera que "no ámbito educativo, o modelo lingüístico funcionou" e "o debate non está na rúa". Na imaxe, López Campos o pasado día 16 na entrega dos premios 'Dígocho eu' da CRTVG.

• Vinte anos do plan unánime para o galego que virou 'radical'
• HEMEROTECA | O galego no ensino: dez anos dunha "posverdade" incómoda

Feijóo dedica a tarde do Día das Letras Galegas a asistir a unha tourada en Madrid para, segundo dixera en días previos, "defender a liberdade cultural" tras a fin do Premio de Tauromaquia que viña entregando o Ministerio de Cultura. Previamente, o ex-presidente e actual líder do PP felicitou o 17 de maio a través das redes sociais con senllas mensaxes en castelán e galego. [Imaxe: © PP]

• HEMEROTECA | "As touradas son unha actividade anacrónica que mancha a imaxe de Pontevedra"
• HEMEROTECA | A Xunta evita prohibir as catro touradas que quedan en Galicia