Manuel Fernández de Sousa, ex-presidente de Pescanova, entra en prisión, onde permanecerá seis anos logo de ser condenado pola súa xestión na empresa. O empresario ingresou este martes no cárcere de Soto del Real (Madrid).
Fálase
-
O xulgado fixa o 26 de xuño como data na que os Franco poderán retirar de Meirás os poucos bens que a Audiencia da Coruña lles permite levar: unhas imaxes relixiosas, unha lámpada e unhas alfombras.
- HEMEROTECA (20-1-2023) | A Audiencia da Coruña rexeita que os Franco poidan retirar de Meirás a maioría dos bens que reclamaban
- HEMEROTECA (7-12-2020) | O inventario do Pazo de Meirás inclúe 700 bens, entre eles as esculturas do Mestre Mateo
O próximo curso escolar comezará o 11 de setembro e rematará o 21 de xuño. Así o acordaron este martes Xunta e sindicatos, que tamén fixaron as vacacións de Nadal do 22 de decembro ao 7 de xaneiro. O Día do Ensino será o 7 de decembro e tampouco será lectivo.
Fátima Pego e Grande Amore, xuntos no tema musical da nova campaña a prol do uso do galego lanzada por Alingua, a rede de concellos que se uniron o pasado 2022 para promover o idioma "con fachenda" e que actualmente xa reúne dezanove municipios. Baixo o lema É túa. Pásaa! "apela ao uso do galego no individual e no colectivo".
Formoso asegura que o Goberno de España fará máis vivenda para a xente moza en Galicia en 2023 que Feijóo e Rueda en quince anos. O secretario xeral do PSdeG celebra que o Executivo central destine ao alugueiro social 50.000 vivendas da SAREB e pídelle á Xunta que colabore coa iniciativa.
28M | O DOG publica o cesamento do presidente do Porto de Vigo, Jesús Vázquez Almuíña, tamén ex-conselleiro de Sanidade, que volverá ser candidato do PP á alcaldía de Baiona. A orde publicada sinala que o cesamento é “por petición propia” e que terá “efectos do día 20 de abril”.
Pedro Sánchez anuncia un plan para destinar as case 50.000 vivendas da Sareb (actualmente ten 46.542, 1.830 delas en Galicia), o 'banco malo', a "alugueiro asequible". Durante a Conferencia Municipal do PSOE, o presidente do Goberno de España afirma que o proxecto recibirá o visto e prace no Consello de Ministros do vindeiro martes. Suporá, especifica, poñer 21.000 vivendas á disposición de concellos e autonomías dentro dun plan que implica tamén construír unhas 15.000 en terreos da propia Sareb.
- AMPLIAMOS 👉 O 'banco malo' ten 1.800 vivendas en Galicia atinxidas polo plan de "alugueiro accesible" que lanza Pedro Sánchez
- O 'banco malo' cede solo ao Concello de Sanxenxo para un campo de golf polo seu "interese xeral"
- A Xunta merca ao 'banco malo' 40 vivendas por 3,5 millóns que xa tiña cedidas para alugueiro social
- HEMEROTECA | O banco malo négase a informar o Parlamento sobre o 'ladrillo tóxico' que lle transferiu Novagalicia
28M - ENQUISAS | Abel Caballero revalidará a súa ampla maioría absoluta en Vigo e Inés Rey continuará na alcaldía da Coruña tras o 28M, segundo senllas enquisas publicadas este domingo por Atlántico Diario e El Ideal Gallego, respectivamente. Estes inquéritos prognostican o mantemento da representación e dos gobernos do PSdeG nas dúas principais cidades de Galicia, con lixeiros ascensos do número de edís para o PP e tamén para o BNG, ademais de descensos das mareas e, no caso coruñés, a desaparición de Ciudadanos e a entrada de Podemos.
A Xunta declárase "inquieta" coa nova lei estatal de Vivenda, a piques de ser aprobada, e reclama unha reunión "coa maior urxencia posible" ao Goberno de España ante a "preocupación dos diferentes colectivos profesionais do sector da vivenda en Galicia", di nun comunicado. Ese encontro, reclama o gabinete de Alfonso Rueda, debera ser unha Conferencia Sectorial, que xunta o Executivo estatal coas comunidades autónomas. Nos últimos anos a Xunta vén mantendo que a súa "principal demanda" ao Estado en materia de vivenda son as ocupacións.
- Límite do 3% ás subas do alugueiro e máis zonas tensionadas: así será a nova lei de vivenda
- HEMEROTECA | As ocupacións, "principal demanda" da Xunta ao Estado en vivenda malia admitir que non manexa "cifras exactas"
- 2022 rematou con quince desafiuzamentos por cada novo caso de ocupación en Galicia
- O número de demandantes de vivendas de alugueiro no rexistro da Xunta triplica os inmobles ofertados en Galicia
Nova folga de autobuses: CIG, CC.OO. e UGT convocan paros para os días 27 e 28 de abril e advirten de que "será indefinida a partir do 8 de maio se non se atenden ás súas demandas". Os sindicatos convocantes denuncian "a paralización na negociación dos catro convenios provinciais, a situación precaria do sector tanto no relativo ás condicións laborais como á propia prestación do servizo e os reiterados problemas de seguridade que presentan os vehículos". A folga do pasado 31 de marzo xa logrou un amplo seguimento, paralizando estacións e atrancando o transporte escolar.
- 🔊PODCAST | Fálase - O que pasa cos autobuses en Galicia e a despedida de Leilía
- Un xulgado abre dilixencias por prevaricación contra o director de Mobilidade da Xunta pola súa xestión dos autobuses
- O seguimento "masivo" da folga de autobuses paraliza estacións e atranca o transporte escolar en Galicia
- A xestión dos autobuses pola Xunta, a remolque da xustiza e contra a libre competencia
