Fálase

29N | Pilar Rojo, ex-presidenta do Parlamento e ex-conselleira con Fraga, volve ser candidata do PP ao Senado por Albacete. Quen fora xefa do lexislativo galego de 2009 a 2016, foi senadora por Pontevedra de 2019 a 2023 e nas anteriores xerais o PP xa a presentou como terceira opción na devandita circunscrición de Castela-A Mancha, na que agora recunca, como vén de confirmar a dirección provincial do partido. En 2016 marchou do Parlamento para concorrer ao Congreso pola provincia pontevedresa.

• Feijóo confirma negociacións con Vox para o Senado e a Tellado pola Coruña ao Congreso
• HEMEROTECA (2023) | Feijóo mete nas listas os seus asesores e leva de 2 por Madrid a lucense Rivera de la Cruz, ex de Ciudadanos
• HEMEROTECA (2016) | Pilar Rojo despídese de Galicia cargando contra a separación entre relixión e política

A alcaldesa da Coruña reitera a reclamación de que a Xunta transfira ao Concello os 7 millóns que vai recibir do Estado para vivenda por ser a cidade zona tensionada. "Non tería sentido que queden con eles cando xa dixeron por activa e por pasiva que non están de acordo" con esta aplicación da lei de vivenda estatal, resalta Inés Rey, quen lembra que "o Concello impulsou a declaración de zona tensionada" malia os "atrancos" do Goberno galego. O Goberno de España establece no Real Decreto que reparte os fondos que a Xunta debe "coordinar" o seu gasto cos concellos atinxidos, o coruñés (7 millóns) e o compostelán (3 millóns). Na imaxe, Rey coa súa homóloga de Santiago, Goretti Sanmartín, nunha xuntanza recente sobre políticas de vivenda.

• O Estado obriga a Xunta a "coordinar" coa Coruña e Santiago o gasto dos 10 millóns das zonas tensionadas

29N Feijóo substitúe por Cayetana Álvarez de Toledo á lucense ex-membro de Ciudadanos Marta Rivera de la Cruz como número dous do PP pola provincia de Madrid ás xerais. Álvarez de Toledo, un dos perfís máis dereitistas da cúpula dos populares, xa fora voceira no Congreso con Pablo Casado tras encabezar en 2019 a listas do partido por Barcelona. Na imaxe, o ex-presidente coa súa agora número dous e mais con Tellado, cabeza de cartel pola Coruña, nunha imaxe de arquivo [© PPdeG]

• O PP envía o presidente do Parlamento ao Senado e á conselleira de Política Social ao Congreso
• HEMEROTECA (2023) | Feijóo mete nas listas os seus asesores e leva de 2 por Madrid a lucense Rivera de la Cruz, ex de Ciudadanos

29N | Frente Amplio e PSOE manteñen "negociacións en marcha" para "maximizar" e "optimizar" os resultados electorais nalgunhas circunscricións ao Congreso cara ao 29N, logo do acordo alcanzado para o Senado. Así o asegurou o número un da coalición de esquerdas en Madrid, Emilio Delgado, en La Noche en 24 horas.

• Fronte Ampla adía o anuncio das súas candidaturas en Galicia e celebra o acordo co PSdeG no Senado

29N | Feijóo confirma negociacións con Vox para buscar unha maioría no Senado que lles dea á dereita e á extrema dereita os 3/5 da Cámara alta. O líder do PP estatal busca que a ultradereita non se presente nalgunhas provincias e traballa nalgunha "fórmula" para compensar a formación de Abascal. "Sería un erro facilitar ao sanchismo o control", explicou nunha entrevista na COPE. 

• AMPLIAMOS 👉 Feijóo confirma negociacións con Vox para o Senado e a Tellado pola Coruña ao Congreso
• HEMEROTECA | Os 'contratos' de Feijóo: da "austeridade" ás teimas da internacional reaccionaria

29N Feijóo volve reciclar a fórmula do Contrato con Galicia, agora presentado como Contrato con España, para lanzar diversas promesas cara ás eleccións xerais. O PP estreara este formato en vésperas das eleccións galegas de 2009 e, xa co ex-presidente no seu liderado estatal, reciclouno por primeira vez en 2023 para asegurar que se gobernase en España aplicaría un "plan de calidade institucional". Agora asegura que sintetiza no novo "contrato" o seu proxecto de "reconstrución nacional" con promesas como a "fin do inferno fiscal" ou "garantir o ensino do castelán", así como resolver diversos problemas coma o da vivenda. Na imaxe, Feijóo asinando o seu primeiro "contrato" nun acto do PP en 2009 e o acto celebrado este 19 de outubro. [©PP]

• 📃 DOCUMENTO | O Contrato con España presentado por Feijóo
• A dereita estatal tivo un galego de candidato en 10 das 16 xerais, pero só dúas veces foi presidente
• HEMEROTECA | Os 'contratos' de Feijóo: da "austeridade" ás teimas da internacional reaccionaria
• HEMEROTECA | Feijóo tamén recicla o 'Contrato con Galicia' e volve cuestionar o sistema electoral dos concellos

Alfonso Rueda xustifica que a Xunta non declarase loito oficial por Beiras porque "non representaba a todos os galegos". O presidente da Xunta critica aos que "queiran crear polémicas" coa decisión do seu goberno: "Sempre veñen do mesmo lado, alá eles", dixo, asegurando que "non lle teñen tanto respecto á figura de Beiras como din ter". 

• Todo o contido sobre a figura de Xosé Manuel Beiras en Praza.gal, aquí

A Coruña xa ten rúa para Os Diplomáticos de Monte Alto. O Concello aproba o cambio da denominación da rúa Alcalde Sanjurjo de Carricarte, que pasará a dedicarse á emblemática banda coruñesa. A proposta será elevada a pleno logo do visto e prace da Comisión de Honras e Distincións, co voto a favor de PSOE e BNG e o voto en contra do PP. 

• A Coruña aproba homenaxear os Diplomáticos de Monte Alto coa rúa que honrou a un alcalde franquista

🚌 A Xunta abrirá o martes 3 de novembro a nova terminal de autobuses da estación intermodal da Coruña, que implicará unha reorganización dos cinco corredores de entrada e saída da cidade, ao trasladarse a esta nova infraestrutura todo o tráfico do transporte interurbano por estrada. [📸 Dársena da nova estación de autobuses da Coruña ©Xunta]

• DATOS | 5,4 millóns de pasaxeiros móvense cada ano en bus entre A Coruña a súa área metropolitana
• HEMEROTECA | Sen avións en Santiago e sen trens na Coruña e parte de Vigo: as obras condicionan a mobilidade

A XLIX edición dos Premios da Crítica de Galicia celebrouse este sábado en Vigo, baixo o lema «É o momento non de cambiar as regras, senón de cambiar de xogo», de Begoña Caamaño. Estes foron os galardoados:

• Premio de Creación Literaria: Un xesto de tenrura, de Gonzalo Hermo
• Premio de Investigación en Ciencia e Tecnoloxía: Antonio Salas Ellacuriaga
• Premio de Investigación en Ciencias Sociais e Humanidades: Universo Cantigas II. Cantigas de amigo, do equipo interuniversitario coordinado por Manuel Ferreiro
• Premio de Iniciativas Culturais e Científicas: Cabreiros: máis de 25 anos dunha experiencia de cultura colectiva
• Premio de Música: Abraham Cupeiro
• Premio de Artes Plásticas: Mar Caldas
• Premio de Artes Escénicas: Laura Iturralde
• Premio de Cine e Artes Audiovisuais: Beli Martínez
• Premio de Cultura Dixital: o proxecto de comunicación do Real Club Celta de Vigo
• Premio de Cultura Gastronómica: José María Fonseca Moretón