Fálase

29N Feijóo volve reciclar a fórmula do Contrato con Galicia, agora presentado como Contrato con España, para lanzar diversas promesas cara ás eleccións xerais. O PP estreara este formato en vésperas das eleccións galegas de 2009 e, xa co ex-presidente no seu liderado estatal, reciclouno por primeira vez en 2023 para asegurar que se gobernase en España aplicaría un "plan de calidade institucional". Agora asegura que sintetiza no novo "contrato" o seu proxecto de "reconstrución nacional" con promesas como a "fin do inferno fiscal" ou "garantir o ensino do castelán", así como resolver diversos problemas coma o da vivenda. Na imaxe, Feijóo asinando o seu primeiro "contrato" nun acto do PP en 2009 e o acto celebrado este 19 de outubro. [©PP]

• 📃 DOCUMENTO | O Contrato con España presentado por Feijóo
• A dereita estatal tivo un galego de candidato en 10 das 16 xerais, pero só dúas veces foi presidente
• HEMEROTECA | Os 'contratos' de Feijóo: da "austeridade" ás teimas da internacional reaccionaria
• HEMEROTECA | Feijóo tamén recicla o 'Contrato con Galicia' e volve cuestionar o sistema electoral dos concellos

Alfonso Rueda xustifica que a Xunta non declarase loito oficial por Beiras porque "non representaba a todos os galegos". O presidente da Xunta critica aos que "queiran crear polémicas" coa decisión do seu goberno: "Sempre veñen do mesmo lado, alá eles", dixo, asegurando que "non lle teñen tanto respecto á figura de Beiras como din ter". 

• Todo o contido sobre a figura de Xosé Manuel Beiras en Praza.gal, aquí

A Coruña xa ten rúa para Os Diplomáticos de Monte Alto. O Concello aproba o cambio da denominación da rúa Alcalde Sanjurjo de Carricarte, que pasará a dedicarse á emblemática banda coruñesa. A proposta será elevada a pleno logo do visto e prace da Comisión de Honras e Distincións, co voto a favor de PSOE e BNG e o voto en contra do PP. 

• A Coruña aproba homenaxear os Diplomáticos de Monte Alto coa rúa que honrou a un alcalde franquista

🚌 A Xunta abrirá o martes 3 de novembro a nova terminal de autobuses da estación intermodal da Coruña, que implicará unha reorganización dos cinco corredores de entrada e saída da cidade, ao trasladarse a esta nova infraestrutura todo o tráfico do transporte interurbano por estrada. [📸 Dársena da nova estación de autobuses da Coruña ©Xunta]

• DATOS | 5,4 millóns de pasaxeiros móvense cada ano en bus entre A Coruña a súa área metropolitana
• HEMEROTECA | Sen avións en Santiago e sen trens na Coruña e parte de Vigo: as obras condicionan a mobilidade

A XLIX edición dos Premios da Crítica de Galicia celebrouse este sábado en Vigo, baixo o lema «É o momento non de cambiar as regras, senón de cambiar de xogo», de Begoña Caamaño. Estes foron os galardoados:

• Premio de Creación Literaria: Un xesto de tenrura, de Gonzalo Hermo
• Premio de Investigación en Ciencia e Tecnoloxía: Antonio Salas Ellacuriaga
• Premio de Investigación en Ciencias Sociais e Humanidades: Universo Cantigas II. Cantigas de amigo, do equipo interuniversitario coordinado por Manuel Ferreiro
• Premio de Iniciativas Culturais e Científicas: Cabreiros: máis de 25 anos dunha experiencia de cultura colectiva
• Premio de Música: Abraham Cupeiro
• Premio de Artes Plásticas: Mar Caldas
• Premio de Artes Escénicas: Laura Iturralde
• Premio de Cine e Artes Audiovisuais: Beli Martínez
• Premio de Cultura Dixital: o proxecto de comunicación do Real Club Celta de Vigo
• Premio de Cultura Gastronómica: José María Fonseca Moretón

O pacto na esquerda estatal lógrase só na Comunitat Valenciana e nas Canarias. A pasada noite rematou o prazo para que Frente Amplio e Podemos puideran rexistrar coalicións. Máis información en infoLibre.  

Resoltos os Premios da Cultura do 2026. O xurado dos galardóns impulsados pola Xunta distingue na categoría de Letras a María Solar e en Artes Visuais a Almudena Fernández Fariña. Nas Artes Escénicas o premio é para a compañía Elefante Elegante e en Música, para a Asociación Galega de Empresas Musicais. O Premio da Cultura no eido audiovisual lévao este ano Alfonso Zarauza e o de lingua, Espazo Lectura. O Obradoiro de Gaitas Seivane é recoñecido na categoría de Patrimonio Cultural e o festival EmigraSon, na de Proxección Exterior. Na imaxe, unha edición do festival EmigraSon, en Bruxelas.

↪️PARA SABER MÁIS

• The Rapants, Baiuca, Ortiga... O EmigraSon volve cun cartel de luxo para conquistar Bruxelas
• Alfonso Zarauza: "É fundamental axudar a crear unha comunidade de artistas, que haxa moitas persoas soñando con facer películas"
• María Solar: "Sempre se fala de amor tóxico, pero non das amizades tóxicas"
• Espazo Lectura: "O único apoio público que necesitamos é unha biblioteca de calidade"
• Mondra, Tanxugueiras ou Fillas de Cassandra, entre as finalistas dos Premios da Industria Musical

29N Pontón, a Feijóo nas xerais: "Que se sacrifiquen eles". A portavoz nacional do BNG resalta que "non sei se por torpeza ou porque os traizoa o subconsciente", o PP "xa está deixando claras as súas intencións, sacrificios aos de sempre: á xente traballadora, á xente moza e aos pensionistas". Se o Bloque, contrapón, dá "un gran salto" nas urnas implicará "que Galiza pese no Estado", a "defensa da xustiza social" e que, ademais, "o PP e Feijóo estean na oposición".

• Pontón insta a desbotar "medo" e "derrotismo" o 29N cunha chamada a "concentrar o voto" no BNG

29N Feijóo enfatiza que el é "o candidato" do PP para afirmar que "rematou" a controversia en torno aos plans da dereita para as pensións públicas. Se goberna tras o 29N, afirma, "actualizaranse as pensións conforme ao IPC" e "garantiremos o sistema público de pensións e a súa viabilidade, sen dúbida", subliña despois de que a voceira parlamentaria do partido, Ester Muñoz, proclamase  que o "sistema actual" de pensións públicas "vai petar" e "hai que cambialo" con "valentía" e tras indicar o propio ex-presidente que impulsaría un "modelo viable" diferente do actual para "os mozos" futuros pensionistas. Na imaxe, Feijóo este xoves en Bruxelas, nun acto do PP Europeo. [© PP]

• HEMEROTECA | Feijóo di que o PP "sempre" subiu as pensións co IPC malia non ser certo e cuestiona unha xornalista de TVE por evidencialo
• HEMEROTECA | Feijóo xa quixo recortar pensións hai 15 anos e tivo que rectificar

O novo enlace sen peaxe coa Cidade Deportiva do Celta en Mos recibe o permiso ambiental da Xunta, publicado este mércores no DOG. O Goberno galego acordou coa sociedade anónima deportiva controlada pola familia Mouriño dar acceso ao seu proxecto urbanístico desde a autoestrada autonómica AG-57 Vigo-Val Miñor sen cobrar aos vehículos polos dous quilómetros que deben circular por esa vía de peaxe, que si seguirán de pago para o resto de usuarios.

• HEMEROTECA | (15/5/2025) A Xunta quitará a peaxe ás viaxes entre Vigo e a Cidade do Celta a través da súa autoestrada AG-57
• HEMEROTECA | (11/9/2025) Rueda puxo a primeira pedra da cidade deportiva do Celta 12 días antes de ter todos os permisos ambientais
• HEMEROTECA | (24/4/2023) A xustiza fai firme que a cidade deportiva do Celta comezou de xeito ilegal