Fálase

A Xunta de persoal da área sanitaria da Coruña e Cee solicita o amparo da Valedora do Pobo "ante a pasividade da Xerencia na toma de medidas efectivas para previr as agresións a profesionais". "Levamos anos denunciando o incremento da conflitividade cos e coas profesionais que desenvolven o seu traballo e a maioría de veces por motivos alleos como son as longas listas de agarda", explican no escrito rexistrado este venres nas oficinas da Valedora. Piden a súa axuda para que a Xerencia da Coruña-Cee e a Consellería de Sanidade tomen "as medidas preventivas necesarias" para poder traballar "nun ambiente seguro". 

• HEMEROTECA | As agresións na sanidade pública volven mobilizar o seu persoal, desta vez no Álvaro Cunqueiro
• HEMEROTECA | A Xunta sancionará e denunciará de oficio as agresións a persoal sanitario
• HEMEROTECA | O apuñalamento dun enfermeiro no CHUAC abre o debate sobre a seguridade do persoal sanitario

MeteoGalicia activa avisos amarelos na maior parte de Galicia para este venres, día 9, e mais para mañá sábado, día 10, por treboadas con fortes chuvias. "Temos por diante 48 horas de moita inestabilidade atmosférica con chuvias localmente fortes e acompañadas de sarabia e treboadas", advirte. Os detalles, no seu web.

Fumeira branca á cuarta votación. Os cardeais participantes no cónclave no Vaticano acordan a designación dun novo papa, anunciado ás 18.07 horas desta tarde [📸 VaticanNews]. 

+ INFO | "Habemus papam": o cardeal Prevost é o papa León XIV

📺 Denunciado o patrón dun arrastreiro galego por capturar 18 delfíns e catro peixes espada. A Garda Civil iniciou a investigación tras a publicación dun vídeo da entidade ecoloxista Sea Shepherd. 

O Congreso aproba o plan do Goberno de España para afrontar os aranceis dos EUA por maioría absoluta malia ao "non" do PP e Vox. As medidas contaron co apoio das dúas forzas que conforman o Goberno de España, PSOE e Sumar, e do groso de formacións que apoiaron a Pedro Sánchez na investidura, entre elas o BNG, ata un total de 176 votos a prol entre os que non estiveron os de Podemos, que optou pola abstención. Na imaxe, o ministro de Economía, Carlos Cuerpo, defendendo o proxecto. [© Congreso]

• HEMEROTECA | Trump sinala a cota para o galego no audiovisual como unha das razóns para impor aranceis a España
• HEMEROTECA | Os aranceis de Trump terán un impacto "masivo" nas exportacións europeas de 380.000 millóns
• HEMEROTECA | Os aranceis do 25% anunciados por Trump custarían 200 millóns ás empresas galegas, segundo a Xunta
• HEMEROTECA | "As fracturas na UE veranse agravadas con Trump, dando pulo ao populismo ultraconservador"

Segunda fumeira negra na elección do novo papa. Pouco antes do mediodía deste xoves o fume negro informou de que os 133 cardeais electores pechados na Capela Sistina non chegaron aínda a unha decisión sobre quen sucederá a Francisco. Desde este xoves haberá catro votacións diarias ata acadar cando menos dous terzos do total, isto é, un mínimo de 89 votos favorables a un candidato.

• Do progresista Tagle ao ultra Burke, a sucesión de Francisco reabre as vellas pulsións na Igrexa 
• Francisco, o papa que manchou as mans

Jácome anuncia o rexistro dunhas "novas siglas de partido" para "concorrer a comicios supramunicipais". A través dunha mensaxe nas redes sociais, o alcalde de Ourense e líder de Democracia Ourensana asegura que esta será unha nova formación "confederada a DO". O rexistro formalizouse o pasado abril, agrega amosando unha fotografía na que aparece canda Armando Ojea, deputado de DO no Parlamento, e Susana Gómez, xefa do gabinete da alcaldía ourensá. Actualmente, alén do consistorio ourensán DO ten representación no Concello de Barbadás cun concelleiro e na Cámara galega, co devandito parlamentario.

• HEMEROTECA | Democracia Ourensana estréase no control a Rueda cun perfil baixo que lle permite publicitar medidas da Xunta
• HEMEROTECA | Jácome substitúe as roldas de prensa por emisións dende o salón de plenos na súa televisión privada
• HEMEROTECA | O xuízo ao senador Baltar e o lonxe que queda Ourense
• 🔊PODCAST | Fálase - Anatomía do de Ourense

Fumata negra na primeira votación para elixir un novo papa. Ás nove en punto da noite o fume negro informou de que os 133 cardeais electores pechados na Capela Sistina non chegaron aínda a unha decisión sobre quen sucederá a Francisco. A partir de agora haberá catro votacións diarias ata acadar cando menos dous terzos do total, isto é, un mínimo de 89 votos favorables a un candidato. Na imaxe, de Vatican News, o peche das portas da capela, o coñecido "extra omnes".

• Do progresista Tagle ao ultra Burke, a sucesión de Francisco reabre as vellas pulsións na Igrexa 
• Francisco, o papa que manchou as mans

Principia o conclave do que sairá o 267º papa da Igrexa Católica. Dende as 16:30 deste mércores os 133 cardeais electores, os menores de 80 anos, péchanse na Capela Sistina para abordaren unha elección na que esta mesma tarde se celebra a primeira votación e de, aí en diante, catro diarias ata acadar cando menos dous terzos do total, isto é, un mínimo de 89 votos favorables a un candidato. [Imaxe: retransmisión Vatican News]

• Do progresista Tagle ao ultra Burke, a sucesión de Francisco reabre as vellas pulsións na Igrexa 
• Francisco, o papa que manchou as mans

"Sempre sanidade pública": a deputada do PSdeG Silvia Longueira agradece o labor do CHUAC no seu retorno ao Parlamento tras o seu tratamento de cancro. A parlamentaria trasladou este agradecemento durante a súa primeira intervención no pleno que se está a desenvolver na Cámara. O seu partido transmite "felicidade" por "tela recuperada logo de darnos un exemplo de esforzo, de loita e de resistancia". "Grazas ao traballo da sanidade pública", agrega a formación que encabeza José Ramón Gómez Besteiro.

• HEMEROTECA | O 66% dos tumores de mama detéctanse en estadios iniciais grazas ao cribado do Sergas 
• HEMEROTECA | "O cancro non espera": pacientes de Oncoloxía do CHUS denuncian os continuos atrasos nos tratamentos e revisións
• HEMEROTECA | Radiografía do cancro en Galicia: colorrectal, pulmón e próstata, os máis habituais, e os homes os máis afectados
• HEMEROTECA | A prevención do cancro pasa por atender a inflamación: unha viguesa demostra a súa relación coa agresividade dos tumores