Fálase

O Supremo rexeita anular a causa penal contra José Manuel Baltar por conducir un coche oficial da Deputación de Ourense (na imaxe) a 215 por hora cando era presidente da institución. O agora senador do PP argumentaba que "xa foi multado en vía administrativa" e que, polo tanto, non cabía esta causa. O proceso contra Baltar segue adiante e a maxistrada da Sala do Penal acepta pedir informes sobre o radar que o multou, como pedía a defensa. Deixa tamén "pendente de resolver" a elevación dun suplicatorio ao Senado para proceder contra o popular nesta causa, que agora instrúe o Alto Tribunal pola condición de aforado do dirixente ourensán

• HEMEROTECA | Baltar nega ante o Supremo que conducise a 215 km/h e atribúe as acusacións a unha "campaña"
• HEMEROTECA | Outro coche oficial crúzase en campaña ante Feijóo e Rueda catorce anos despois
• HEMEROTECA | Baltar négase a dimitir, admite dúas multas máis e reitera que conduciu o coche oficial a 215 km/h por "despiste"

Tal día coma hoxe de hai 12 anos nacía Praza. Baixo estas liñas, a que foi a nosa primeira portada. Celebrámolo grazas a vós e, cadrando co noso aniversario, estreamos a nosa nova canle de WhatsApp

• ↪️ Faite de Praza.gal
• 📲 Síguenos en Telegram e WhatsApp.
• 📩 Recibe cada día as informacións de Praza.gal nun único correo electrónico subscribíndote aquí

O mural que o madrileño Hugo Lomas Sfhir realizou en Fene no marco do I Perla Mural Fest foi elixido mellor mural do mundo o pasado ano no marco do certame Street Art Awards. Ademais, en segunda e terceira posición aparecen dous muralistas galegos, a viguesa Lula Goce e o lucense Manuel Pallín, Yoe 33, polas súas obras A dona do esteiro e Copora, realizadas na Ramallosa (Nigrán) e Lugo, respectivamente.

Catalunya declara a emerxencia por seca en 202 concellos e nas áreas de Barcelona e Girona. A medida, que afecta case 6 millóns de persoas, limita o consumo de auga por habitante e o uso de duchas en ximnasios en centros deportivos e prohibe regar árbores e xardíns botánicos ou encher piscinas.

A Xunta Electoral ordena ao PP retirar das redes sociais unha publicación que apelaba ao voto dos galegos no exterior e estima a denuncia do PSdeG contra a publicación, que animaba a emigración a participar nas eleccións. 

O ministro de Función Pública anuncia a cancelación en 2025 taxa de reposición que limita dende o Goberno de España a incorporación de persoal no emprego público e a "fin da cita previa obrigatoria" na Administración. José Luis Escrivá sinalouno na comparecencia no Congreso onde expuxo as liñas xerais do seu departamento para a lexislatura. [Imaxe: © Ministerio de Transformación Dixital e Función Pública]

• HEMEROTECA | O 51% dos médicos galegos ten máis de 55 anos e o 25% supera xa os 65
• HEMEROTECA | Feijóo culpa a PSOE e Unidas Podemos do recorte de persoal sanitario acumulado no mandato de Rajoy
• HEMEROTECA | "A cita previa obrigatoria non se axusta a dereito e só beneficia á Administración, pero non á cidadanía"

Junts vota en contra da lei de amnistía, que volverá á comisión de Xustiza, que ten agora un mes para emitir un novo ditame. O PSOE rexeitou incluír novas emendas, como pedía o partido de Puigdemont.  

• A lei de amnistía di buscar solución "desde a política" ao "conflito" e reivindica o respecto á Constitución

A Xunta Electoral divulga os enderezos e contactos aos que as persoas designadas para unha mesa deben dirixir as súas escusas se non poden acudir o 18F. As escusas deben presentarse ante a xunta electoral de zona correspondente ao municipio de residencia. 

Cinco persoas serán xulgadas polo asasinato de Samuel Luiz na Coruña en 2021. O xulgado que investigou o caso finaliza a instrución considerando que hai "indicios dabondo" para sentar no banco a estas cinco persoas, en dúas das cales aprecia ademais "agravante de discriminación por condición sexual", segundo informa o TSXG. Outro dos imputados será tamén xulgado por roubo con violencia. Tres dos acusados están en prisión provisional e así continuarán e os outros dous, en liberdade. Os outros dous implicados no asasinato, menores no momento dos feitos, xa están a cumprir condena. Na imaxe, [CC BY-SA Praza.gal], lembranzas para Samuel no lugar onde o mataron.

• HEMEROTECA | "Crueldade extrema" e "fonda animadversión á homosexualidade": a Fiscalía pide de 22 a 27 anos polo asasinato de Samuel Luiz
• HEMEROTECA | VINTE | A Coruña queer. Historias da mocidade LGTBI no primeiro ano sen Samuel

O pleno de Santiago aproba solicitar á Xunta declarar o concello como "zona de mercado residencial tensionado", o que permitiría intervir para limitar os prezos do alugueiro o abeiro da lei estatal de vivenda. A iniciativa, formulada polo PSdeG local, recibiu o apoio das dúas forzas que conforman o goberno, BNG e CA, xa que o gabinete de Goretti Sanmartín xa tiña "intensión de solicitar esta declaración" malia aos "obstáculos" do Goberno galego, resaltan. O pasado outubro, tras recibir unha solicitude neste sentido do Concello da Coruña, a Xunta desbotou atendela.

• Escalada de prezos de alugueiro e compra e pisos turísticos: a vivenda convértese nun dos problemas de Galicia e entra en campaña
• A vivenda protexida remata outra lexislatura galega en mínimos malia ao impulso dos fondos da UE
• HEMEROTECA | A Xunta di que podería limitar os alugueiros no 30% dos concellos pero rexéitao e culpa á "inconcreción" da lei estatal