Fálase

Pedro Sánchez confirma que o Consello de Ministros aproba hoxe o Real Decreto da regularización de persoas migrantes: "É, ante todo, un acto de normalización e de xustiza coa nosa propia historia", defende o presidente do Goberno de España nunha carta aberta divulgada a través das redes sociais, na que salienta que o proceso implica "que quen forma parte xa da nosa vida cotiá o faga en igualdade de condicións" con "dereitos e obrigas". Calcúlase que unhas 8.000 persoas en Galicia se poden beneficiar dunha regularización que, alén do Goberno de España, ten un amplo apoio de organizacións políticas, sindicais, sociais e mesmo da Igrexa católica fronte ao rexeitamento do PP e Vox, entre outros. Na imaxe, un barrio da Coruña con ampla presenza de poboación de orixe estranxeira.

• A regularización de migrantes atinxe unhas 8.000 persoas en Galicia: "Vivían na indefensión"
• DATOS | As que traballan: radiografía das migrantes que xa son piar do emprego en Galicia
• HEMEROTECA | Rueda alenta a acusación de que migrantes sen dereito a voto poden alterar as eleccións
• HEMEROTECA | Un paseo polas rúas máis mestizas da Galicia urbana: "En realidade, son todos de aquí"

O xuíz Peinado pecha a instrución e envía a xuízo por catro delitos a Begoña Gómez, esposa de Pedro Sánchez. O procesamento neste controvertido caso chega mentres Gómez se atopa acompañando o presidente do Goberno de España na súa viaxe oficial á China. Anteriores fitos da súa instrución cadraran tamén con eventos de proxección internacional do xefe do Executivo español. Na imaxe, Pedro Sánchez e Begoña Gómez tras aterraren en Beijing [© Pool Moncloa/Borja Puig de la Bellacasa]

• HEMEROTECA | Feijóo, ao persoal sen intermediarios
• HEMEROTECA | Pedro Sánchez di meditar a súa dimisión ante o "acoso" á súa muller
• OPINIÓN | A denuncia de Begoña Gómez por tráfico de influencias, por Carlos Amoedo

Fin da era Orban en Hungría coa ampla vitoria de Péter Magyar, o candidato conservador que concentrou o voto de oposición ao ata agora primeiro ministro, referente da internacional reaccionaria e con aval explícito dos gobernos dos EUA e Rusia. Na imaxe, Orban e Magyar, nunha imaxe de arquivo.

• OPINIÓN | A fábrica húngara do consenso pro-ruso, por David Alvarado

Numerosas mobilizacións en Galicia apoian a saída da Flotilla solidaria con Gaza. Diversas localidades galegas están a celebrar, entre o 11 e o 13 de abril, accións de apoio pola partida da Global Sumud Flotilla. 100 barcos con centos de participantes procedentes de máis de 100 países navegarán coa finalidade de chegar a Gaza, romper o bloqueo ilegal e garantir a axuda vital á poboación civil mediante a apertura dun corredor humanitario, segundo informa Global Sumud Galiza. 

[Foto BNG: concentración en Vigo]

• ENTREVISTA | Sandra Garrido: "A sociedade civil organizada é unha arma de construción masiva, podemos cambiar as cousas"

Familias do IES Brión alertan de “graves problemas” de altas temperaturas dentro das aulas. A ANPA Pedra Viada explica que hai tempo que puxo en coñecemento da Consellería de Educación e do Concello de Brión o asunto pero seguen sen tomarse medidas. “Cando chamemos dende Urxencias mentres acompañamos a un dos alumnos que teña sofrido un problema de saúde como consecuencia da calor, haberá alguén que descolgue o teléfono e ofreza unha solución?”, cuestionan desde a ANPA.

[Foto: arquivo]

•  HEMEROTECA | A mobilización das familias do IES de Brión consegue recuperar o curso de reforzo na ESO 

A misión Artemis II da NASA regresa á Terra logo da primeira viaxe á Lúa en máis de 50 anos. Artemis II puxo fin este venres con éxito a súa misión de levar novamente ao ser humano á órbita lunar por primeira vez desde 1972, coa saída da cápsula Orión dos seus catro astronautas, en aparente bo estado e no medio dos aplausos desde o centro de control en Houston logo de dez días. 

[Foto: NASA]

•  A NASA aspira a que a súa viaxe á Lúa volva unir un mundo polarizado por Trump

Activada a alerta laranxa por temporal costeiro en todo o litoral galego. O fenómeno meteorolóxico adverso estará activo desde media tarde deste sábado no noroeste e no oeste da provincia da Coruña e desde a medianoite no suroeste da Coruña e no litoral de Lugo e de Pontevedra, agardándose mar combinada de noroeste con ondas que poden acadar os seis metros, segundo Aemet. 

A Secretaría Xeral para o Deporte da Consellería de Presidencia, Xustiza e Deportes anunciou a suspensión da actividade deportiva federada e do programa Xogade no mar nos concellos afectados, que poden consultarse na web Deporte Galego. A Xunta lembra a importancia de manterse afastado da liña de costa, isto é, diques, rompentes e paseos marítimos. Tamén que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.

[Foto: Xunta]

A Xunta lanza o proceso para nomear un 'conseguidor' en Madrid que capte "oportunidades" e "contactos" para empresas. O cargo a dedo dentro do Instituto Galego de Promoción Económica (Igape) foi creado hai un ano e agora publícase no DOG a convocatoria para ocupalo.

• HEMEROTECA (8/5/2025) | O 'conseguidor' en Madrid: a Xunta crea un posto para "captar oportunidades" e "contactos singularizados" para empresas 

Os novos nomes de Galicia xa son oficiais. O DOG publica o Nomenclátor 2026 tras a súa aprobación definitiva polo Consello da Xunta e estará en vigor a todos os efectos dende mañá, 11 de abril. Trae consigo mudanzas na denominación dunha ducia de concellos, 182 parroquias e máis de dous mil lugares tras revisar a Real Academia Galega máis de 4.000 nomes.

• A Cañiza xa é A Caniza: o novo Nomenclátor de Galicia ten doce concellos 'novos' e 43.000 topónimos
• Os novos nomes das cidades: dos cen cambios en Vigo ás aldeas desaparecidas da Coruña

Unha "masa de aire frío polar marítimo" provocará descensos de temperaturas superiores aos 10 graos en Galicia entre hoxe e mañá, sábado. Explica MeteoGalicia que "un corredor de vento do noroeste" traerá consigo esa caída térmica, algunha chuvia feble o sábado e máis frío e precipitacións para o domingo. A predición completa, nesta ligazón. [Imaxe: MeteoGalicia]