Fálase

A USC abriu este martes a campaña electoral para as eleccións á Reitoría do xoves 12 de febreiro. Por primeira vez na historia a institución terá unha muller á súa fronte, xa que as candidatas son as catedráticas de Estatística e Investigación Operativa, Rosa Crujeiras; de Óptica, Maite Flores; de Filoloxía Inglesa, María José López Couso; e de Dereito Administrativo, Alba Nogueira. Nos comicios tamén se elixirán os representantes no claustro universitario e nas xuntas de centro e nos consellos de departamento.

Dous deputados do PP resultan feridos nun accidente múltiple que ten cortada a AP-9 en sentido sur á altura de Ordes, co tráfico desviado pola estrada N-550. O presidente do Parlamento identifica a Gonzalo Trenor e Roberto Rodríguez como os feridos e sinala que outros deputados e deputadas doutras forzas tamén se ven afectados polas retencións, polo que muda a orde do día do Pleno. A colisión en cadea produciuse no quilómetro 52 da AP-9, ao seu paso por Oroso, implicou a 23 vehículos cun balance total de 4 persoas feridas, segundo o 112.

Pacto entre o Goberno de España e Podemos para a regularización extraordinaria de migrantes en situación administrativa irregular. Estímase que en torno a medio millón de persoas poden beneficiarse dunha medida que vai na liña da Iniciativa Lexislativa Popular (ILP) que o Congreso comezou a tramitar en 2024 por ampla maioría absoluta, pero que dende aquela permanece bloqueada. A ILP foi impulsada por entidades moi diversas, dende as que traballan con migrantes a organizacións feministas ou a Igrexa. Entre 1985 e 2005 os sucesivos gobernos de España aprobaron seis regularizacións extraordinariasi baixo os mandatos de González, Aznar e Zapatero. Na imaxe, entidades e forzas políticas que apoian a regularización, en 2024 ante o Congreso.

• AMPLIAMOS 👉 En marcha a regularización extraordinaria de medio millón de persoas migrantes
• HEMEROTECA | "Se non é por humanidade, fágano por economía": claves da regularización de migrantes que bota a andar no Congreso

Renfe avisa que este martes, 27 de xaneiro, activará plans alternativos de transporte por estrada para os traxectos de trens de media distancia Ourense - Vigo e Ourense - Santiago. A compañía informa de que debido ás condicións meteorolóxicas "son necesarios traballos de recoñecemento da infraestrutura" ao longo de toda a xornada. As persoas con billete para os trens afectados serán avisadas vía SMS ou correo electrónico. 

‘Los domingos’ arrasa nos Premios Feroz e ‘Sirât’ queda con dous. A película dirixida por Alauda Ruiz de Azúa levou cinco galardóns, entre eles o de mellor película dramática, mellor guión e mellor dirección. Na gala, celebrada este sábado en Pontevedra, Sirât, dirixida polo galego Oliver Laxe, foi recoñecida co Premio Feroz á mellor música orixinal e mellor tráiler. 

[Foto: Manuel Fernández Valdés]

•  O cine galego na alfombra vermella: 'Sirât' opta aos Oscar a mellor filme internacional e mellor son

Máis de 600 incidencias rexistradas en Galicia pola borrasca Ingrid. O 112 Galicia vén de rexistrar, entre o día 23 e o que o vai de 24 de xaneiro, un total de 612 incidencias relacionadas coa meteoroloxía adversa que afecta á comunidade. A maior parte das incidencias estiveron relacionadas coa presenza de árbores e pólas nas estradas e problemas na circulación provocadas pola neve, a saraiba ou a formación de placas de xeo. O 112 recibiu tamén avisos de que varias persoas en concellos como Viana do Bolo, Montederramo e Calvos de Randín presentaban dificultades para saír das súas casas ou desprazarse debido á presenza de neve acumulada

•  A neve cobre amplas zonas de Lugo e Ourense e provoca problemas no transporte

A campaña polo Deportivo "da Coruña" anuncia "actuación sorpresa" ante Riazor este domingo ás 19 horas, antes do partido contra o Racing. O movemento para corrixir o topónimo deturpado no nome do club tamén repartirá colantes e volverá pedir unha rectificación da directiva.

• HEMEROTECA | "Da Coruña": a anomalía no topónimo do Deportivo albisca o seu fin
• HEMEROTECA | O Dépor xa é "da Coruña" para o Concello: a terceira rolda perde o 'L'

A Xunta suspende as clases de todos os niveis educativos polas nevaradas este venres, 23 de xaneiro, en toda a provincia de Ourense, nas zonas montaña, sur e centro de Lugo e no interior de Pontevedra. Nesta ligazón pódense consultar os concellos incluídos en cada zona. O Goberno galego encadra a decisión na alerta laranxa pola neve para unha xornada na que será de nivel vermello por temporal costeiro no litoral da Coruña e Pontevedra; por este motivo, suspende tamén "as actividades no exterior dos centros educativos das zonas noroeste, oeste e suroeste da provincia da Coruña, na Mariña de Lugo e nas zonas de Rías Baixas e Miño na provincia de Pontevedra", informa a Consellería da Presidencia. Na imaxe, os avisos meteorolóxicos de MeteoGalicia para mañá, venres 23.

Oliver Laxe optará aos Oscar con Sirât. O filme do realizador galego é candidato nas categorías da mellor película internacional e tamén do mellor son. 

• AMPLIAMOS 👉 O cine galego na alfombra vermella: 'Sirât' opta aos Oscar a mellor filme internacional e mellor son
• HEMEROTECA | Oliver Laxe: "O cinema segue sendo un espazo onde experimentar cousas fortes que xa non experimentamos na vida"
• HEMEROTECA | Oliver Laxe, de Cannes aos Ancares: "Confío no poder das imaxes"
• 🟪🟧🟦 📺 EN VINTE | Vinte almorzando con Oliver Laxe nos Ancares

Sindicatos médicos convocan folgas de cinco días ao mes ata xuño contra o Estatuto Marco do persoal sanitario elaborado polo Ministerio de Sanidade e "na demanda dun estatuto propio" só para o persoal médico. En Galicia a convocatoria impúlsaa a organización gremial O'Mega canda a confederación estatal CESM e outros catro sindicatos médicos de Andalucía, Cataluña, Madrid e Euskadi. Os paros están convocados do 16 ao 20 de marzo, do 27 ao 30 de abril, do 18 ao 22 de maio e do 15 ao 19 de xuño contra un Estatuto Marco que foi preacordado o pasado decembro polo Ministerio cos sindicatos CCOO, UGT, CIG, CSIF e SATSE [Imaxe: Simega]

• O Sergas sinala o ministerio por unha folga médica que obriga a suspender centos de intervencións
• A folga médica por un estatuto propio volve virar contra o Sergas en Galicia
• HEMEROTECA | Os sindicatos plántanse polas "inxerencias" de grupos médicos "non lexitimados" para negociar o estatuto marco
• HEMEROTECA | Persoal médico volve rebelarse contra medidas que limitan o seu traballo na privada