O Festival de Cans comeza oficialmente este xoves coa procesión de chimpíns e a proxección da película Alumbramiento, do director catalán Pau Teixidor, protagonizada por Sofía Milán e coa actriz galega María Vázquez no reparto. Para pechar a xornada celebrarase a Noite Lasal, na que se elixirá o mellor videoclip musical galego do ano, un evento precedido do concerto de Hydn. Este xoves, ademais, o protagonismo foi para O Corno, coa presenza da súa directora, Jaione Camborda, e a actriz Janet Novás, veciña de Cans e galardonada cun Premio Goya na última edición.
