Fálase

Feijóo promove unha comisión de investigación política no Senado sobre o accidente ferroviario de Adamuz tras negarse á mesma pescuda sobre o sinistro de Angrois. O daquela presidente da Xunta e do PPdeG impulsara o veto a esa investigación no Parlamento de Galicia e apoiou tamén as sucesivas negativas do seu partido no Congreso dos Deputados, onde os populares chegaran a descualificar como "miserable" e "absurda" unha petición que acabou sendo desbloqueada en 2017, tras mudar o PSOE a súa posición inicial ao respecto. A comisión celebrou todas as comparecencias previstas, pero tras concluír por mor das eleccións xerais de 2019, nunca chegou a retomar os traballos de redacción das conclusións. Na imaxe, Feijóo e Rajoy, coa daquela ministra Ana Pastor e outros cargos, visitando a contorna do accidente de Angrois en xullo de 2013 [© Pool Moncloa]  

• HEMEROTECA (2024) | Tras a condena penal de Angrois, que foi das investigacións técnica e política aínda pendentes?
• HEMEROTECA (2017) | As vítimas de Angrois logran a comisión de investigación sobre o accidente que piden dende 2013
• HEMEROTECA (2017) | Feijóo di que “a que reclaman as familias” é a “solución xudicial”
• HEMEROTECA (2017) | O PP acantóase no "non" á investigación política de Angrois no cuarto aniversario do accidente
• 📺 VÍDEO (2016) | Rafael Hernando (PP) ve "miserable" pedir unha investigación sobre "Angruás"

"Hoxé é un día normal de inverno". MeteoGalicia subliña que a borrasca Kristin "non afecta a Galicia", senón que atinxe ao "centro peninsular" e está a desprazarse cara ao leste cun temporal de vento, chuvia e neve. No noso país a xornada estará marcada polos chuvascos, "cota de neve en ascenso" -pero aínda con aviso amarelo na montaña de Lugo e gran parte da provincia de Ourense- e "ondas por riba dos 6 metros" no mar.

Os votos de PP, Vox e Junts derrogan o Real-Decreto que prorrogaba o 'escudo social' con medidas como a moratoria dos desafiuzamentos para persoas vulnerables e aplicaba a revalorización das pensións. Os populares e a formación catalá reclaman ao Goberno de Pedro Sánchez que volva someter a votación a suba das pensións, separándoa do resto de medidas. O pleno si convalidou o outro Real Decreto a debate, o relativo aos descontos no transporte. Na imaxe, o ministro Félix Bolaños defendendo as medidas durante o debate. [© Congreso]

• 800 desafiuzamentos en Galicia entre a incerteza sobre a moratoria
• HEMEROTECA | O 'escudo social' reduce a pobreza infantil coas familias monoparentais como reto
• HEMEROTECA | A Xunta volve conxelar o complemento das pensións non contributivas en 18 euros ao mes
• HEMEROTECA | Os 'boomers' cobran xubilacións altísimas? O 60% dos pensionistas galegos recibe menos de 15.000 euros ao ano

A USC abriu este martes a campaña electoral para as eleccións á Reitoría do xoves 12 de febreiro. Por primeira vez na historia a institución terá unha muller á súa fronte, xa que as candidatas son as catedráticas de Estatística e Investigación Operativa, Rosa Crujeiras; de Óptica, Maite Flores; de Filoloxía Inglesa, María José López Couso; e de Dereito Administrativo, Alba Nogueira. Nos comicios tamén se elixirán os representantes no claustro universitario e nas xuntas de centro e nos consellos de departamento.

Dous deputados do PP resultan feridos nun accidente múltiple que ten cortada a AP-9 en sentido sur á altura de Ordes, co tráfico desviado pola estrada N-550. O presidente do Parlamento identifica a Gonzalo Trenor e Roberto Rodríguez como os feridos e sinala que outros deputados e deputadas doutras forzas tamén se ven afectados polas retencións, polo que muda a orde do día do Pleno. A colisión en cadea produciuse no quilómetro 52 da AP-9, ao seu paso por Oroso, implicou a 23 vehículos cun balance total de 4 persoas feridas, segundo o 112.

Pacto entre o Goberno de España e Podemos para a regularización extraordinaria de migrantes en situación administrativa irregular. Estímase que en torno a medio millón de persoas poden beneficiarse dunha medida que vai na liña da Iniciativa Lexislativa Popular (ILP) que o Congreso comezou a tramitar en 2024 por ampla maioría absoluta, pero que dende aquela permanece bloqueada. A ILP foi impulsada por entidades moi diversas, dende as que traballan con migrantes a organizacións feministas ou a Igrexa. Entre 1985 e 2005 os sucesivos gobernos de España aprobaron seis regularizacións extraordinariasi baixo os mandatos de González, Aznar e Zapatero. Na imaxe, entidades e forzas políticas que apoian a regularización, en 2024 ante o Congreso.

• AMPLIAMOS 👉 En marcha a regularización extraordinaria de medio millón de persoas migrantes
• HEMEROTECA | "Se non é por humanidade, fágano por economía": claves da regularización de migrantes que bota a andar no Congreso

Renfe avisa que este martes, 27 de xaneiro, activará plans alternativos de transporte por estrada para os traxectos de trens de media distancia Ourense - Vigo e Ourense - Santiago. A compañía informa de que debido ás condicións meteorolóxicas "son necesarios traballos de recoñecemento da infraestrutura" ao longo de toda a xornada. As persoas con billete para os trens afectados serán avisadas vía SMS ou correo electrónico. 

‘Los domingos’ arrasa nos Premios Feroz e ‘Sirât’ queda con dous. A película dirixida por Alauda Ruiz de Azúa levou cinco galardóns, entre eles o de mellor película dramática, mellor guión e mellor dirección. Na gala, celebrada este sábado en Pontevedra, Sirât, dirixida polo galego Oliver Laxe, foi recoñecida co Premio Feroz á mellor música orixinal e mellor tráiler. 

[Foto: Manuel Fernández Valdés]

•  O cine galego na alfombra vermella: 'Sirât' opta aos Oscar a mellor filme internacional e mellor son

Máis de 600 incidencias rexistradas en Galicia pola borrasca Ingrid. O 112 Galicia vén de rexistrar, entre o día 23 e o que o vai de 24 de xaneiro, un total de 612 incidencias relacionadas coa meteoroloxía adversa que afecta á comunidade. A maior parte das incidencias estiveron relacionadas coa presenza de árbores e pólas nas estradas e problemas na circulación provocadas pola neve, a saraiba ou a formación de placas de xeo. O 112 recibiu tamén avisos de que varias persoas en concellos como Viana do Bolo, Montederramo e Calvos de Randín presentaban dificultades para saír das súas casas ou desprazarse debido á presenza de neve acumulada

•  A neve cobre amplas zonas de Lugo e Ourense e provoca problemas no transporte

A campaña polo Deportivo "da Coruña" anuncia "actuación sorpresa" ante Riazor este domingo ás 19 horas, antes do partido contra o Racing. O movemento para corrixir o topónimo deturpado no nome do club tamén repartirá colantes e volverá pedir unha rectificación da directiva.

• HEMEROTECA | "Da Coruña": a anomalía no topónimo do Deportivo albisca o seu fin
• HEMEROTECA | O Dépor xa é "da Coruña" para o Concello: a terceira rolda perde o 'L'