Fálase

O BOE publica o Real Decreto-Lei coa prórroga do escudo social para 2026. A ampla norma inclúe a extensión da posibilidade de que os xulgados suspendan os desafiuzamentos de persoas en situación de vulnerabilidade ou do bono social eléctrico, así como a suba das pensións e do Ingreso Mínimo Vital, entre outras. Entra en vigor dende mañá, pero o Goberno de España debe lograr a súa aprobación no Congreso dos Deputados ou en caso contrario, ficará derrogado. Na imaxe, a xuntanza do Consello de Ministros que aprobou este martes as medidas [© Pool Moncloa/Borja Puig de la Bellacasa]

• 800 desafiuzamentos en Galicia entre a incerteza sobre a moratoria
• HEMEROTECA | O 'escudo social' reduce a pobreza infantil coas familias monoparentais como reto
• HEMEROTECA | A Xunta volve conxelar o complemento das pensións non contributivas en 18 euros ao mes
• HEMEROTECA | Os 'boomers' cobran xubilacións altísimas? O 60% dos pensionistas galegos recibe menos de 15.000 euros ao ano

O Goberno de España prorroga as cotas de autónomos para 2026 á espera de alcanzar un acordo para elevalas. O Ministerio de Seguridade Social non conseguiu pechar un pacto coas asociacións de empregados por conta propia. 

• Autónomos en Galicia: cada vez menos e cotizando pola base mínima á espera de melloras

A Audiencia de Pontevedra ratifica o arquivo da causa que investigaba o accidente do Marisquiño, acordado por un xulgado de Vigo. O tribunal rexeita os recursos de cinco afectados polo afundimento da estrutura baixo o escenario no festival vigués no verán de 2018, que pedían continuar o proceso contra técnicos do Concello e da Autoridade Portuaria. "Non se achegaron indicios que permitan atribuírlles aos investigados responsabilidade ningunha por incumprimento do deber de vixilancia da estrutura", conclúen. Na imaxe, o paseo caído, minutos despois do accidente en 2018 [© Jacobo Pérez para Praza.gal]

• HEMEROTECA | A xustiza conclúe que o Concello de Vigo era o encargado do mantemento do paseo que afundiu no accidente do Marisquiño
• HEMEROTECA | Imputados catro técnicos do Porto e o Concello de Vigo polo accidente do Marisquiño
• HEMEROTECA | Máis de 300 persoas feridas ao afundir parte do paseo do Náutico de Vigo durante O Marisquiño

O Goberno de España aproba a "prórroga do escudo social" en 2026 cun Real Decreto-Lei que inclúe a extensión da moratoria dos desafiuzamentos "dos fogares vulnerables" ata o 31 de decembro do ano vindeiro ou a prohibición de cortes de subministros básicos para esta mesma poboación, na liña do pacto anunciado con EH-Bildu. O mesmo Real-Decreto Lei inclúe a revalorización das pensións e do Ingreso Mínimo Vital: un 2,7% que ascende ata o 7% no caso das mínimas e, para as de viuvez con cargas familiares, ata o 11,4%, a mesma porcentaxe na que subirá o IMV, avanza a nova ministra portavoz, Elma Saiz. Os detalles do Real Decreto-Lei coñeceranse coa súa publicación no BOE, previsiblemente este mércores, e para continuar en vigor deberá ser ratificado polo Congreso dos Deputados.

• 800 desafiuzamentos en Galicia entre a incerteza sobre a moratoria
• HEMEROTECA | O 'escudo social' reduce a pobreza infantil coas familias monoparentais como reto
• HEMEROTECA | A Xunta volve conxelar o complemento das pensións non contributivas en 18 euros ao mes
• HEMEROTECA | Os 'boomers' cobran xubilacións altísimas? O 60% dos pensionistas galegos recibe menos de 15.000 euros ao ano

O PSdeG ratifica que abordará nun Comité Nacional Extraordinario os casos de acoso. Será o 10 de xaneiro en Santiago de Compostela, tal e como vén de trasladar o partido tras a reunión –tamén extraordinaria– da súa Comisión Executiva Nacional a través dun comunicado.  

👉🏻 O PSdeG abordará os casos de acoso no seu máximo órgano entre congresos
👉🏻 Besteiro reivindica "contundencia" do PSdeG co acoso sexual fronte ás críticas polo 'caso Tomé' 

O líder socialista en Estremadura, Miguel Ángel Gallardo, dimite do cargo tras o devalo do PSOE nas eleccións deste domingo, nas que perderon dez escanos e pasaron a ser a segunda forza na comunidade. Gallardo [na imaxe, CC-BY-SA PSOE Estremadura] pacta con Ferraz que será unha xestora quen se encargue do partido rexional, que convocará un congreso extraordinario.

• Ampla maioría absoluta das dereitas en Estremadura 

A instrutora do caso do ex-conselleiro Alfonso Villares por presunto delito contra a liberdade sexual considera na fin da investigación que non debe ser xulgado. A Audiencia Provincial da Coruña debe confirmar ou revogar a decisión. A investigación regresou aos xulgados ferroláns a pasada primavera tras a dimisión de Villares, que por ter daquela condición de aforado só podía ser investigado no Tribunal Superior.

• AMPLIAMOS 👉  A instrutora do caso Villares decide non enviar o ex-conselleiro a xuízo por agresión sexual
• HEMEROTECA | O caso Villares volve ao xulgado de violencia sobre a muller pendente de probas clave 

🎰A nós non nos toca a Lotaría... 

🤗... tocounos unha comunidade de socias e socios como garante de contar o que sucede con contexto e malia ás presións

‼️Medra, pero aínda non é dabondo

🤝A neurocientífica Sonia Villapol explícache por que é boa idea seres de Praza

👉Ata o 80% da túa achega vénche de volta na declaración da renda do ano vindeiro

🟡 Faite socia, faite socio de Praza.gal

O PP propón no Parlamento, como adiantou Praza.gal, que Dolores Fernández Galiño continúe como Valedora do Pobo. Os populares rexistran formalmente a proposta apenas dúas semanas despois de que a Cámara declarase o cargo formalmente vacante, trámite realizado cando o mandato de Fernández Galiño levaba 16 meses rematado e, daquela, en funcións.

• O PP quere que siga a actual Valedora do Pobo e ofrece ao BNG propoñer o cargo adxunto
• Vacante o cargo da Valedora, primeira que non dimite en dúas décadas
• O PP obvia que ten a Valedora do Pobo en funcións desde hai 16 meses e o BNG pídelle cumprir a lei
• Eivas en dependencia, listas de espera e falta de pediatras encabezan o récord de queixas á Valedora
• A Xunta retira á Valedora o control da Lei de Transparencia

EH Bildu anuncia un pacto co Goberno de España "para manter o escudo social durante 2026", nomeadamente para prorrogar a moratoria dos desafiuzamentos para persoas en situación de vulnerabilidade, o veto ao corte de subministros básicos para esta mesma poboación e a prórroga do bono social eléctrico. O gabinete de Pedro Sánchez, avanza a formación soberanista vasca, ratificará a extensión destas medidas que expiraban o 31 de decembro nun Real Decreto-Lei que aprobará "nos vindeiros días". Para seguir vixentes precisarán, non obstante, de ser ratificadas polo Congreso nunha votación na que PSOE e Sumar necesitarán lograr máis apoios, como a comezos de 2025. Na imaxe, Mertxe Aizpurua, voceira de EH Bildu no Congreso.

• 800 desafiuzamentos en Galicia entre a incerteza sobre a moratoria