O Goberno de España desmárcase do apoio europeo a Trump na guerra e impide usar as bases dos EUA en Andalucía para atacar a Irán. Pedro Sánchez subliña que as operacións estadounidenses e israelís son alleas ao Dereito internacional. Na imaxe, Sánchez este luns en Barcelona co rei no Mobile World Congress [© Pool Moncloa/Borja Puig de la Bellacasa]
Querela da Fiscalía contra José Tomé por feitos que "poderían ser constitutivos dun delito de acoso sexual" ou "de abuso no exercicio da función pública". O Ministerio Público actúa contra o ex-presidente da Deputación de Lugo e actual alcalde de Monforte -posto no que permaneceu tras ser afastado da militancia no PSdeG- "tras recibir unha denuncia particular por feitos presuntamente delituosos cometidos contra unha muller en setembro de 2025"
Feijóo apela á súa "experiencia laboral e política forxada na sanidade pública" como "secretario xeral da consellería de Sanidade da Xunta ou como presidente do Insalud" para asegurar que respondería ás demandas do persoal médico en folga no caso de chegar a gobernar en España. "Os problemas da sanidade non nacen nas vosas consultas nin nas comunidades autónomas", sostén o ex-presidente e o actual líder estatal do PP nun escrito divulgado a través das redes sociais. Na imaxe, visitando como titular da Xunta o hospital de Vigo en 2020 co daquela conselleiro de Sanidade, Jesús Vázquez Almuíña.
Concello de Lugo, formacións políticas, entidades sociais e veciñanza homenaxean a alcaldesa Paula Alvarellos no seu primeiro cabodano. Centos de persoas atenderon este domingo o acto na memoria da política e avogada falecida o 1 de marzo de 2025. Miguel Fernández, o seu sucesor na alcaldía -na imaxe, xunto ao viúvo de Alvarellos, Guillermo Carro-, subliñou o seu "compromiso, traballo, tenacidade, valentía e ilusión tanto na súa faceta política como persoal" nun acto que incluíu música e a lectura dun poema escrito por Pablo Permuy, concelleiro do PSdeG na cidade tamén falecido o pasado ano. [Imaxes: Concello de Lugo / Deputación de Lugo]
Besteiro alerta en Baleira de que a falta de médicos no rural é xa un problema estrutural da sanidade galega. O líder do PSdeG enmarca a situación deste centro de saúde, con falta reiterada de persoal, nun deterioro progresivo da atención primaria en Galicia logo de máis de 16 anos de goberno do PP e anuncia que levará a demanda de Baleira e de tantos outros concellos de Galicia ao Parlamento.
A Consellería de Sanidade fai un chamamento ao sindicato O’Mega para que desconvoque a folga. Os médicos galegos de Atención Primaria están chamados á folga o luns polo sindicato O'Mega, que exixe un plan para desconxestionar a atención e reducir as listas de agarda.
[Na imaxe, persoal sanitario concentrado ante a Consellería de Sanidade]
Estados Unidos e Israel atacan Irán. Donald Trump confirmou a través dunha mensaxe en redes sociais que Estados Unidos lanzou un gran ataque contra Irán. O presidente estadounidense comunicou que o país iniciou operacións de combate contra Teherán: "O exército de Estados Unidos está a levar a cabo unha operación masiva e en curso para impedir que esta moi malvada ditadura radical ameace a Estados Unidos e aos nosos intereses fundamentais de seguridade nacional".
Audasa volve ser condenada a devolver a metade de peaxes cobradas durante as obras de Rande cando provocaron atascos. A concesionaria xa fora condenada, con aval do Supremo, e agora a Audiencia da Coruña pronúnciase sobre outras reclamacións de varias empresas de transporte.
O compostelán Óscar Corral gaña o Premio Internacional Rey de España de xornalismo cunha fotografía das riadas de Valencia para El País. A fotografía de bombeiros levantando un poste de sinais como a icónica imaxe de soldados coa bandeira estadounidense na illa de Iwo Jima foi tirada en Altafar uns días despois da riada.
As obras na estación da Coruña cortarán os días 27 e 28 de marzo a circulación de trens con esa cidade desde Santiago, Ferrol e Rábade. Renfe habilita autobuses alternativos desde esas localidades entre a tarde do venres e o mediodía do sábado.
