Fálase

En marcha outra vez o proceso para declarar a cheminea da antiga centra térmica das Pontes como Ben de Interese Cultural (BIC). A Xunta publica este venres no DOG o inicio dun expediente que xa abordou en 2022, dous anos despois de que Endesa evidenciase que a ía derrubar tras pechar o complexo industrial, pero que caducou sen chegar a estar concluído. Na imaxe, [© Endesa], a central das Pontes cando aínda estaba en funcionamento.

• HEMEROTECA | En defensa da protección da antiga central das Pontes: "O noso futuro non pode construírse derrubando o noso pasado"
• HEMEROTECA | A Xunta protexe a cheminea da central das Pontes dous anos despois de saber que Endesa a quere derrubar
• HEMEROTECA | Os impactos ambientais tras pechar a térmica das Pontes: as chemineas son patrimonio a conservar?

O TSXG valida o plan reitor das Fragas do Eume aprobado pola Xunta. O Tribunal Superior de Xustiza de Galicia rexeita o recurso interposto polo Concello de Pontedeume contra o plan de ordenación dos recursos naturais do espazo natural das Fragas do Eume. O alto tribunal destaca que o plan reitor "ten en conta o feito de tratarse dun espazo igualmente cualificado como integrante da Rede Natura 2000".

• As Fragas do Eume: un parque natural con dúas mil hectáreas de eucalipto e medidas tímidas para reverter a situación
• O plan reitor da Xunta para as Fragas do Eume reduce a máxima protección ao 3,5% da súa superficie
• O ecoloxismo rexeita o Plan Reitor das Fragas do Eume proposto pola Xunta, sen medidas para frear a eucaliptización do parque
• "O estado das Fragas do Eume é de completo abandono. É necesario un plan de uso e xestión ambicioso"

O PP facilita que volva estar permitido matar lobos en Galicia mediante unha emenda á lei de desperdicio alimentario. Os populares sacan adiante no Congreso canda Vox, Junts e PNV un precepto legal para retirar o lobo do Listado de Especies en Réxime de Protección especial no territorio ao norte do río Douro, no que foi inserido en 2021. A conselleira de Medio Ambiente, que acudiu ao Congreso para presenciar o debate, "aplaude" a medida e reclama ao Goberno de España que aplique decontado as reformas que correspondan para propiciar a caza do lobo. Na imaxe, Ángeles Vázquez con Miguel Tellado ante a sede da Cámara Baixa, este xoves en Madrid. [CC BY-SA Xunta]

• HEMEROTECA | A Audiencia volve rexeitar o recurso da Xunta contra a orde estatal que aumenta a protección do lobo
• HEMEROTECA | A Xunta mantén a súa defensa da caza do lobo malia que dende 2013 non se abateu ningún de forma legal en Galicia
• HEMEROTECA | O ecoloxismo celebra a prohibición da caza xeneralizada do lobo, fronte ás criticas de Xunta e algúns gandeiros
• OPINIÓN | O lobo, o algodón non engana, por Xabier Vázquez Pumariño

A nova alcaldesa de Viveiro propón subir o seu soldo un 35%, ata case os 60.000 euros anuais, quince días despois de acceder ao posto tras triunfar unha moción de censura contra a rexedora socialista. Mariña Gueimunde xustifica o incremento en que así cobrará o mesmo que no seu anterior cargo como xefa territorial da Consellería do Mar. Percibirá 15.500 euros ao ano máis que a súa antecesora, María Loureiro. 

• O PP volve gobernar Viveiro tras o pacto cos independentes contra PSdeG e BNG

Xornalistas Galegas organiza este venres, 21 de marzo, o debate 'Xornalistas contra o teito de cristal e o chan pegañento' en Compostela coa presenza de Sonia Vizoso, María Varela, Antía Díaz, Rosa Veiga e María Obelleiro, moderado por Marga Tojo, que terá lugar na Casa das Mulleres Xohana Torres ás 19 horas, aberto ao público e medios de comunicación.

A borrasca Martinho deixa en Galicia fortes ventos, con refachos de ata 166 km/h na provincia de Ourense e numerosas incidencias. No mar hai ventos de forza 8 e ondas de máis de 4 metros. 

Galicia acolle 90 menores migrantes e avisa de que non ten "ningunha praza" para os 326 que prevé a repartición do Goberno central. A conselleira Fabiola García anuncia accións legais contra o Executivo de España. 

• HEMEROTECA | Menores migrantes acollidos en Galicia: poucos e co traballo como prioridade
• HEMEROTECA | O periplo dun menor migrante: "Gustaríame quedar en Marrocos se as cousas fosen como en Galicia, non me tería matado para vir"
• HEMEROTECA | Colapso no sistema de protección de menores: "Chegou o momento de priorizar a infancia"

Activada a alerta laranxa por temporal costeiro na provincia da Coruña e Pontevedra. A Axencia Estatal de Meteoroloxía informa de que os efectos do temporal comezarán a sentirse esta madrugada no oeste e suroeste da costa coruñesa e en todo o litoral da provincia de Pontevedra, con vento do sureste de ata forza 9, con rachas moi fortes, e mar combinada do sur ou suroeste con ondas de ata 7 metros. Ademais, a causa do nivel de alerta a Xunta suspende a actividade deportiva federada no mar para este xoves tanto nas áreas da Coruña como de Pontevedra. Foto: Meteogalicia. 

Astérix e Obélix comen bacalhau. Lusitania será a vixésima quinta viaxe dos personaxes creados por Goscinny e Uderzo. A gastronomía e as paisaxes deste país no extremo suroeste do Imperio romano serán protagonistas no cómic número 41 de Astérix e Obélix, con guión de Fabcaro e ilustracións de Didier Conrad. Os tradutores Xavier Senín, Isabel Soto e Alejandro Tobar ocúpanse da versión en galego, que chegará ás librarías o vindeiro 23 de outubro da man de Edicións Xerais. [📸 Imaxe da cuberta provisional do cómic © Xerais]

Xabier Deive recibe a título póstumo o Premio de Honra Marisa Soto da Asociación de Actores e Actrices. "Con este galardón -explica a AAAG- distínguese a traxectoria do desaparecido actor ao tempo que se celebra a súa dimensión humana e o gran cariño que sentía e segue a sentir tanto a profesión escénica como o público polo intérprete". A asociación entrega este premio honorífico no marco dos seus galardóns anuais, os María Casares. "A AAAG non concibe a concesión deste galardón como unha despedida nin como un epílogo, senón como unha celebración plena e agarimosa da figura de Xabier Deive", falecido en xullo de 2024. Será "un festexo colectivo da persoa, do intérprete e do compañeiro", agregan. [Imaxe: © AAAG]

• HEMEROTECA | Falece o actor Xabier Deive, "compañeiro querido e respectado"
• ‘O dragón de ouro’ e ‘Iribarne’ encabezan as finalistas aos María Casares