Fálase

Rueda defende que non asinou a carta pola oficialidade do galego na UE canda os seus homólogos vasco e catalán porque a reclamación responde a unha "urxencia" de Pedro Sánchez. Preguntado ao respecto tras o Consello deste luns, o presidente da Xunta asegura que hai "outras prioridades máis urxentes" a respecto das linguas oficiais que o Goberno de España non financia e que serían "máis efectivas" que "traducir documentos administrativos que pouca xente vai ler a nivel europeo". Afirma, asemade, que tomou a decisión de desmarcarse sen consultar con Feijóo. Na imaxe, Rueda este luns en San Caetano, tras o Consello. [CC BY-SA David Cabezón / Xunta]

• Pontón e Besteiro ven "unha vergoña" e "triste" que Rueda non secunde a Euskadi e Catalunya a prol do galego
• España ve motivos políticos e "discriminación" na nova demora á oficialidade do galego na UE
• Euskadi e Catalunya piden aos gobernos da UE a oficialidade do galego que a Xunta desbota

A Xunta aproba a declaración como Ben de Interese Cultural o edificio do Museo Carlos Maside e a colección que custodia. O expediente para esta declaración BIC estaba a piques de caducar. O Museo está situado no complexo do Castro, en Sada, nun edificio deseñado por Andrés Fernández Albalat  que acolle obras de Castelao, Seoane, Mallo, Colmeiro, Laxeiro, Lugrís, Llorens e o propio Maside, entre outros moitos.

• HEMEROTECA | Do BIC global en Cervo ao BIC parcial en Sada: a protección das fábricas de Sargadelos pide "coherencia"
• HEMEROTECA | Sargadelos pecha o Museo Carlos Maside en resposta á petición de Sada de ampliar o BIC á fábrica
• HEMEROTECA | Reclaman que o Museo Carlos Maside sexa declarado BIC e recupere o modelo "ideado por Díaz Pardo e Seoane"

Marcial Dorado reitera que a súa amizade con Feijóo durou dende que dirixía o Sergas ata 2002, cando levaba seis anos como alto cargo do Goberno Aznar. Nunha entrevista con El Confidencial nega ser narcotraficante, mantén que recorrerá a súa condena ao respecto e asegura que cargos do PSOE e do PP lle ofreceron cartos ou vantaxes para revelar datos sobre os seus vencellos co ex-presidente da Xunta en vésperas das eleccións xerais de 2023. Na imaxe, recorte da capa de El País en 2013, cando o xornal publicou varias fotografías tomadas durante actividades de lecer compartidas por ambos.

• +INFO 👉 Marcial Dorado reitera: amizade con Feijóo mentres dirixía o Sergas que seguiu cando era alto cargo de Aznar
• HEMEROTECA | Dez anos da revelación da amizade de Feijóo e Marcial Dorado: non foron só unhas fotos
• HEMEROTECA | Feijóo oculta cal dos delegados do Goberno o avisou das fotos de Dorado e di que “un partido” o ameazou con elas
• HEMEROTECA | Feijóo non dimite polas fotos co narco e declárase vítima dun plan para "amedrentalo"

San Simón lembra as vítimas do franquismo e clama contra os fascismos actuais. A illa de San Simón (Redondela) foi un ano máis testemuña das reivindicacións dos colectivos da memoria histórica de Galicia, agrupados na coordinadora Iniciativa Galega pola Memoria. No acto tamén se alertou contra os fascismos de hoxe en día e defendeuse a Palestina libre.

•  Meirás e San Simón, protexidos como 'lugares de Memoria Democrática' a partir de agosto
• Piden iniciar os trámites para que San Simón e Meirás sexan lugares de memoria democrática

O BNG alerta dun “novo borrado da memoria colectiva” se o PP non cumpre coa declaración do Museo Carlos Maside como BIC. O prazo para resolver o expediente iniciado hai dous anos remata o 1 de agosto e a Xunta “non fixo absolutamente nada”, advirte Mercedes Queixas, portavoz de Cultura do BNG no Parlamento 

•  HEMEROTECA | A Xunta promete incoar "este mes" o expediente para declarar BIC o Museo Carlos Maside

Os premios Rosalía de Castro recoñecen o labor de Xosé Ramón Freixeiro, Ponte nas ondas!, CeibaRimas e Galego para peques. A Deputación da Coruña fixo entrega este venres do XVI Premio Rosalía de Castro, convocado pola área de lingua da entidade provincial para recoñecer iniciativas, traballos e traxectorias comprometidas coa promoción e dignificación da lingua galega.

• Ponte nas Ondas celebra o seu 30 aniversario cunha maratón radiofónica con centros de ensino
• HEMEROTECA | CeibaRimas: o freestyle en galego busca o seu rei ou raíña

A UE volve adiar a oficialidade do galego, o catalán e o vasco na UE. Varios Estados volven amosar as súas dúbidas e rexeitan pronunciarse sobre a petición do Goberno de España, que pediu aos 17 "non secuestrar ou atrasar innecesariamente" a decisión. Máis información, esta mañá en Praza.gal. Foto: © European Union

👉AMPLIAMOS | España ve motivos políticos e "discriminación" na nova demora á oficialidade do galego na UE

A Fiscalía recorre ante o Supremo a absolución do acusado como cómplice no asasinato de Samuel Luiz e pide a súa condena. O TSXG absolvera o home, que fora condenado nun primeiro momento pola Audiencia Provincial. 

O filme 'O meu Ilustrísimo Amigo', protagonizado por Lucía Veiga e dirixido por Paula Cons, seleccionado no Festival de Cine de Madrid - PNR. A película conta a historia de amor entre Emilia Pardo Bazán e Benito Pérez Galdós.

ENTREVISTA | Paula Cons: "Intento facer unha película sexy de dúas persoas non normativas que resultan absolutamente atractivas e interesantes"

A Comisión Europea reafírmase en que a ampliación da concesión da AP-9 ata 2048 decidida polo Goberno de Aznar é ilegal. Faro de Vigo avanza e Praza.gal puido confirmar que o Executivo comunitario enviou ao Goberno de España o ditame motivado no marco do procedemento de infracción que ten aberto dende 2021, no que advirte da posibilidade de recorrer ao Tribunal de Xustiza da UE.

• AMPLIAMOS 👉 A prórroga da AP-9 aprobada por Aznar ata 2048 é ilegal para a Comisión Europea
• HEMEROTECA | AP-9: "O que poida facer, que faga"
• HEMEROTECA | A ilegalidade que a UE detecta na prórroga de Aznar a Audasa ata 2048 fai revivir a súa controvertida privatización