Fálase

Tellado eloxia que persoal dos medios públicos "denuncie sectarismo" e "manipulación" como un "exercicio de profesionalidade e honestidade". O 'número dous' de Alberto Núñez Feijóo na dirección estatal do PP refírese a RTVE. Concretamente, a un informe do Consello de Informativos de Televisión Española sobre os programas Malas Lenguas e Mañaneros, coproducidos por empresas externas e aos que atribúe nesgos xornalísticos e malas praxes profesionais. Persoal da CSAG -antiga CRTVG- esixe dende hai anos a creación dun Consello de Informativos como unha das vías para frear a "manipulación" informativa nos medios públicos galegos, que tamén relacionan coa externalización de diversos programas.

• Os medios públicos fan medio ano co seu Consello de Administración en funcións
• HEMEROTECA | O PP frea a tramitación da ILP para "liberar" os medios públicos alegando que as "presións" veñen de BNG e PSdeG
• HEMEROTECA | Segunda dirección dos medios públicos do PP dende 2009 tras trece anos a esquivar a lei

Sirât entra con bo pé nos Premios Goya, é a segunda película con máis candidaturas, só por detrás de Los domingos. O filme de Oliver Laxe é finalista en once categorías: Mellor película, dirección, guión orixinal, dirección de producción, dirección de fotografía, montaxe, son, música orxinal, dirección de arte, efectos especiais e maquillaxe e perruquería. 

Decorado, de Alberto Vázquez, opta ao Goya á Mellor longametraxe de animación. 

Tamar Novas opta ao Goya como Mellor actor de reparto por Rondallas, rodada en Galicia, de Daniel Sánchez Arévalo.

A película de Carla Simón rodada en Vigo, Romería, opta a seis premios: deseño de vestiario, guión adaptado e dirección para Carla Simón, Mitch ao mellor actor revelación, Llúcia García á mellor actriz revelación e Miryam Gallego á mellor actriz de reparto.

• ENTREVISTA | Oliver Laxe: "O cinema segue sendo un espazo onde experimentar cousas fortes que xa non experimentamos na vida"
• REPORTAXE | Oliver Laxe, de Cannes aos Ancares: "Confío no poder das imaxes"
• ENTREVISTA | Alberto Vázquez: "A animación é unha das maneiras máis poéticas de falar da realidade"
• ENTREVISTA | Carla Simón: "A xeración dos meus pais foi a que nos levou a onde estamos agora a través de rachar con todo o anterior"
• ENTREVISTA | Llúcia Garcia e Mitch: "É moi complicado non romantizar unha etapa cunha explosión de liberdade como a de 'Romería"

Taxistas da Coruña cortan a avenida Alfonso Molina, principal vía de entrada á cidade, para exixir a regulación dos VTC. Un cento de vehículos en caravana percorreu a urbe esta mañá. Foto: CC-BY-NC-SA BNG A Coruña. 

O ex-conselleiro de Sanidade Julio García Comesaña ocupará o posto de secretario da Mesa do Parlamento que deixa a tamén ex-conselleira Ethel Vázquez, que volve ao posto que tiña en Augas de Galicia.

• HEMEROTECA | A Xunta vai perpetuar soldos máis altos a persoal que traballaba en entes suprimidos que os do resto da administración

Ex-traballadoras das mansións de Julio Iglesias acusan o cantante de agresións sexuais, segundo unha investigación de eldiario.es. Unha empregada do servizo doméstico e unha fisioterapeuta relatan un ambiente de control, acoso e terror nas súas vivendas de República Dominicana e as Bahamas. Foto: Alejandro Vilar. 

Tanques israelís disparan contra unha patrulla de cascos azuis de España no Líbano. Os tres proxectís caeron perto dos soldados da ONU sen causar feridos, segundo informa o Ministerio de Defensa. Foto: UNIFIL Líbano

O PSdeG traslada que Ferraz ratificou a súa proposta para que Carmela López, alcaldesa de Burela e deputada provincial, sexa a candidata socialista para substituír a José Tomé na Presidencia da Deputación de Lugo, que dimitiu tras o coñecemento público dun presunto caso de acoso sexual. O BNG avanzou xa o voto a favor da súa candidatura para "dar continuidade á maioría de esquerdas" no goberno da entidade provincial. Dende o PSdeG subliñan que a ratificación "permite avanzar na conformación dun proxecto sólido para unha Deputación útil, próxima e comprometida coa igualdade de oportunidades en toda a provincia de Lugo". [📸 CC-BY-SA Concello de Burela]

• Besteiro defende a xestión dos casos de acoso e denuncia o "uso espurio" da canle interna do partido
• HEMEROTECA | A permanencia de Tomé faino imprescindible na Deputación de Lugo e clave cara a 2027

O Goberno de España bonificará a quen non suba o prezo do alugueiro e limitará o de temporada. Os propietarios que renoven os seus contratos sen elevar o importe aos inquilinos terán unha bonificación fiscal do 100% no IRPF. Sumar, socio do executivo, anuncia que non apoiará a proposta. Foto: ©Pool Moncloa/Fernando Calvo.

Un "contrato de vida dixital" entre alumnado e colexio, entre as medidas do Plan de benestar dixital no ensino da Xunta. O Goberno galego di que será "un documento voluntario que asinarán o centro e o alumno, de acordo coa familia, relativo ao uso das tecnoloxías fóra do horario escolar", con "obrigas para o alumno no que atinxe aos tempos, horarios e usos dos dispositivos dixitais" e "retos de desconexión dixital como método pedagóxico". 

• HEMEROTECA | O 84% dos centros E-Dixgal recuperan os libros de texto ante a crise do programa da Xunta
• HEMEROTECA | Educar sen pantallas?: "O desafío non é tecnolóxico, senón ético"
• HEMEROTECA | O mal exemplo dos pais co móbil duplica as condutas de risco da mocidade en internet

A asociación Dereito a Morrer Dignamente concéntrase na Praza do Obradoiro en lembranza do falecemento de Ramón Sampedro, hai hoxe 28 anos, e reitera a súa petición para que o 12 de xaneiro sexa declarado como Día da Morte Digna en Galicia. [📸 © Montse Prado/BNG]

• DATOS | A maioría de procesos de eutanasia iniciados en Galicia non acaban en axuda para morrer
• HEMEROTECA | O dereito á morte digna de Laura Fernández, entre a burocracia do Sergas e os procedementos abreviados en situacións extremas
• HEMEROTECA | O 'Día da Morte Digna' lembra os 25 anos do pasamento de Ramón Sampedro e reclama a defensa deste dereito