Fálase

O vindeiro luns, 21 de abril, principia a segunda fase piloto do proxecto Xenoma Galicia co envío de sms para conseguir un milleiro de persoas voluntarias para a determinación do seu xenoma nunha mostra de saliva. As mensaxes chegarán a xente con centro de saúde nos concellos de Cedeira, As Somozas, A Coruña, Coristanco, Melide, Mondoñedo. Lugo, San Cristovo de Cea, Ourense, Silleda, Poio, Meis, Cerdedo-Cotobade, Vigo e Gondomar. As persoas teñen que aceptar a participación para recibir o kit de autotoma de mostra de saliva no seu domicilio, e posteriormente entregalo no seu centro médico. 

• REPORTAXE | "Somos xenes e somos ambiente, na saúde e na enfermidade" 
• HEMEROTECA | Proxecto Xenoma: o ADN de 400.000 galegas e galegos servirá para avanzar na Medicina personalizada

Adega consegue en 19 días os 39.100 euros necesarios para emprender accións xudiciais contra o proxecto de celulosa de Altri en Palas de Rei. Os fondos acadados a través de microachegas permitirán presentar dous recursos contencioso-administrativo diante do TSXG, un contra a denegación do arquivo do expediente de concesión de augas de Altri e outro contra a Autorización Ambiental Integrada do proxecto.

• HEMEROTECA | Adega xunta 10.000 euros en catro días para litigar contra Altri

O Ministerio de Xuventude impulsa unha reforma para estender o dereito ao voto á mocidade de 16 e 17 anos. O departamento de Sira Rego incorpora no texto da futura Lei de Xuventude unha medida de implantación incerta, toda vez que aínda non conta con acordo no seo do Goberno de España e, no caso de acadalo, precisaría do apoio do Congreso dos Deputados. En Galicia a rebaixa da idade para poder votar ata os 16 anos xa fora promovida por formacións coma o BNG.

• HEMEROTECA | O BNG propón mudar a lei electoral para asegurar dous debates en campaña e o voto desde os 16 anos
• HEMEROTECA | O electorado mozo cae a outro mínimo en Galicia e o maior de 65 anos xa supera as 700.000 persoas

O galego Alfonso Gómez volverá ser alcalde de Xenebra. O político nacido en Corme e candidato dos Verdes foi o segundo máis votado nas eleccións ao consello administrativo da cidade suíza o pasado domingo e ocupará durante un ano a alcaldía, como xa fixera en 2023. Foto: © S. Pointet

• ENTREVISTA | Alfonso Gómez: "A miña chegada á alcaldía de Xenebra é unha dobre reivindicación: da emigración e da integración"
• 🔊 Fálase | Alfonso de Suíza, alcalde galego
• 'Mes amis espagnols': a emigración galega en Suíza vista desde a segunda xeración

O Ministerio encarga un novo estudo sobre a variante de Cerdedo, a liña de tren entre Ourense e Pontevedra que leva xa dúas décadas en estudo. Transportes dedica outro millón de euros a un "estudo informativo complementario para lograr a Declaración de Impacto Ambiental". 

• HEMEROTECA (5-2-2019) | O AVE a Vigo por Cerdedo que os políticos rexeitan só en privado demórase outros 3 anos
• HEMEROTECA (24/6/2021) | UGT renuncia ao AVE por Cerdedo que nacera dunha proposta súa hai dúas décadas e pide unha nova liña polo Miño

Profesionais e pacientes do hospital de Burela volven mobilizarse para "denunciar as carencias" dun complexo "incapaz de cubrir as necesidades sanitarias da veciñanza da Mariña". Todas as categorías profesionais secundaron a protesta convocada pola xunta de persoal do distrito sanitario mariñao e que se suma á concentración da pasada semana. 

• O persoal do Hospital da Mariña estoupa contra a falta de recursos e os prexuízos para os pacientes
• Falta de persoal e "abandono": A Mariña volve erguerse contra as eivas na sanidade pública

Morre aos 89 anos o escritor Mario Vargas Llosa, premio Nobel de Literatura en 2010. Vargas Llosa morreu no Perú, o seu país de orixe onde chegou a ser candidato á presidencia, tras varias décadas residindo en Europa. [Imaxe: CC BY Daniele Devoti]

Este sábado constituíuse a Fundación do Panteón de Galegos e Galegas Ilustres a través dun acordo asinado por Parlamento, Xunta, Concello de Santiago e Arcebispado. A entidade, que contará cunha comisión asesora na que tamén participan as tres universidades públicas, o Consello da Cultura ou a RAG, recupera a xestión civil do simbólico espazo, onde repousan os restos de Castelao, Rosalía, Brañas, Asorey, Cabanillas e Fontán. No acto, o presidente do Parlamento, Miguel Ángel Santalices, agradeceu tamén ás fundacións Rosalía, Brañas, Asorey, Fontán e Castelao "o traballo que desenvolveron a prol da dignificación deste espazo".

• Fin ao preito histórico por Bonaval: o templo é da Igrexa, o Panteón é de Galicia
• DUCIA | Unha ducia de curiosidades sobre o Panteón de Galegos Ilustres

Alberto Pombo e Manuel Rivas gañan o Premio Losada Diéguez. Pombo, profesor de literatura e promotor da iniciativa cultural Aquí tamén se fala, gañou a modalidade de Investigación e Ensaio pola súa obra Verso e acorde. Relacións entre literatura galega e música pop (1950-2000), publicada por Xerais. Rivas obtivo o premio na modalidade de creación literaria pola súa última novela, Tras do Ceo, tamén publicada por Xerais.

• Cando a mocidade asume a dinamización da lingua: ‘Aquí tamén se fala’ chega a 150 institutos
• "Da Coruña": a anomalía no topónimo do Deportivo albisca o seu fin
• ENTREVISTA | Manuel Rivas: "Algún día tiven o soño de que podes cambiar o mundo escribindo"

Por iniciativa da Plataforma veciñal de Mina Touro-O Pino NON e coa autorización do Concello de Santiago, este venres instalouse na entrada da Alameda unha faixa de protesta contra a reapertura da mina de cobre.

• A Fiscalía pide dous anos de cadea por vertidos aos propietarios da mina de Touro
• A Xunta impulsa o novo proxecto da mina de Touro tres anos despois de frear o orixinal polo seu impacto