Fálase

O Goberno de España di non á subestación eléctrica para o proxecto de Altri en Palas de Rei. Así o vén de anunciar o líder do PSdeG, Gómez Besteiro, en Radio Galicia, que explicou que o Executivo dá "o terceiro 'non' definitivo" tras a negativa aos fondos PERTE da descarbonización e ás axudas extra de 250 millóns de euros. 

• AMPLIAMOS | Besteiro anticipa que Altri queda sen conexión eléctrica: "Non ten futuro en Galicia"
• Altri pide fondos europeos sabendo que incumpre os prazos
• Altri pide ao Estado reclamar á UE máis prazo para as axudas das que fica fóra
• Disólvese a empresa público-privada creada pola Xunta que impulsou a fábrica de Altri

🇵🇸Reino Unido, Australia, Canadá e Portugal secundan o recoñecemento do Estado de Palestina en vésperas da conferencia internacional ao respecto na ONU. Pedro Sánchez aplaude a decisión e subliña que "fomos os primeiros" e que estes catro gobernos que se suman a recoñecer o Estado Palestino "non serán os últimos". Na imaxe, unha bandeira palestina en Ramala [© ONU]

• As masivas protestas contra o equipo Israel obrigan a recortar o final de etapa da Vuelta
• O PP tende a afastarse do consenso parlamentario galego a prol do pobo palestino 
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"

O lume declarado o xoves na parroquia de Pombeiro, en Pantón, segue activo e sen control. Leva arrasadas máis de 2.000 hectáreas de superficie, parte delas pertencentes ao concello de Sober. A Consellería de Medio Rural sinala que permanece decretada a Situación 2 de emerxencia "de forma preventiva" pola proximidade das casas. Na aldea de Budián arderon oito vivendas. 

Medio Rural tamén informa de que o incendio do Bolo quedou extinguido tras afectar unha superficie de 273 hectáreas, na súa maioría de monte raso. O lume declarado na Fonsagrada, na parroquia do Trobo, continúa activo e afecta unha superficie de arredor de 30 hectáreas. Ademais, un novo incendio afecta ao Parque Natural da Baixa Limia-Serra do Xurés. Trátase dun incendio forestal detectado ás cinco da mañá deste domingo no concello de Lobios, na parroquia de Río Caldo, que afectou de momento unha hectárea deste espazo natural protexido. [📸 BRIF Laza en Pantón]

• Segue a arder en setembro: vinte incendios, cinco feridos e máis casas en perigo

O BNG sitúase como "alternativa de goberno" fronte a un PP que ve "instalado no insulto, na propaganda e na deslealdade" co país. "O Goberno de Rueda non goberna: insulta, fai propaganda, busca culpables e traballa para as empresas amigas do PP", asegurou a portavoz nacional do Bloque, Ana Pontón, na primeira reunión do Consello Nacional no novo curso político, onde advertiu que "Galiza non precisa políticos insultándose no Parlamento", en referencia ás descualificacións empregadas polo Partido Popular no último pleno da Cámara. 

Máis dun cento de representantes de entidades sociais participan nos grupos de traballo do proceso social Lingua Vital. O movemento impulsado dende Queremos Galego busca "conseguir avances na normalización da lingua galega". Segundo explicou o voceiro da plataforma, Marcos Maceira, elaborarán "unha alternativa que permita a execución dos acordos unánimes sobre a lingua e reverter a situación de emerxencia lingüística na que está o noso idioma, o que nos identifica e nos fai ser galegos e galegas". [📸 Sara Seco/A Mesa]

• HEMEROTECA | Foliada masiva con Queremos Galego a prol dunha "lingua vital" 
• HEMEROTECA | Varios milleiros de persoas reclaman un cambio de rumbo para o galego

Guindan un artefacto incendiario ao centro anunciado pola Xunta en Monforte para acoller menores migrantes no canto de integralos no sistema ordinario, como viña facendo ata agora. Segundo informa El Progreso, o incidente afectou á entrada do edificio e a unha sala da planta baixa. Hai sete días que a conselleira de Política Social, Fabiola García [na imaxe CC-BY-SA Xunta], avanzou que este sería "o primeiro centro específico para menores estranxeiros que se abrirá en Galicia para afrontar o traslado impulsado polo Goberno central". 

🔴 AMPLIAMOS | Ataque ao edificio designado pola Xunta para acoller menores migrantes en Monforte

🇵🇸Múltiplos concellos acollen este venres concentracións de condena ao xenocidio en Gaza respondendo á convocatoria da Fegamp para amosar rexeitamento dende os gobernos locais e provinciais "á ofensiva militar e o mantemento do bloqueo humanitario executado polo goberno de Israel contra o pobo palestino". A asociación municipalista convida a acompañar estes actos "coa lectura de textos nos que se demande que o goberno israelí cese os ataques e a ocupación militar contra a poboación palestina de Gaza". Na imaxe, pancarta contra o xenocidio no Concello do Rosal.

• A comisión de investigación da ONU conclúe que "Israel é responsable de cometer un xenocidio en Gaza"
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"

Un incendio no Bolo obriga a activar situación 2 de emerxencia pola proximidade do lume ás casas en Santa Cruz. Segundo Medio Rural, o foco é dunhas 20 hectáreas. Mentres, o incendio de Pantón -na imaxe-, iniciado este xoves, segue activo e chega ás 100. [Imaxe: Brif Laza]

• O 11% da superficie da Rede Natura foi arrasada polos incendios de agosto en Galicia
• A Xunta ten aparcada hai cinco anos unha nova lei contra incendios
• Seguen graves os bombeiros forestais feridos no incendio que aínda arde en Barreiros

🔥 Activo un incendio forestal na parroquia de Pombeiro, no concello de Pantón (Lugo), que obriga a decretar a Situación 2 de emerxencia pola proximidade do lume ao núcleo de poboación de Lornís. Medio Rural informa de que o incendio comezou ás 14.16 horas deste xoves e "segundo as primeiras estimacións provisionais afecta unha superficie de 20 hectáreas". Mobilizáronse, segundo traslada a Xunta, "tres técnicos, nove axentes, doce brigadas, dez motobombas, dous PAS, oito helicópteros e oito avións". Foto: ATBrif.

👉🏻 O 11% da superficie da Rede Natura foi arrasada polos incendios de agosto en Galicia

👉🏻 A Xunta ten aparcada hai cinco anos unha nova lei contra incendios

👉🏻 Seguen graves os bombeiros forestais feridos no incendio que aínda arde en Barreiros

Un roteiro na Coruña celebrará este venres a dedicatoria dunha rúa aos Diplomáticos. Un percorrido "celebración" entre Monte Alto e o barrio da Pescaría, organizado pola asociación cultural Alexandre Bóveda e guiado por Xurxo Souto, reivindicará o "legado artístico, arraigamento na cidade e conexión coa cidadanía" da banda coruñesa. 

• A Coruña aproba homenaxear os Diplomáticos de Monte Alto coa rúa que honrou a un alcalde franquista