Fálase

O PP de Lugo cuestiona o deseño dos pasos de peóns elevados na cidade e esixe adaptalos a unha norma estatal que, admite non é de obrigado cumprimento. O concelleiro de Infraestruturas Urbanas, Alexandre Penas (BNG) subliña que "cumpren coa normativa vixente" e, alén de censurar que "poñan en dúbida o traballo do persoal do Concello", pregúntase se "o PP quere para Lugo o modelo Baltar, poder circular a 215Km/h". "Seguiremos traballando por un tráfico calmado e a seguridade viaria", conclúe. Na imaxe -de arquivo-, Penas e Rubén arroxo visitando unha obra de peonalización.

• Baltar tamén foi multado por conducir o coche oficial a 173 km/h na mesma viaxe na que o interceptaron a 215
• CRÓNICA | Lugo, a gran batalla electoral da memoria

📺Persoal da CRTVG concéntrase ante o Parlamento e reclama ao director xeral dos medios públicos a súa dimisión. Traballadores maniféstanse ante a Cámara durante a comparecencia de Alfonso Sánchez Izquierdo en comisión. 

• A CRTVG afronta outra folga e varias demandas xudiciais por "traslados forzosos" e "represalias" ao persoal

O Consello de Ministros asigna a Galicia 37,8 millóns de euros para que a Xunta mellore centros de Atención Primaria e 2,3 para atención á saúde mental no Sergas. A partida para a mellora dos centros de saúde está destinada a "novas salas de fisioterapia, radiodiagnóstico e urxencias". Na imaxe [© Pool Moncloa/Fernando Calvo], o ministro de Sanidade, José Miñones, expón a distribución destes fondos por autonomías tras o Consello deste martes.

• O 20% das prazas de formación para medicina familiar quedan sen cubrir no Sergas, que culpa o Estado
• HEMEROTECA | O máximo de prazas para formar persoal médico desmonta a cerna do argumentario do PP contra SOS Sanidade
• HEMEROTECA | 2.400 millóns menos en 13 anos para Atención Primaria

Lourenzo Fernández Prieto ingresa na RAG como académico de número. O catedrático de Historia Contemporánea da USC ocupará a vacante de Luz Pozo Garza, finada no ano 2020. O ingreso terá lugar o vindeiro 3 de xuño nunha sesión pública no teatro Jofre de Ferrol, onde medrou o historiador nacido en Ribadeo. Fernández Prieto lerá o discurso A memoria, a historia e a política. A esquecida polémica Cela versus Paz-Andrade sobre a lexitimidade democrática, a memoria republicana e a Autonomía de Galicia en xullo de 1977, ao que dará resposta Ramón Villares.

Baltar tamén foi multado por conducir o coche oficial a 173 por hora o mesmo día en que o interceptaron a 215 km/h. Segundo revela Radio Ourense - Cadena SER, na mesma viaxe pola que o presidente do PP e da Deputación Ourense está pendente de xuízo por un delito contra a seguridade viaria ao conducir a 215 km/h na provincia de Zamora, foi interceptado superando en 53 km/h o límite na mesma autovía A-52 á altura de Allariz, polo que a súa velocidade media non puido ser inferior a 160 km/h. Na imaxe [CC BY-SA PP], José Manuel Baltar con Alfonso Rueda e o candidato do PP en Ourense, Manuel Cabezas, a pasada semana nun acto de campaña.

• AMPLIAMOS 👉 Baltar tamén foi multado por conducir o coche oficial a 173 km/h na mesma viaxe na que o interceptaron a 215 
• O colapso dos bipartitos do PP en Ourense desemboca nos xulgados
• Rueda abre a campaña apoiando nun mitin a Baltar, que cre que o seu comportamento non terá custo electoral
• Baltar logra non ser xulgado ata despois das eleccións por delito contra a seguridade viaria por ir a 215 km/h

28M | O actor Luís Zahera expresa o seu apoio ao BNG para as municipais en Santiago: "Na ficción son o irmán pequerrechiño de Feijóo, na realidade quero amosar o meu apoio como alcaldesa a Goretti Sanmartín, porque creo que lle pode dar unha volta a Compostela e unha muller sempre vai facer moi ben as cousas", di nun vídeo divulgado polo Bloque a través das redes sociais.

• O BNG pon o foco en Santiago: "Ou alcalde do PP ou facer historia cunha alcaldesa do Bloque"
• Díaz, Sémper, Pontón ou Formoso, nas festas da Ascensión, que viran os focos do 28M a Santiago
• Santiago encara un mandato que decidirá se a cidade se move ou a moven

A Xunta adxudica por 32,5 millóns de euros a construción da primeira fase da ampliación da súa sede central de San Caetano, en Santiago. O contrato, encomendado a dúas filiais de Acciona e cuxo custo o Goberno galego estimara inicialmente en algo máis de 20 millóns, comprende construír os "os dous primeiros módulos do edificio, cunha superficie útil de máis de 12.000 m²" nos terreos da antiga estación de autobuses compostelá, xa derrubada. Ao contrato tamén optaran unha unión temporal da Constructora San José e Extraco, outra UTE de OHL con Citania e mais Copasa. As obras de reforma e ampliación de San Caetano superan xa os 100 millóns de euros. Na imaxe, recreación da futura 'Cidade de San Caetano'.

• HEMEROTECA | A Xunta suma outros oito millóns de euros ao custo das obras na súa sede central, que supera xa os cen
• HEMEROTECA | A remodelación de San Caetano superará os 70 millóns de euros unha década despois de que o PP a empregase como arma política
• HEMEROTECA | As obras na Xunta (agora) non fan ruído

28M | Case 57.000 persoas solicitaron votar por correo en Galicia nas eleccións municipais do 28M. Son, concretamente, 56.787, segundo os datos divulgados por Correos este venres. Son case un 8% menos que en 2019, cando se rexistrara un récord de 61.745, pero case un 50% máis que nas municipais de 2015. O voto por correo pódese enviar ata o día 25, segundo o acordado este venres pola Xunta Electoral.

• INTERACTIVO | O electorado mozo cae a outro mínimo para o 28M en Galicia e o maior de 65 anos xa supera as 700.000 persoas

A Xunta aproba unha nova Lei de Igualdade de Galicia coa que quere actualizar a de 2007 e poñer o foco nas empresas para buscar o “benestar” laboral. O Goberno galego tamén aproba unha nova Lei do patrimonio público da administración galega que Feijóo prometera para 2017.

Un incendio en Crecente queimou xa 100 hectáreas. O fogo, iniciado en tres focos diferentes na pasada tarde, afecta a parroquia de Rebordechán e "evoluciona favorablemente cara á estabilización", segundo Medio Rural.