Fálase

Baltar esquiva por terceira vez o xuízo rápido por delito contra a seguridade viaria e o xulgado da Pobra de Seabra advírteo de posibles sancións. Fontes do Tribunal Superior de Xustiza de Castilla y León informan de que o procurador que actúa no nome do presidente da Deputación de Ourense e do PP nesa provincia enviou "un novo escrito solicitando a suspensión" da segunda cita fixada para a vista pola súa condución a 215 km/h no coche oficial e "manifestando a súa vontade de non comparecer" hoxe, polo que o xuízo "non se puido celebrar". "O xulgado volverá efectuar un novo sinalamento, reservándose a posibilidade de impoñer as sancións que correspondan", agrega. Previamente, presentara unha solicitude de adiamento e, ao non ser atendida, forzou a suspensión ao non acudir o seu avogado. Nesta terceira volta, esquívao a través do procurador. Máis información, hoxe en Praza.gal

• Baltar e Jácome amargan o aniversario da investidura de Rueda
• O exceso de velocidade de Baltar e os audios comprometedores de Jácome axitan a batalla do 28M en Ourense
• Baltar logra adiar o seu xuízo rápido por ir no coche oficial a 215 km/h e Jácome denuncia que o espían

Feijóo reclama desafiuzar en 24 horas as persoas que sexan denunciadas como ocupantes ilegais e que demostren a posteriori se son ou non residentes legais. O ex-presidente e actual líder do PP vai alén na súa campaña ao respecto reclamando "un procedemento" segundo o cal "hai que inverter a carga da proba". Na imaxe, Feijóo con Rueda nun mitin no Pino o pasado abril.

• A Xunta de Feijóo reduciu a cero a nova vivenda pública de alugueiro malia aos milleiros de peticións pendentes
• HEMEROTECA | O PP promete para os concellos oficinas 'antiocupacións' como a que pagou na Xunta, con 30 consultas nun ano
• HEMEROTECA | 2022 rematou con quince desafiuzamentos por cada novo caso de ocupación en Galicia

O xornalista cultural e escritor Camilo Franco dirixirá a décimo sexta edición da Culturgal, que se celebrará do 1 ao 3 de decembro cunha posta en escena renovada en Pontevedra. A feira manterá a súa esencia como escaparate das culturas galegas diante do público, co obxectivo de ampliar audiencias e, sen perder isto de vista, atenderá tanto ás principais manifestación das diferentes disciplinas da cultura galega, como a pór en marcha iniciativas que permitan a visibilidade das novas expresións. [Fotografía de Manu Suárez/La diapo]

• ENTREVISTA (decembro 2021) | Camilo Franco: "O lector vai encontrar un exercicio case diario de baixar santos" 
• Unha ducia demomentos clave das 15 edicións da Culturgal

Baiuca versiona o coñecido tema de Leilía "Verde - Gaio" e convérteo en "Vai tu", unha canción que xa puideron escoitar quen asistiu aos concertos da súa xira Embruxo, e que agora está dispoñible nas plataformas dixitais. O músico e produtor de Catoira mantén as voces orixinais das Leilía e mestura os sons da música tradicional co indie dance ou o acid house para conseguir ese son da folktrónica que o caracteriza. A portada é unha obra orixinal do artista plástico Nicasio Torres. 

• ENTREVISTA | Leilía: "Chegamos a tempo para ser ponte directa entre as aldeas e o presente"
• ENTREVISTA | Baiuca: "Cada viaxe que fago axúdame a traballar con máis ganas para seguir cara a adiante coa miña música" 

Feijóo proclama a súa intención de derrogar diversas leis aprobadas polo Congreso na presente lexislatura estatal se chegase a gobernar en España porque, defende, son "imposicións dunha minoría" e, ao xuízo do ex-presidente e actual líder do PP, carecen de "apoio social". A lexislación que sae adiante nas Cortes Xerais precisa de máis votos favorables que negativos en todo caso e, nas leis orgánicas, de maioría absoluta. Na imaxe, Feijóo con Rueda nun acto do PP o pasado 29 de abril no Pino.

• HEMEROTECA (2018) | Feijóo carga contra o sistema parlamentario vixente porque "é igual gañar que perder"
• HEMEROTECA (novembro 2022) | Feijóo formulou catro iniciativas en medio ano como senador polo Parlamento, ningunha sobre Galicia

Nova cita para o xuízo rápido a Baltar por conducir a 215 km/h o coche oficial. A xuíza da Pobra de Seabra desbota os recursos formulados polo avogado do presidente da Deputación e do PP de Ourense, "nos que solicitaba a suspensión do sinalamento e a nulidade das actuacións", e cítao para este xoves ás 9 da mañá "de maneira presencial ou telemática", segundo confirman fontes do Tribunal Superior de Xustiza de Castilla y León.

• Baltar logra adiar o seu xuízo rápido por ir no coche oficial a 215 km/h e Jácome denuncia que o espían
• CRÓNICA | Baltar e Jácome amargan o aniversario da investidura de Rueda

O PP di que os usuarios valoraron cun 7 a puntualidade dos buses no último ano, o que supón un empeoramento a respecto do 7,5 que publicitou a Xunta hai un ano. O portavoz popular de Infraestruturas, José Manuel Balseiro, defende a calidade do servizo en función das “máis de mil enquisas que se realizaron ao longo do último ano”, mentres que en xuño do pasado ano a propia Xunta divulgara resultados mellores con 13.000 enquisas.

O Constitucional avala a lei do aborto do Goberno de Zapatero trece anos despois. A norma foi apoiada por unha maioría de sete maxistrados fronte a catro. 

• Saúde menstrual, interrupción do embarazo e violencias reprodutivas: as claves da nova lei de saúde sexual
• Feijóo di ver "correcta" a lei do aborto agora avalada polo Constitucional, cuxa derrogación apoiou dende a Xunta
• Feijóo foi pioneiro en protexer por lei as teses antiabortistas: 13 anos de abeiro da Xunta á 'Red Madre'

Baltar forza o adiamento do seu xuízo rápido por delito contra a seguridade viaria por circular a 215 km/h co coche oficial. Despois de que o xulgado da Pobra de Seabra rexeitase o aprazamento solicitado polo seu avogado e o instase a comparecer a través de internet esta mesma mañá, o letrado non se presentou tampouco por esta vía, o que obrigou a suspender o proceso contra o presidente da Deputación e do PP de Ourense e a fixar unha nova data, segundo confirma o Tribunal Superior de Xustiza de Castilla y León. 

• AMPLIAMOS 👉 Baltar logra adiar o seu xuízo rápido por ir no coche oficial a 215 km/h e Jácome denuncia que o espían
• O exceso de velocidade de Baltar e os audios comprometedores de Jácome axitan a batalla do 28M en Ourense
• Baltar xa non responde por ir a 215 km/h e PSdeG e BNG apelan ao electorado do PP ourensán para desaloxalo

O xulgado da Pobra de Seabra non acepta adiar o xuízo rápido a José Manuel Baltar como presunto autor dun delito contra a seguridade viaria por conducir o coche oficial da Deputación de Ourense a 215 por hora. O avogado do presidente da institución e do PP ourensán alegou que tiña fixada unha vista por outro caso con anterioridade, pero a xuíza estima que pode comparecer igualmente "ao longo da mañá deste martes" a través de internet, segundo confirman fontes do Tribunal Superior de Castilla y León. Máis información, hoxe en Praza.gal.

• O exceso de velocidade de Baltar e os audios comprometedores de Jácome axitan a batalla do 28M en Ourense
• Baltar xa non responde por ir a 215 km/h e PSdeG e BNG apelan ao electorado do PP ourensán para desaloxalo