Fálase

Rebeca Torró, nova secretaria de organización do PSOE tras o cesamento de Santos Cerdán. Pedro Sánchez elixe para este cargo clave a quen actualmente é secretaria de Estado de Industria e antes exerceu, entre outros cargos, como conselleira de Política Territorial no goberno do PSPV e Compromís na Generalitat Valenciana. [Imaxe: © Ministerio de Industria]

• O Goberno desbota que Sánchez tire a toalla mentres o PSOE pide novas caras e rexeneración
• Sánchez di que gobernará "ata que a maioría democrática o queira" fronte "á peor alternativa" de Feijóo e Abascal
• Sánchez pide perdón polos "indicios moi graves" de corrupción e "eleccións non vai haber ata 2027"

A asociación LGBT ALAS A Coruña organiza unha vixilia no cuarto aniversario do asasinato de Samuel Luiz. "Malia que o proceso xudicial segue en curso, seguimos esixindo xustiza. Non só unha xustiza legal, senón tamén unha reparación social que poña no centro a dignidade de todas as persoas LGTBI+. A violencia non comeza nin remata nunha agresión, aliméntase de discursos, de silencios e de complicidades", manifestou previamente a presidenta da entidade, Ana G. Fernández. [📸 ALAS]

• Absolto o condenado por cómplice do asasinato de Samuel Luiz e ratificadas as penas dos autores do crime
• A Audiencia da Coruña impón 74 anos de cadea aos catro culpables de asasinar a Samuel Luiz

Xabier Tosar? Luís Díaz? O actor e o músico fan neste vídeo con arrecendo a Mareas Vivas un orixinal convite para o pregón das Festas de Laxe, que compartirán o vindeiro 15 de agosto, e para o concerto canda as Adufeiras de Salitre, ao día seguinte.

• ENTREVISTA | Xabier Díaz: "Algún tipo de resorte fai que respondamos a ese aturuxo eterno, atávico e ancestral"

Feijóo ascende a Tellado a secretario xeral do PP, número dous no organigrama estatal do partido. O ata agora voceiro no Congreso xa ocupou o mesmo posto no PP de Galicia entre 2016 e 2022, cando marchou a Madrid co ex-presidente. O líder do PP anunciou nunha entrevista en Antena 3. o nomeamento de Tellado e tamén a designación da deputada por León Ester Muñoz, ata agora unha das vicesecretarias do partido, como voceira na Cámara Baixa. Na imaxe, Feijóo e Tellado cando o agora líder do PP anunciou en 2018 que renunciaba a competir pola sucesión de Rajoy [CC-BY-SA PPdeG]

• PERFIL | Non é Tellado, é Feijóo
• HEMEROTECA (2016) | Feijóo sorprende o PPdeG ao designar a Tellado como substituto de Rueda
• HEMEROTECA (2022) | Miguel Tellado, primeiro sucesor de Feijóo

Os 'Mozos de Arousa' corrixen á TVG: o deputado do PP non será presentador. Ante o balbordo xerado polo anuncio da Televisión de Galicia, os 'Mozos de Arousa' "aclaran" que só dous deles conducirán o novo espazo 'A superfesta' por mor dos "compromisos coa vida política" de Raúl Santamaría

• HEMEROTECA | Santalices apercibe o PP por un vídeo do 'mozo de Arousa' no hemiciclo do Parlamento

Feijóo encarga a Tellado "que chame aos grupos" do Congreso  que apoiaron a investidura de Pedro Sánchez para que "digan se o seu apoio ao PSOE segue intacto" tras o encarceramento do ex-secretario de organización do PSOE, Santos Cerdán. Junts rétao a reunirse con Puigdemont "fóra do Estado, por razóns sobradamente coñecidas" se quere os seus votos para unha eventual moción de censura. O BNG reitera que nunca participaría nunha moción de censura con PP e Vox. Na imaxe, Tellado na súa etapa como secretario xeral do PPdeG.

• Investigado por corrupción, o 'número 3' do PSOE dimite e súmase ás frontes xudiciais que asedian a Sánchez
• Sánchez pide perdón polos "indicios moi graves" de corrupción e "eleccións non vai haber ata 2027"
• A Garda Civil sinala un contrato do tren Monforte-Lugo entre os indicios de corrupción do asesor de Ábalos
• HEMEROTECA | Feijóo certifica o fracaso da súa investidura tras reafirmar a súa alianza coa ultradereita

A Xunta asume este 1 de xullo oficialmente as competencias sobre o litoral cuxo traspaso asinou co Goberno de España o pasado abril. O DOG publica este martes o decreto polo que, por primeira vez en 17 anos, o Goberno galego amplía o autogoberno.

• HEMEROTECA | Galicia obtén 17 anos despois a primeira competencia dende a fin do Goberno de PSdeG e BNG
• HEMEROTECA | Feijóo volve ser o único presidente da historia da autonomía con cero competencias novas
• HEMEROTECA | As competencias pendentes de Galicia: o traspaso da xestión do litoral abre a porta a novas transferencias

Un vídeo divulgativo sobre o número Pi, gañador da 13ª edición do certame ‘Explícoche matemáticas 2.0’ para o fomento do uso do galego como medio de transmisión das matemáticas. A gañadora foi Antía Fernández Paulos, alumna do IES Castro Alobre (Vilagarcía de Arousa), que realizou o vídeo Xogando a aproximar Pi. O segundo premio correspondeulle ao traballo conxunto A tartaruga de Fleury dos alumnos Adrián Arnoso Bermúdez, Manuel Díaz Sánchez e Saúl López Souto, do IES Isaac Díaz Pardo de Sada.

• 'Explícoche matemáticas': vídeos que demostran que todas as materias se poden impartir en galego

O xuíz envía a prisión provisional sen fianza a Santos Cerdán, ex-secretario de organización do PSOE, tras tomarlle declaración. Faino atendendo a petición da Fiscalía, que observou riscos de fuga e destrución de probas para o tamén ex-deputado, investigado por delitos de suborno, organización criminal e tráfico de influencias. Nunha primeira reacción tras coñecer a noticia, Pedro Sánchez subliña que Cerdán foi "afastado do PSOE", que actuou "de maneira contundente" contra el e que agora "é o momento da Xustiza". [Imaxe: © PSOE]

• Investigado por corrupción, o 'número 3' do PSOE dimite e súmase ás frontes xudiciais que asedian a Sánchez
• Sánchez pide perdón polos "indicios moi graves" de corrupción e "eleccións non vai haber ata 2027"
• A Garda Civil sinala un contrato do tren Monforte-Lugo entre os indicios de corrupción do asesor de Ábalos

Fin de semana de noites tropicais, en moitos lugares de Galicia a temperatura non baixou dos 20 graos nas dúas últimas noites. MeteoGalicia salienta que incluso en Fornelos de Montes ou Xesteiras (Cuntis) tiveron noites ecuatoriais, que suceden cando o termómetro non baixa dos 25º de temperatura. Os avisos por calor continúan este derradeiro día de xuño con nivel laranxa no sur da provincia de Lugo, na comarca de Valdeorras e na zona do Miño de Ourense; e están en nivel amarelo no centro e na montaña de Lugo, no interior da Coruña, no noroeste e no sur de Ourense e na zona do Miño de Pontevedra. Para o martes 1 de xullo seguirán activas as alertas por altas temperaturas en Ourense e Lugo.