Fálase

Feijóo abre a porta a que delitos que hoxe non son motivo de expulsión de migrantes si o sexan no futuro. O líder do PP cre que habería que "reformular" se "determinados delitos que hoxe non dan lugar á expulsión deben de dar lugar no futuro".

• HEMEROTECA | Feijóo liga inmigración e delincuencia no acto do PP polo que Rueda faltou ao Consello da Xunta
• HEMEROTECA | Feijóo recicla o dobre discurso sobre menores migrantes e retoma a teoría do "efecto chamada"
• HEMEROTECA | Menores migrantes acollidos en Galicia: poucos e co traballo como prioridade

A Xunta pecha outras sete escolas "por falta de alumnos". Educación avanza que, por non acadar un mínimo de cinco alumnos, deixarán de prestar servizo as escolas unitarias de Educación Infantil da Lagoa (Arteixo, 4 nenos), de Muros (3 nenos), Queiruga (Porto do Son, 1 neno) e Romariz (Soutomaior, 3 nenos) e os colexios de Seráns (Porto do Son, 3 nenos), de Castromil (Vimianzo, 3 nenos) e de Negueira de Muñiz (4 nenos).

• AMPLIAMOS 👉 Educación pechou 240 escolas desde 2005

Os Premios Goya incorporan o Festival de Cans entre os certames de prestixio que cualifican para os galardóns. Dez anos despois, o Festival de Cans volve facer parte do listado de certames que puntuarán para a selección de finalistas dos Premios Goya, na vindeira edición de 2026 que terá lugar en febreiro en Barcelona.  A distinción suporá “suporá unha gran proxección para as novas e novos cineastas que Cans busca visibilizar”, aseguran desde o festival galego.

• Catro premios para 'Curmán', o debut de Alejandro Jato na dirección, no Festival de Cans
• EN VINTE: Vinte almorzando en Cans con Nerea Barros
• EN VINTE: Novas Camadas 2025. Dez curtas para ver en Cans e tamén en VINTE

Vigo súmase á taxa turística. O alcalde vigués, Abel Caballero, avanza a decisión do seu goberno de implantar o tributo que o Concello de Santiago está a piques de comezar a recadar e que A Coruña ten na recta final. En todos os casos os límites están condicionados pola lei da Xunta que a regula. Na imaxe, cruceiros no porto de Vigo coas Cíes ao fondo [© AP Vigo]

• AMPLIAMOS 👉 Vigo súmase á taxa turística
• HEMEROTECA | A Coruña, a un paso de aplicar a taxa turística: de 1 a 2,5 euros e un máximo de cinco días
• HEMEROTECA | Santiago aproba a ordenanza que permitirá cobrar a taxa turística

Unha escultura de Xesucristo representado como persoa sen fogar para recibir os peregrinos en Santiago. A Arquidiocese compostelá instala na Oficina de Atención ao Peregrino inaugura a escultura Homeles Jesus, do artista canadense Timothy Schmalz. Trátase dunha réplica dunha peza creada polo artista en 2013 "concibida como forma de denunciar a situación das persoas sen teito". Dende aquela foi reproducido en case un cento de lugares por todo o mundo. A instalación foi inaugurada polo arcebispo de Santiago, Francisco Prieto na propia Oficina do Peregrino, lindeira a un centro de Cáritas especializado na atención ao senfogarismo [Imaxe: © Arquidiocese de Santiago]

• ENTREVISTA (2024) | Francisco Prieto: "Cáritas ten que seguir denunciando que non hai suficiente dignidade nin reparto da riqueza"
• HEMEROTECA | Con teito e un colchón : "Polo menos na estación non hai pelexas”
• HEMEROTECA | As prazas de aloxamento para persoas sen fogar en Galicia sitúase por debaixo da media do Estado
• HEMEROTECA | Como contar a realidade das persoas sen fogar: consellos para ir alén do "corpo tendido entre cartóns"

PP, Vox, Podemos, BNG e Junts botan abaixo o decreto do Goberno de España para evitar outro apagamento. Sánchez asegurá que o volverá levar ao Congreso e acusa estes partidos de "votar contra o interese xeral". O Bloque xustifica o seu voto en contra porque cre que o decreto "favorece o oligopolio eléctrico e o espolio a Galiza". 

• 📄DOCUMENTO | Texto íntegro do decreto
• +INFO  👉 O Estado impide que caduquen os eólicos con suspensións cautelares da Xustiza
• + INFO DO APAGAMENTO 

Falece Julio Sacristán, ex-alcalde de Culleredo e ex-secretario provincial do PSOE na Coruña. O PSdeG lamenta a morte dunha "figura imprescindible do socialismo galego e alcalde de referencia socialista que marcou a historia política e social de Culleredo durante máis de tres décadas". 

Máis de 20 Estados, incluído España, exixen o final inmediato da guerra en Gaza. Os ministros de Exteriores de Reino Unido, Francia, Canadá, Italia, Australia ou Noruega, entre outros, reclaman que a violencia "remate xa". Foto: CC-BY-SA Al Araby

Jácome logra aprobar os primeiros orzamentos do Concello de Ourense dende 2020 grazas á abstención do PP. As contas ourensás para 2025, que ascenden a 116 millóns de euros, recibiron a aprobación inicial do pleno co voto a prol de Democracia Ourensana, a devandita abstención popular e o "non" de PSdeG e BNG.

• HEMEROTECA | Ourense, única cidade sen orzamentos á vista na metade do mandato municipal
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• HEMEROTECA | 🔊PODCAST - Anatomía do de Ourense

Rueda defende que non asinou a carta pola oficialidade do galego na UE canda os seus homólogos vasco e catalán porque a reclamación responde a unha "urxencia" de Pedro Sánchez. Preguntado ao respecto tras o Consello deste luns, o presidente da Xunta asegura que hai "outras prioridades máis urxentes" a respecto das linguas oficiais que o Goberno de España non financia e que serían "máis efectivas" que "traducir documentos administrativos que pouca xente vai ler a nivel europeo". Afirma, asemade, que tomou a decisión de desmarcarse sen consultar con Feijóo. Na imaxe, Rueda este luns en San Caetano, tras o Consello. [CC BY-SA David Cabezón / Xunta]

• Pontón e Besteiro ven "unha vergoña" e "triste" que Rueda non secunde a Euskadi e Catalunya a prol do galego
• España ve motivos políticos e "discriminación" na nova demora á oficialidade do galego na UE
• Euskadi e Catalunya piden aos gobernos da UE a oficialidade do galego que a Xunta desbota