Fálase

A libraría NUMAX de Santiago de Compostela gaña o Premio Librería Cultural 2026, que outorga a Confederación Española de Gremios y Asociaciones de Librerías (CEGAL) co apoio do Ministerio de Cultura. O xurado destaca a libraría da cooperativa galega NUMAX "pola súa atención á diversidade bibliográfica, a súa programación cultural interdisciplinar e o seu modelo cooperativo que suma e que ten un compromiso real coa cultura galega, que non se trata simplemente de organizar actividades culturais, senón realmente de vertebrar identidade e territorio".

• HEMEROTECA | Socializar a lectura: "No club todos aprendemos moito uns dos outros"
• HEMEROTECA | 'É un falar′: conversas entre creadoras sobre os vínculos entre a oralidade e a escrita
• HEMEROTECA | Numax: oito escritores, unha máquina de escribir, un conto
• HEMEROTECA | María Villamarín, escritora e libreira en NUMAX: "Onde me sinto máis cómoda é escribindo as cousas que me pasan"

Feijóo reclama aos sindicatos que "non fagan" a folga xeral do 11 de novembro: "69 mortos despois é un grave erro", afirma o ex-presidente en referencia ao accidente ferroviario en Urda. "Non a fagan ou ligarán a súa imaxe á de Pedro Sánchez", afirma o líder do PP nun almorzo informativo da axencia Europa Press para indicar que cuestiona o "sentido da oportunidade" do paro xeral do 11N e non o "dereito constitucional" á folga. Na imaxe, Feijóo nun acto de partido este pasado luns [© PP]

• 11N, folga xeral: "Non é de ningunha organización, é do pobo e para o pobo"
• A conflitividade laboral dispárase en Galicia ás portas do 11N: a maior cifra de folgas dende o 2009
• Así foron as folgas xerais en Galicia: cinco décadas de mobilización da clase traballadora

Greenpeace "rebautiza" como Ocean killer (asasino dos océanos) o buque arrastreiro neozelandés Voyager, que o estaleiro Nodosa constrúe en Marín para a compañía pesqueira Talley's. A organización ecoloxista, que tamén cubriu o rótulo no local que a empresa propietaria ten no porto, pretende con esta acción denunciar "o dano da frota pesqueira industrial", especialmente o arrastre por "indiscriminado", así como o "longo historial de prácticas destrutivas de pesca de arrastre de fondo en hábitats vulnerables e zonas protexidas" que, din, ten esta compañía. [Imaxe: © Pedro Armestre / Greenpeace]

• HEMEROTECA | A Xustiza da UE avala o veto á pesca de fondo que ergueu o sector e a Xunta

Este martes entra en servizo a nova estación de autobuses da Coruña, parte do complexo da futura intermodal, que aínda non está finalizado. Substitúe a inaugurada en 1975 e a súa posta en marcha implica mudanzas e supresións de varias paradas de buses interurbanos na cidade. Por abrir en período electoral -coas eleccións xerais do 29N xa convocadas- a lei impide a celebración dun acto de inauguración propiamente dito, se ben cargos da Xunta acudirán e realizarán declaracións aos medios. [Imaxe: CC BY-SA Xunta]

• 5,4 millóns de pasaxeiros móvense cada ano en bus entre A Coruña a súa área metropolitana

29N Os concellos elixen os membros das mesas electorais para os comicios do 29N e a Xunta Electoral Central activa a plataforma para que a cidadanía con impedimentos e escusas xustificadas -segundo a normativa vixente- poida tramitar a dispensa a acudir. Este luns celebráronse plenos para sortear as mesas en concellos como A Coruña e Lugo; os consistorios teñen como límite ata o vindeiro mércores, día 4, para o facer. [Imaxe: © Concello da Coruña]

Rueda rexeita responder preguntas tras o Consello da Xunta ata o 29N logo de ser amoestado pola Xunta Electoral por facer electoralismo. Ata que pasen as eleccións xerais o presidente limitarase a enunciar os acordos "para non emitir ningún tipo de valoración" que poida ser considerada electoralista.

• A Xunta Electoral amoesta a Rueda por un acto institucional de vivenda en Vigo

O Boletín Oficial do Estado fai oficial a declaración da cidade de Ferrol como Lugar de Memoria Democrática. Como un dos "principais enclaves navais e militares" do Estado, salienta o expediente, diversos espazos da cidade "adquiriron un papel central na represión política e social" dos golpistas. A declaración presta atención tamén á "profunda tradición progresista e intelectual" ferrolá e á persecución da mesma pola ditadura.

•  AMPLIAMOS  👉 Ferrol xa é Lugar de Memoria democrática como exemplo de "resistencia ante o fascismo"

O Breogán leva o derbi galego de básquet na ACB. O equipo lucense venceu o Obradoiro (90-110) na sexta xornada da Liga ACB, na que o Básquet Coruña gañou a La Laguna Tenerife (93-89). 

• Baloncesto, capital: Galicia

A manifestación antifascista contra o acto de Vox na Coruña remata sen incidentes tras un forte despregamento policial que separou ambos actos. Arredor de 500 persoas protestaron contra a presenza do ultradereitista Jorge Buxadé, que xuntou medio cento a poucos metros. Varios comercios da zona da praza de Lugo baixaron a persiana por temor a altercados nunha concentración que acabou sendo pacífica. 

• Amnistía Internacional pide á policía garantir en Galicia o dereito á protesta e que "non use pelotas de goma"

Unha galega, entre as vítimas do accidente ferroviario de Urda. Unha muller de 42 anos, natural de Cerdedo Cotobade, faleceu no sinistro e é unha das 69 persoas falecidas, segundo confirman varios medios. Foto: Imaxe difundida pola Garda Civil.