Fálase

Un informe técnico do Ministerio de Sanidade conclúe que "non existe evidencia científica que avale a eficacia da homeopatía" contra ningunha enfermidade. "Non supera a do placebo", sinala o documento, que indica que a homeopatía se sustenta en "postulados que desafían o pensamento científico e racional" e que os seus produtos, alén de non ser eficaces, teñen riscos tanto por posibles "reacción adversas graves" como, sobre todo, por poderen implicar o "abandono ou atraso de tratamentos médicos con eficacia demostrada". Na imaxe, produtos homeopáticos [CC BY Javier Mediavilla]

• HEMEROTECA | Feijóo esquiva a homeopatía na nova lei de farmacias: “Non me atrevo a confirmar se é un produto sanitario”
• HEMEROTECA | "Administración e colexios profesionais manteñen unha grande inacción ante as falsas medicinas"
• HEMEROTECA | "Non sabemos a que vén a polémica coa homeopatía; se fose útil, incorporaríase ao Sergas"
• HEMEROTECA | "Os movementos antivacinas están baseados exclusivamente na fe"

Falece aos 96 anos Carlos Mella, economista e figura clave no inicio da autonomía como vicepresidente económico do goberno de Albor con AP e integrante de Coalición galega e do PNG, mais tamén como autor de libros que analizaron e fixeron crónica política desa transcendental época, caso de Non somos inocentes. Mella estivo, asemade, vencellado a diversas iniciativas galeguistas no ámbito cultural, caso da presidencia da Fundación Castelao, e foi candidato do BNG nas eleccións europeas de 1994. [Imaxe: CC BY-SA Santos Díez /Ollo de Vidro-ACAB]

• ⬛️ OBITUARIO | Adeus a Carlos Mella, protagonista e relator do inicio da autonomía

As negociacións polo convenio estatal no comercio téxtil e do calzado continuarán a vindeira semana logo da xuntanza mantida hoxe en Madrid. O preacordo, asinado entre a patronal ARTE e mais CCOO e Fetico, ergueu importantes protestas en Galicia da man da CIG e de UGT, que defenden a vixencia dos convenios provinciais e rexeitan un a nivel de Estado que, denuncian, empeoraría as condicións laborais e salariais das dependentas no país. Na imaxe, delegadas da CIG protestan este luns ante a sede de Inditex en Arteixo. 

• Dos soldos a traballar festivos: claves da loita das dependentas que volve paralizar as tendas
• A exitosa loita das dependentas dá freado a patronal: "Non imos perder o conseguido"

Luis Bárcenas confirma que encargou a outro presidiario destruír unha gravación de audio de Mariano Rajoy sobre a caixa B do PP e ratifica, asemade, que nas súas notas a referencia "M.R." se refería ao ex-presidente do Goberno de España. O ex-tesoureiro dos populares compareceu este luns como testemuña no xuízo da Operación Kitchen, a operación parapolicial presuntamente encamiñada a destruír probas do caso Gürtel utilizando medios do Estado, na que o ex-ministro Jorge Fernández Díaz está entre os principais acusados.

• HEMEROTECA | Axitar o medo ás ocupacións de vivendas, nos obxectivos da trama do Ministerio do Interior de Rajoy que investiga a Xustiza
• HEMEROTECA | 'Operación Cataluña', o 'Watergate' da era Rajoy que os xuíces se resisten a investigar

A ex-socialista que chegou a concelleira en Lugo pola morte dun compañeiro amosa a súa disposición a entregar a alcaldía ao PP. Tras varias semanas a negalo María Reigosa bríndase nunha entrevista con La Voz de Galicia a virar en tránsfuga para dar o seu voto a unha moción de censura encabezada pola popular Elena Candia que desbanque o goberno de PSdeG e BNG. A última vez que o PP logrou nas urnas maioría para gobernar o Concello lucense foi en 1995. Na imaxe, Reigosa nun vídeo da candidatura do PSdeG de Lugo para as municipais de 2023.

• AMPLIAMOS 👉 A ex-socialista que chegou a edil en Lugo pola morte dun compañeiro bríndase a dar a alcaldía ao PP
• CRÓNICA | Outros doce máis un en Lugo: a tentación da censura
• HEMEROTECA | Freo xudicial a que os tránsfugas logren novos cargos e soldos: anulada a operación de Sada en 2022
• HEMEROTECA | Cacharro: o PP volve ler o 'Evanxeo segundo San Marcos' do que renegou
• HEMEROTECA | Lugo, a gran batalla electoral da memoria

Unha manifestación rexeita en Santiago as "ameazas de agresión militar contra Cuba" por parte dos EUA e esixe a fin da "asfixia económica, enerxética e financeira" á illa baixo o lema Deixade vivir a Cuba. A mobilización, convocada pola asociación de Amizade Galego-Cubana Francisco Villamil, contou co apoio de diversas organizacións políticas, sociais e sindicais, entre elas o BNG, EU ou a CIG. [Imaxe: CC BY-NC-SA BNG]

O 'número dous' do PP na provincia de Lugo alenta unha moción de censura no Concello lucense que precisaría o voto tránsfuga da edil que chegou á corporación pola morte dun concelleiro do PSdeG no goberno local. Javier Vázquez Nodal, secretario xeral dos conservadores de Lugo e tamén director territorial da Consellería de Presidencia na provincia, declara nunha entrevista con El Progreso que esa operación estaría "máis que xustificada" e admite "contactos" da formación que encabeza Elena Candia coa concelleira ex-socialista María Reigosa. Na imaxe, Nodal e Candia nunha conferencia de prensa recente [© PP]

• CRÓNICA | Outros doce máis un en Lugo: a tentación da censura

Irán anuncia a total reapertura do Estreito de Ormuz unha vez acadada unha tregua entre Israel e Hezbolá. A reanudación do tránsito de buques leva a unha forte caída do prezo do petróleo (-10%) e a unha suba das bolsas

• Dúas semanas de paz en Irán: cesamento do fogo e apertura 'controlada' do Estreito de Ormuz

A Fiscalía require ao Concello da Coruña información sobre o incumprimento da Lei de Memoria ao non retirar símbolos e honras ao franquismo. Pídelle un informe sobre as actuacións realizadas ou as razóns do incumprimento legal, segundo advirte a CRMH da Coruña.  O informe encargado polo Concello ao Instituto José Cornide insta a "retirar o nome da vía pública e os honores concedidos" a 14 persoas, entre eles Barrié, Alfonso Molina ou Peñamaría de Llano.

O PSdeG alerta do "bloqueo institucional do PP " no consello de administración dos medios públicos tras "sete meses sen cubrir" a vacante deixada pola anterior representante da formación neste órgano da CSAG -antiga CRTVG-, que "hoxe funciona de xeito incompleto, sen o equilibrio que lle corresponde, o que debilita aínda máis a súa escasa independencia", considera a vicesecretaria e vicevoceira parlamentaria do partido. Lara Méndez reclama, asemade, apoio ao BNG para non ser "cómplice" dun "bloqueo que non prexudica a un partido, senón a todos os galegos e galegas".

• HEMEROTECA (xaneiro 2026) | Os medios públicos fan medio ano co seu Consello de Administración en funcións
• HEMEROTECA | O PSdeG pide á Comisión Europea comprobar se a CRTVG "respecta os estándares" de "liberdade" e "información plural"
• HEMEROTECA | Feijóo lanza unha investigación contra RTVE tras oito anos de protestas nos medios públicos galegos