Fálase

18F | O CIS abre a porta con máis claridade a que a esquerda sume maioría absoluta e goberne Galicia tras o 18F. Nunha nova enquisa que vén de ser pública, o Centro de Investigacións Sociolóxicas sitúa o PP en cabeza, con entre 34 e 38 escanos (agora ten 42), seguido polo BNG, que ascendería ata os 22 ou mesmo 26 (actualmente ten 19). O PSdeG, terceira forza, lograría entre 13 e 15 nun Parlamento no que optarían a entrar Sumar e DO con cadanseu escano. Este novo inquérito conta con 3.743 entrevistas e foi realizado do 29 de xaneiro ao 1 de febreiro.

• AMPLIAMOS 👉 O CIS prevé unha vitoria da esquerda cun goberno liderado polo BNG
• Máis ganas de cambio e confianza na alternativa: os datos do CIS impulsan a chamada á mobilización da esquerda
• O CIS dá á esquerda opcións de acadar a maioría absoluta e gobernar Galicia
• Economía, sanidade, emprego ou os 'pellets': os problemas de Galicia no CIS con diferenzas segundo a quen se lle pregunte
• 🔊ENTREVISTA | Ana Pontón: "O PP baixa e o BNG sobe: se a xente que quere cambio vota, o 18 de febreiro imos sorrir"

Abanca rexistra a súa cifra récord de beneficios, con máis de 711 millóns en 2023. É o triplo que en 2022 e débese, segundo o seu presidente, Juan Carlos Escotet, á "indiscutible boa xestión" e á "resiliencia" da economía e a "fortaleza" do emprego. 

• Escotet critica o imposto á banca e Sánchez confírmao: "Imos na boa dirección se os bancos protestan"

18F | O PP difunde un vídeo no que Ayuso pide que "os galegos escoiten a España" para que "Galicia non caia nas mans dos nacionalistas" que "crean identidades coas que seguir vivindo na poltrona". A presidenta madrileña participa na rolda de vídeos gravados por dirixentes autonómicos do partido para apoiar a candidatura de Alfonso Rueda. A formación conservadora preséntaos coma "os presidentes máis riquiños".

• "Grazas por todo o que fixeches estes anos", di Rueda a Feijóo, que proclama: "esta é a nosa obra"
• Feijóo busca o seu plebiscito virando as eleccións galegas nunha sondaxe "sobre o que acontece en España"
• Sánchez considera "desprezable" a expresión "me gusta la fruta" para insultalo, como fixo o PPdeG no seu v´deo 

Xa está en marcha a mobilización de SOS Sanidade Pública no centro de Santiago, á que acoden milleiros de persoas e líderes das principais forzas políticas da esquerda xunto a ducias de colectivos e organizacións sociais. O máis destacado da manifestación, hoxe en Praza.gal.

• 📸📺 AMPLIAMOS 👉 Unha multitude volve responder á chamada de SOS Sanidade Pública e esixe reverter a situación "crítica" no Sergas

#18F Ana Pontón compromete "un novo modelo público de atención" á terceira idade. Nun encontro con maiores, a candidata do BNG á presidencia asegura que, se goberna tras o 18F, ampliará servizos como xantar na casa ou axuda no fogar, ademais de garantir "dúas prazas por cada 100 maiores" en centros de día, garantindo "que haxa cando menos un por comarca". En canto ás residencias, di, a súa prioridade é un modelo "máis personalizado, de centros máis pequenos" e cun sistema de "xestión pública" que tamén atinxa ás xa doadas pola Fundación Amancio Ortega nas cidades.

• Pontón, do aprendido na cociña da casa á presidencia: "Un goberno da miña filla mellorará a vida dos galegos"
• O programa sanitario do BNG para o 18F contempla ampliar as consultas de saúde bucodental na atención primaria
• Ana Pontón pide un último esforzo para poder “gobernar nós a nosa terra”

#18F Marta Lois defende "levar as mesmas políticas útiles que fai Sumar no goberno do Estado á Xunta" e asegura que a súa aposta é un Goberno de coalición con BNG e PSdeG "se deixamos a Rueda fóra". Afirmouno nun mitin en Ferrol no que recibiu o apoio de Yolanda Díaz e Íñigo Errejón.

Os 26.000 millóns de beneficios da banca española son 20 veces máis do que paga polo imposto extraordinario aplicado polo Estado. É unha información de infoLibre

• HEMEROTECA | Escotet critica o imposto á banca e Sánchez confírmao: "Imos na boa dirección se os bancos protestan"
• HEMEROTECA | "O mellor imposto á banca é recuperar a Caixa Postal"

O paro sobe en 1.597 persoas en xaneiro tras o final da campaña de Nadal en Galicia, que destrúe máis de 11.700 empregos. 

• AMPLIAMOS: Tres de cada catro novos parados en Galicia no mes de xaneiro foron mulleres

A Cadena SER emite a partir das 9.00 horas un debate entre os candidatos das tres forzas con representación ata agora no Parlamento ao que non asiste Alfonso Rueda. O PP elixiu o seu portavoz parlamentario, Alberto Pazos, para enfrontarse a Ana Pontón e José Ramón Gómez Besteiro. De momento Rueda só confirmou a súa asistencia ao debate do vindeiro luns na TVG.

• Galicia, en campaña entre a inercia e o cambio posible

O ministro de Cultura, Ernest Urtasun, avanzou este xoves nun acto de Sumar Galicia na Coruña “a constitución dun grupo de traballo específico para o reforzo e o impulso da creación en galego” para a “defensa” da nosa lingua. Urtasun acompañou a candidata da formación, Marta Lois, e mais a escritora Marilar Aleixandre na presentación das súas propostas culturais e destacou o “momento extraordinario” do audiovisual galego, “liderado ademais por mulleres”. Lois tamén fixo fincapé na reestruturación da CRTVG que Sumar inclúe no seu programa electoral. “O dereito á comunicación é un dereito democrático dos galegos e galegas e non pode ser utilizado de maneira propagandística”, sinalou. [Foto: Sumar Galicia]

• HEMEROTECA | Marta Lois: "Sumar Galicia vén para quedar, queremos introducir demandas cidadás no sistema político institucional"
• HEMEROTECA | Sumar Galicia incorpora a número dous de Podemos, a quen xa obvia de cara a futuros acordos