Fálase

A CIG convoca unha xornada de paro xeral en Galicia para o vindeiro 15 de outubro para reclamar "a fin do xenocidio e da ocupación ilegal de Palestina". O sindicato chama a un paro de catro horas por quenda laboral: das 10 ás 14 horas na quenda de mañá, das 18 ás 22 horas na quenda de tarde e das 22 horas do día 14 ás 2 horas do día 15 na quenda de noite. Así mesmo, anima a concentrarse ese mesmo día pola mañá diante dos centros de traballo e a mobilizarse nas vilas e cidades a partir das 19.30 horas.

• A presión contra o xenocidio en Gaza move mesmo o PPdeG
• As masivas protestas contra o equipo Israel obrigan a recortar o final de etapa da Vuelta

O Tribunal Superior denega suspender cautelarmente a taxa turística de Santiago, como pedía a Asociación Unión Hotelera. O TSXG conclúe que os intereses desta patronal hoteleira non teñen rango superior ao interese público "inherente aos investimentos e gastos aos que afecta o importe recadado" por este novo tributo, que entra en vigor este 1 de outubro na capital galega.

• AMPLIAMOS👉 Os hoteleiros non logran suspender na Xustiza o inicio da taxa turística de Santiago
• "Si" definitivo á taxa turística en Santiago e na Coruña
• Vigo súmase á taxa turística
• Santiago aproba a ordenanza que permitirá cobrar a taxa turística

O Estado concede 150.000 euros á Deputación da Coruña para exhumacións de fosas de vítimas da ditadura. O Consello de Ministros vén de aprobar por Real Decreto distribución de 2,4 millóns á Federación Española de Municipios e Provincias, cinco deputacións e catro concellos para uns labores que, no caso galego, se suman aos financiados cos fondos que Memoria Democrática vén enviando á Xunta, que á súa vez os transfire ao grupo Histagra da USC para que asuma todos os traballos -este ano, intervencións en 8 fosas- sen que o Goberno galego figure neles. Na imaxe, traballos de Histagra no cemiterio naronés do Val.

• Os fondos estatais de Memoria Democrática permiten intervir en oito fosas galegas dos golpistas en 2025
• HEMEROTECA | O censo estatal de vítimas do franquismo basearase no proxecto pioneiro que a Xunta abandonou
• HEMEROTECA | Corpos ocultos "para tapar a magnitude dos crimes": a tese gaña forza nas fosas galegas dos golpistas

A Xunta culmina a extensión da marca Galicia Calidade tamén ao turismo coa campaña ¿Y si Calidade fuese un lugar?, que lembra o histórico anuncio televisivo de 1991. Como avanzou Praza.gal en maio, o Goberno galego puxo especial énfase en empregar unidos "os elementos básicos de identidade corporativa" da propia Xunta e de Galicia Calidade.

• 📺 HEMEROTECA (18/5/2025) | Dos produtos á política, a industria e o turismo: a Xunta estira a marca Galicia Calidade 35 anos despois

Trump e Netanyahu presentan un plan para Gaza que inclúe un goberno controlado polos EUA. O presidente estadounidense brinda ao primeiro ministro israelí todo o apoio que precise para "tomar as medidas necesarias" na Franxa no caso de que Hamás non asuma o seu plan. Pedro Sánchez afirma que o Goberno de España "dá a benvida á proposta" e subliña que a "solución de dous Estados", que Israel reitera que rexeita tras meses de xenocidio, "é a única posible".

• A presión contra o xenocidio en Gaza move mesmo o PPdeG
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "A postura americana é aterradora, a europea incoherente. Ensinarase Gaza como o momento clave do declive moral de Occidente"

Extinguido o incendio de Pantón 11 días despois do seu inicio. A superficie ardida neste fogo, iniciado na parroquia de Pombeiro e que obrigou a varios desaloxos, foi de 1.805 hectáreas, segundo Medio Rural, que especifica que 1.517 son arboradas e unhas 288 restantes, rasas. Foto: CC-BY-SA BRIF Tabuyo.

O sindicato CUT convoca folga xeral en Galicia o 15 de outubro en apoio ao pobo palestino e contra o xenocidio en Gaza e chama "a todas as organizacións sindicais e sociais a unirse á convocatoria". 

O Partido Barbanza Independiente racha o goberno de Ribeira que encabeza o BNG e entregará a alcaldía ao PP cunha moción de censura. Tras as eleccións municipais de 2023 o PBBI secundou unha coalición encabezada polo Bloque con Luís Pérez Barral como alcalde que, tamén coa participación do PSdeG, implicou un histórico cambio de goberno tras máis de tres décadas ininterrompidas cos populares na alcaldía. A formación independente xurdiu dunha escisión do PP local en 2019. Segundo avanza La Voz de Galicia, a moción de censura co PP está asinada por 4 dos 5 edís do PBBI e debaterase o 13 de outubro. Na imaxe, o líder do PBBI, Vicente Mariño (dereita), anunciando o pacto con BNG e PSdeG tras as municipais.

• 🔴AMPLIAMOS | O PP arrebata ao BNG a alcaldía de Ribeira, sétima que gaña apoiado en tránsfugas ou independentes
• HEMEROTECA | Luís Pérez Barral, alcalde de Ribeira: "Conseguimos antepoñer os intereses das veciñas e veciños ante as ideoloxías e calquera tipo de interese partidista"
• HEMEROTECA | O BNG encabezará unha histórica mudanza de goberno en Ribeira tras un inédito pacto a tres

O embaixador da China reúnese con Ana Pontón tras participar no foro Oportunidades de cooperación e investimento entre empresas galegas e chinesas, organizado pola patronal galega e no que participou a Xunta. A portavoz nacional do BNG avoga ante Yao Jing por "potenciar as relacións comerciais e abrir novas oportunidades ás empresas galegas" no seu país. "Somos un país que ofrece grandes oportunidades para acoller proxectos que sexan sustentables, que acheguen riqueza e xeración de emprego, e que teñan nesa sustentabilidade e no desenvolvemento tecnolóxico un dos seus piares", sinalou.

Rueda reitera que o de Gaza é "unha masacre, unha salvaxada" pero evita novamente falar de "xenocidio". O presidente da Xunta di que non ten "outra atadura política que a miña conciencia"

• HEMEROTECA | Rueda evita chamar xenocidio ao que pasa en Gaza: "Unha auténtica salvaxada que ten que parar canto antes
• CRÓNICA | A presión contra o xenocidio en Gaza move mesmo o PPdeG