Fálase

Rafael Louzán, elixido presidente da Federación Española de Fútbol ao obter 90 dos 138 votos na asemblea da RFEF celebrada este luns. Sobre o ex-presidente da Deputación de Pontevedra e da Federación Galega de Fútbol pesa unha sentenza de inhabilitación por un cargo de prevaricación, que o podería apartar do cargo. Louzán vén agarrándose a que a sentenza definitiva está aínda pendente dun recurso de casación presentado ante o Tribunal Supremo, que tratará a cuestión o vindeiro 5 de febreiro. Louzán podería converterse no cuarto presidente consecutivo da RFEF en ser inhabilitado.

• CRÓNICA | Louzán, o xogador que desequilibrou de vez a final de Feijóo polo ascenso
• Louzán, favorito para presidir a RFEF malia a súa sentenza de inhabilitación, que o podería apartar do cargo
• A Audiencia de Pontevedra confirma a condena de Louzán por prevaricación e absolve a ex-alcaldesa de Moraña

O novo auditorio de Lugo levará o nome de Fuxan os Ventos. A proposta foi a máis votada na consulta popular realizada nos últimos días e na que podían participar todas as persoas residentes da cidade maiores de 15 anos. Fuxan os Ventos obtivo 1.966 votos e superou con claridade a Darío Xohán Cabana (542), Maruja Mallo (370) e Maruxa Villaverde (129). O recinto inaugurarase este venres cun concerto de Ainhoa Arteta

• Darío Xohán Cabana, Fuxan os Ventos, Maruja Mallo ou Maruxa Villanueva? A cidadanía de Lugo vota o nome do seu auditorio
• Unha ducia de momentos dos 50 anos de historia de Fuxan os Ventos

Incautados 229 quilos de cocaína nun buque mercante atracado no porto exterior da Coruña. Segundo informa a Delegación do Goberno de España en Galicia, o Energy Glory, de bandeira panameña, atracou en Punta Langosteira o pasado sábado, nunha escala con destino cara a Huelva, cunha carga declarada de 25.000 toneladas de fariña. Foi o domingo cando o grupo de operacións especiais da Garda Civil, que operou conxuntamente con Vixilancia Aduaneira, localizou 8 fardos de cocaína nun conduto de refrixeración, con 229 paquetes dun quilo. Nas imaxes, os fardos incautados, na comandancia da Garda Civil en Lonzas (A Coruña), onde acudiu o delegado gobernamental este luns a dar os parabéns aos responsables do operativo.

• REPORTAXE | Todos narcos?: 'Clanes' e 'Fariña', dúas series que contan Galicia
• HEMEROTECA | "O narcosubmarino evidencia que o narcotráfico en Galicia ten un presente moi vivo"
• HEMEROTECA | O éxito de 'Fariña', desacougo polo regreso do pasado incómodo de Galicia

O río Ulla chegará a Compostela esta mañá nunha gran mobilización contra a fábrica de Altri. Ducias de autobuses saen de todos os recantos de Galicia para levar persoas e pancartas decididas a berrar Altri Non este mediodía en Santiago nunha acción organizada por Ulloa Viva e a Plataforma en Defensa da Ría de Arousa para frear a instalación en Palas.

• Un libro de Adega axita a alerta sobre Altri en vésperas doutra protesta contra a súa instalación en Palas
• Organizacións ambientais de todo o mundo esixen á Xunta e ao Goberno de España que rexeiten a fábrica de Altri
• Berro masivo contra Altri ás portas da Xunta

O BNG urxe medidas para reverter a situación de “emerxencia lingüística” do galego. A portavoz de Lingua do BNG, Mercedes Queixas, vén de remitir unha carta ao conselleiro de Cultura, José López Campos, onde traslada a súa preocupación pola falta de resposta do Goberno ás propostas que a formación nacionalista lle trasladou xa na primeira das reunións convocadas no marco do pacto polo idioma, para reverter a situación de “emerxencia lingüística” do galego e iniciar a necesaria recuperación do noso idioma.

•  A RAG responsabiliza a Xunta do “dramático” devalo no uso do galego e defende o pacto pola lingua
• Varios milleiros de persoas reclaman un cambio de rumbo para o galego
• O castelán xa é o idioma predominante en Galicia

O Parlamento de Corea do Sur destitúe o presidente Yoon por declarar a lei marcial. O Parlamento surcoreano aprobou este sábado a destitución do presidente, Yoon Suk-yeol, por declarar a lei marcial o pasado 3 de setembro e fíxoo co apoio de deputados da formación do mandatario. 

[Imaxe: KOCIS en Flickr]

Contra a masificación turística, desde o corazón do Nadal vigués. A Plataforma Fronte á Masificación Turística Vigo-Morrazo, integrada por 18 organizacións sociais, organizou este venres unha acción de protesta na Farola de Urzaiz de Vigo para reclamar un ‘Vigo e Morrazo para vivir’ . “Non estamos en contra do Nadal, nin dos dereitos humanos ao lecer e ao descanso. O que rexeitamos é converter o centro da nosa cidade nun parque temático para o turista”, di María Pérez, da Federación Veciñal Eduardo Chao.

• Nace en Vigo unha plataforma contra o impacto do turismo masivo na vivenda, no comercio e no medio ambiente
• Onde está Vigo nas luces de Nadal?
• EN VINTE: Chega o Nadal e prende o frenesí luminoso

O Goberno central convocará as comunidades en xaneiro para negociar a quita da débeda autonómica. Anunciouno este venres Pedro Sánchez na Conferencia de Presidentes, que se celebra en Santander, onde propuxo ás comunidades autónomas un pacto sobre vivenda para "blindar o carácter público e social das vivendas financiadas con recursos públicos", acadar o 20% do parque público de vivenda e reformar a lei do solo.

• HEMEROTECA | Rueda sae da reunión con Sánchez sen quita da débeda galega e coa transferencia "inmediata" do litoral ditada polo Constitucional

A folga de 24 horas na CRTVG afecta a diversos programas da Televisión de Galicia e a Radio Galega. "Malia as 149 persoas en servizos mínimos o paro afecta á programación", resalta o comité intercentros, que expuxo as súas demandas cunha concentración na compostelá Praza do Toural -na imaxe-. Mentres, no Parlamento, o director xeral dos medios públicos, Alfonso Sánchez Izquierdo, liga o comité co BNG e acúsao de propiciar o despedimento de persoal de produtoras privadas que realizan programas para a Televisión de Galicia.

• O PP poderá remudar o director da CRTVG só cos seus votos na primeira metade de 2025
• Unha marcha en defensa da pluralidade dos medios públicos chama a cidadanía a "liberar a CRTVG"

A Galicia deseñada xa é un libro. A viaxe polos símbolos, marcas e a identidade visual do país ao longo da historia que protagonizou en 2022 unha exposición na Universidade da Coruña vira agora nun volume de 700 páxinas "coa vontade de contribuír á creación dunha historiografía do deseño galego". O traballo, que xa está á venda, é obra de Marcos Dopico, Cibrán Rico, Suso Vázquez, conta cun prólogo de Pepe Barro e está coeditado por Fabulatorio e a UDC. [Imaxe: ©Fabulatorio] 

• HEMEROTECA | 'A Galicia deseñada': unha viaxe polos símbolos, marcas e a identidade visual do país ao longo da historia
• REPORTAXE | Outra volta ao deseño desde Galicia: Cenlitros, Desescribir e Novagarda
• Da COTOP á CRTVG: marcas públicas que marchan tras facer país