Fálase

A Comisión Interuniversitaria de Galicia (CIUG) deixa de remitir aos medios as listaxes de persoas aprobadas na selectividade para cumprir a lexislación de protección de datos. O organismo que organiza en Galicia as probas de acceso á universidade, conformado polas tres institucións académicas públicas, explica que de agora en diante só divulgará "estatísticas globais coas porcentaxes de persoas aptas" e non as listaxes de nomes que vén remitindo á prensa dende 1992, habitualmente publicados integramente en xornais impresos. Na imaxe, un exame de selectividade na Coruña, nunha imaxe de arquivo [© UDC]

O comisario europeo de Agricultura cancela a xuntanza con Ana Pontón, á que ía recibir no mesmo día que a Rueda para trataren en ambos casos o impacto da aplicación do acordo comercial co Mercosur. O BNG atribúe a "presións do PP e da Xunta" a cancelación dun encontro que "estaba confirmado dende o pasado 13 de febreiro" para este martes. "Despois de que o domingo o BNG fixese pública en comunicado de prensa esa xuntanza, o gabinete de Christophe Hansen trasladou nun correo electrónico a cancelación alegando un cambio inesperado na axenda". Hansen recibe na tarde deste martes ao presidente da Xunta, quen a xuízo da portavoz nacional do Bloque "non soporta que se visualice que o BNG fai o qeu el non fai: defender o sector agrogandeiro" en Bruxelas, onde Pontón mantén o resto da axenda prevista. [Imaxe: © Comisión Europea]

• AMPLIAMOS 👉 O comisario europeo de Agricultura cancela a reunión con Pontón prevista para o día en que recibe a Rueda
• HEMEROTECA | A UE asina o pacto con Mercosur fronte á "lei do máis forte" e tenta acougar o sector agrogandeiro
• HEMEROTECA | O Parlamento europeo frea o acordo con Mercosur
• HEMEROTECA | O campo galego contra o acordo con Mercosur: "Competencia desleal" e peche de explotacións

O Goberno de España desmárcase do apoio europeo a Trump na guerra e impide usar as bases dos EUA en Andalucía para atacar a Irán. Pedro Sánchez subliña que as operacións estadounidenses e israelís son alleas ao Dereito internacional. Na imaxe, Sánchez este luns en Barcelona co rei no Mobile World Congress [© Pool Moncloa/Borja Puig de la Bellacasa]

• Estados Unidos e Israel atacan Irán
• Irán confirma o asasinato do aiatolá Ali Khamenei e anuncia “vinganza”
• "Unha guerra nunca é desexable", di Rueda, tras xustificala Feijóo para "liberar" as mulleres iranianas

Querela da Fiscalía contra José Tomé por feitos que "poderían ser constitutivos dun delito de acoso sexual" ou "de abuso no exercicio da función pública". O Ministerio Público actúa contra o ex-presidente da Deputación de Lugo e actual alcalde de Monforte -posto no que permaneceu tras ser afastado da militancia no PSdeG- "tras recibir unha denuncia particular por feitos presuntamente delituosos cometidos contra unha muller en setembro de 2025"

• AMPLIAMOS 👉 Querela da Fiscalía contra Tomé por acoso sexual e abuso na función pública
• HEMEROTECA | Varias mulleres denuncian no PSOE acoso sexual de José Tomé, que o nega
• HEMEROTECA | Tomé dimite como presidente da Deputación e secretario provincial do PSdeG pero segue como alcalde
• HEMEROTECA | Besteiro reivindica "contundencia" do PSdeG co acoso sexual fronte ás críticas polo 'caso Tomé'

Feijóo apela á súa "experiencia laboral e política forxada na sanidade pública" como "secretario xeral da consellería de Sanidade da Xunta ou como presidente do Insalud" para asegurar que respondería ás demandas do persoal médico en folga no caso de chegar a gobernar en España. "Os problemas da sanidade non nacen nas vosas consultas nin nas comunidades autónomas", sostén o ex-presidente e o actual líder estatal do PP nun escrito divulgado a través das redes sociais. Na imaxe, visitando como titular da Xunta o hospital de Vigo en 2020 co daquela conselleiro de Sanidade, Jesús Vázquez Almuíña.

• HEMEROTECA | A sanidade pública na 'era Feijóo': 13 anos de conflitos, obras novas e protestas contra a deterioración
• HEMEROTECA | Así mudou Feijóo o obxectivo do bipartito de que o novo hospital de Vigo puxese fin ao concerto de Povisa
• HEMEROTECA | Feijóo culpa a PSOE e Unidas Podemos do recorte de persoal sanitario acumulado no mandato de Rajoy
• HEMEROTECA | Así quebrou o primeiro experimento sanitario de Feijóo

Concello de Lugo, formacións políticas, entidades sociais e veciñanza homenaxean a alcaldesa Paula Alvarellos no seu primeiro cabodano. Centos de persoas atenderon este domingo o acto na memoria da política e avogada falecida o 1 de marzo de 2025. Miguel Fernández, o seu sucesor na alcaldía -na imaxe, xunto ao viúvo de Alvarellos, Guillermo Carro-, subliñou o seu "compromiso, traballo, tenacidade, valentía e ilusión tanto na súa faceta política como persoal" nun acto que incluíu música e a lectura dun poema escrito por Pablo Permuy, concelleiro do PSdeG na cidade tamén falecido o pasado ano. [Imaxes: Concello de Lugo / Deputación de Lugo]

• HEMEROTECA | Paula Alvarellos, a avogada que nun só ano deixou pegada como alcaldesa de Lugo
• HEMEROTECA | Lugo, da conmoción pola morte da alcaldesa a unha elección política transcendental

Besteiro alerta en Baleira de que a falta de médicos no rural é xa un problema estrutural da sanidade galega. O líder do PSdeG enmarca a situación deste centro de saúde, con falta reiterada de persoal, nun deterioro progresivo da atención primaria en Galicia logo de máis de 16 anos de goberno do PP e anuncia que levará a demanda de Baleira e de tantos outros concellos de Galicia ao Parlamento.

A Consellería de Sanidade fai un chamamento ao sindicato O’Mega para que desconvoque a folga. Os médicos galegos de Atención Primaria están chamados á folga o luns polo sindicato O'Mega, que exixe un plan para desconxestionar a atención e reducir as listas de agarda.

[Na imaxe, persoal sanitario concentrado ante a Consellería de Sanidade]

• O Sergas negocia hai seis anos con centos de expertos a nova Primaria que agora promete para frear as folgas

Estados Unidos e Israel atacan Irán. Donald Trump confirmou a través dunha mensaxe en redes sociais que Estados Unidos lanzou un gran ataque contra Irán. O presidente estadounidense comunicou que o país iniciou operacións de combate contra Teherán: "O exército de Estados Unidos está a levar a cabo unha operación masiva e en curso para impedir que esta moi malvada ditadura radical ameace a Estados Unidos e aos nosos intereses fundamentais de seguridade nacional".

•  AMPLIACIÓN | Estados Unidos e Israel atacan Irán

Audasa volve ser condenada a devolver a metade de peaxes cobradas durante as obras de Rande cando provocaron atascos. A concesionaria xa fora condenada, con aval do Supremo, e agora a Audiencia da Coruña pronúnciase sobre outras reclamacións de varias empresas de transporte. 

• HEMEROTECA (2022) | Audasa é condenada a devolver o 50% de peaxes cobradas durante a obra de Rande tras lograr evitar a devolución íntegra