Fálase

Feijóo volve alimentar as teorías da fraude electoral, desta volta a conta das inscricións no Censo de Residentes Ausentes (CERA) para o que el mesmo defendeu como presidente da Xunta restar controis de seguridade. As últimas eleccións celebradas en Galicia, as galegas de 2024, foron as primeiras dende a reforma do voto emigrante que eliminou o sufraxio rogado -solicitude previa para votar para evitar a fraude- pero engadiu novos controis. Como en anteriores convocatorias, o CERA apoiou masivamente aos populares. Na imaxe, o ex-presidente e actual líder estatal do PP, nunha comparecencia recente ante a prensa no Congreso [© PP]

• HEMEROTECA | O voto CERA de Ourense non cambia a distribución de escanos do 18F
• HEMEROTECA | Feijóo alimenta as teorías da fraude no voto por correo na fin do prazo para solicitalo
• HEMEROTECA | Feijóo executa contra PSOE e Podemos o manual de asedio que estreou fronte á coalición de esquerda na Xunta
• HEMEROTECA | O retorno das pantasmas do “voto emigrante”, por Anxo Lugilde

A Xunta rexeita por "insuficiente" a reforma estatal da Dependencia que duplica os fondos para Galicia. Nunha xuntanza co Ministerio de Dereitos Sociais e as demais autonomías -na imaxe-, a conselleira Fabiola García sostén que "non chegará a cubrir o 40% dos custos" mentres que o ministerio que encabeza Pablo Bustinduy sostén que o novo sistema permitirá chegar a que o Goberno de España sufrague ata o 50%. [Imaxe: CC BY-SA Xunta]

• A reforma estatal da dependencia duplica os fondos para a Xunta

Cinco Medallas Castelao para a representación da “Galicia actual”. O presidente da Xunta fixo entrega das Medallas Castelao 2026 ao músico Esteban Batallán Cons, á científica Mar Capeáns Garrido, ao atleta Adrián Ben, á propietaria dos restaurantes La Penela, María Barallobre, e á Fundación Andrea. “Cinco persoas que constitúen unha extraordinaria representación da Galicia actual, con todo o que traemos do pasado e con todo o que temos cara ao futuro”, segundo subliñou Rueda. 

[Foto: David Cabezón/Xunta]

• Medallas Castelao para quen "fai patria cada día"

O orgullo combativo toma as rúas galegas contra o odio. "Con Franco non viviamos mellor", “que si, que temos raiba, pero non temos medo” ou “o corpo non binario é revolucionario” foron algunhas das consignas que se puideron ler e escoitar este sábado nas manifestacións do Orgullo, celebradas en Ferrol, Vigo e Pontevedra. Nesta xornada de domingo as reivindicacións do colectivo LGTB+ continuarán en Santiago, A Coruña, Ourense e Lugo. 

Morre unha muller na residencia de Bóveda logo de ser agredida por outra usuaria. Unha interna da residencia para persoas con grandes discapacidades físicas de Bóveda (Lugo) morreu nos pasados días a consecuencia dunha agresión presuntamente cometida por outra usuaria do centro. A Garda Civil investiga o caso e o Xulgado de Instrución de Monforte ten aberto un procedemento para esclarecer os feitos. A Consellería de Política Social e Igualdade sinalou que mantivo contacto co centro e co alcalde de Bóveda desde o primeiro momento para solicitar toda a información dispoñible 

• Galicia, doutra volta á cola no investimento por persoa dependente: 500 euros menos que a media

O proxecto de SAIC en Ferrol prevé crear mil postos de emprego directo, cun impacto no conxunto de Galicia de 2.000 empregos en total. Dos mil postos de traballo directos, 460 estarán relacionados coas operacións loxísticas e 540 coas produtivas. A Secretaría Xeral de Industria e Desenvolvemento Enerxético somete a información pública o proxecto e o estudo de impacto ambiental do complexo industrial para a produción e distribución de vehículos eléctricos e híbridos, como recolle o DOG deste venres. Na imaxe, plano das instalacións que a compañía chinesa prevé erguer no porto exterior de Ferrol, incluído na documentación exposta.

• SAIC en Galicia: entre a teima polos prazos e o receo a un cambio na Moncloa
• Transición verde e 'made in Europe': a UE define o peso da industria galega na planta de MG

Comisións Obreiras ratifica que abandona as negociacións do diálogo social coa Xunta: "Pretendía empregalo como foto de fachada mentres utiliza as baixas médicas para satisfacer os intereses da patronal", salienta a secretaria xeral do sindicato no marco do seu Consello Nacional -na imaxe-, que aprobou por unanimidade a decisión. O Goberno galego,  lamentan, "baleirou de contido este espazo ata convertelo nun escaparate de propaganda" e Comisións, agrega, só valorará regresar a "unha mesa entre iguais e con respecto mutuo". Só UGT permanece nesas conversas, ás que a CIG xa non se sumara de inicio.

• Sintonía patronal coa campaña da Xunta contra o persoal de baixa
• O plan contra as baixas segue: o novo protocolo da Xunta con máis poder para as mutuas xa é oficial
• O Sergas recorta o soldo de médicos de familia con pacientes coas baixas laborais máis longas
• A marcha de CCOO deixa un só sindicato na mesa da Xunta sobre as baixas

A alcaldesa da Coruña propón recuperar a bandeira da cidade. Nun vídeo divulgado a través das redes sociais, Inés Rey sinala que "as branquiazuis cores de Galicia foron antes as da Coruña" ata que "hai 135 anos, unha variación da nosa bandeira marítima creou a actual bandeira do país, da que nos sentimos orgullosos". "Iso -agrega- deixounos" sen a bandeira "propia da nosa capital". "Sen saír da mesma raíz, e se a recuperamos?", suxire.

• HEMEROTECA (2021) | Cen anos do día en que o Concello da Coruña foi a primeira institución que izou a bandeira galega

A Xunta fai oficiais as condicións do seu 'bono comedor escolar': 150 euros por curso para familias que en 2024 ingresasen un máximo de 6.000 euros per cápita ao ano e crianzas de Infantil, Primaria ou Especial en colexios públicos ou concertados e que no curso 25-26 xa fosen usuarias dun comedor non xestionado "directa ou indirectamente" polo Goberno galego.

• HEMEROTECA | O bono comedor escolar, novo parche para un servizo partido entre Xunta, concellos, Anpas e subcontratas
• HEMEROTECA | Xantar en aulas, espazo ao límite, voluntariado: desigualdade no comedor escolar alén do prezo

A Mocidade Galega pola Memoria levou a cabo unha protesta na inauguración da mostra que no Museo de Pontevedra acolle A derradeira leición do mestre, a obra na que Castelao denunciou a represión franquista e o asasinato de Alexandre Bóveda. Integrantes da entidade despregaron carteis reivindicativos e subliñaron que "a memoria histórica non pode limitarse á exhibición de símbolos ou obras artísticas, senón que debe traducirse en compromisos efectivos coa verdade, a xustiza e a reparación das vítimas da represión franquista". 

• Amalia Bóveda non irá á inauguración de 'A derradeira leición do mestre' pola negación da memoria de PP e VOX
• 'A derradeira leición do mestre' chega a Galicia por segunda vez: en Pontevedra ata finais de setembro