Fálase

Morre unha muller na residencia de Bóveda logo de ser agredida por outra usuaria. Unha interna da residencia para persoas con grandes discapacidades físicas de Bóveda (Lugo) morreu nos pasados días a consecuencia dunha agresión presuntamente cometida por outra usuaria do centro. A Garda Civil investiga o caso e o Xulgado de Instrución de Monforte ten aberto un procedemento para esclarecer os feitos. A Consellería de Política Social e Igualdade sinalou que mantivo contacto co centro e co alcalde de Bóveda desde o primeiro momento para solicitar toda a información dispoñible 

• Galicia, doutra volta á cola no investimento por persoa dependente: 500 euros menos que a media

O proxecto de SAIC en Ferrol prevé crear mil postos de emprego directo, cun impacto no conxunto de Galicia de 2.000 empregos en total. Dos mil postos de traballo directos, 460 estarán relacionados coas operacións loxísticas e 540 coas produtivas. A Secretaría Xeral de Industria e Desenvolvemento Enerxético somete a información pública o proxecto e o estudo de impacto ambiental do complexo industrial para a produción e distribución de vehículos eléctricos e híbridos, como recolle o DOG deste venres. Na imaxe, plano das instalacións que a compañía chinesa prevé erguer no porto exterior de Ferrol, incluído na documentación exposta.

• SAIC en Galicia: entre a teima polos prazos e o receo a un cambio na Moncloa
• Transición verde e 'made in Europe': a UE define o peso da industria galega na planta de MG

Comisións Obreiras ratifica que abandona as negociacións do diálogo social coa Xunta: "Pretendía empregalo como foto de fachada mentres utiliza as baixas médicas para satisfacer os intereses da patronal", salienta a secretaria xeral do sindicato no marco do seu Consello Nacional -na imaxe-, que aprobou por unanimidade a decisión. O Goberno galego,  lamentan, "baleirou de contido este espazo ata convertelo nun escaparate de propaganda" e Comisións, agrega, só valorará regresar a "unha mesa entre iguais e con respecto mutuo". Só UGT permanece nesas conversas, ás que a CIG xa non se sumara de inicio.

• Sintonía patronal coa campaña da Xunta contra o persoal de baixa
• O plan contra as baixas segue: o novo protocolo da Xunta con máis poder para as mutuas xa é oficial
• O Sergas recorta o soldo de médicos de familia con pacientes coas baixas laborais máis longas
• A marcha de CCOO deixa un só sindicato na mesa da Xunta sobre as baixas

A alcaldesa da Coruña propón recuperar a bandeira da cidade. Nun vídeo divulgado a través das redes sociais, Inés Rey sinala que "as branquiazuis cores de Galicia foron antes as da Coruña" ata que "hai 135 anos, unha variación da nosa bandeira marítima creou a actual bandeira do país, da que nos sentimos orgullosos". "Iso -agrega- deixounos" sen a bandeira "propia da nosa capital". "Sen saír da mesma raíz, e se a recuperamos?", suxire.

• HEMEROTECA (2021) | Cen anos do día en que o Concello da Coruña foi a primeira institución que izou a bandeira galega

A Xunta fai oficiais as condicións do seu 'bono comedor escolar': 150 euros por curso para familias que en 2024 ingresasen un máximo de 6.000 euros per cápita ao ano e crianzas de Infantil, Primaria ou Especial en colexios públicos ou concertados e que no curso 25-26 xa fosen usuarias dun comedor non xestionado "directa ou indirectamente" polo Goberno galego.

• HEMEROTECA | O bono comedor escolar, novo parche para un servizo partido entre Xunta, concellos, Anpas e subcontratas
• HEMEROTECA | Xantar en aulas, espazo ao límite, voluntariado: desigualdade no comedor escolar alén do prezo

A Mocidade Galega pola Memoria levou a cabo unha protesta na inauguración da mostra que no Museo de Pontevedra acolle A derradeira leición do mestre, a obra na que Castelao denunciou a represión franquista e o asasinato de Alexandre Bóveda. Integrantes da entidade despregaron carteis reivindicativos e subliñaron que "a memoria histórica non pode limitarse á exhibición de símbolos ou obras artísticas, senón que debe traducirse en compromisos efectivos coa verdade, a xustiza e a reparación das vítimas da represión franquista". 

• Amalia Bóveda non irá á inauguración de 'A derradeira leición do mestre' pola negación da memoria de PP e VOX
• 'A derradeira leición do mestre' chega a Galicia por segunda vez: en Pontevedra ata finais de setembro

Nas últimas 24 horas caeron en Galicia preto de catro mil raios, especialmente durante a tarde e noite do mércores e na madrugada deste xoves. As treboadas, que afectaron a boa parte do territorio viñeron acompañadas de chuvias e de fortes sarabiadas, con pedrazo de gran tamaño.

O Goberno israelí carga contra o Concello de Oleiros pola queima no San Xoán dunha figura que representaba a Trump e Netanyahu montados nun mísil na praia de Bastiagueiro. "Oleiros manda ao inferno" aos "dous criminais máis vergoñentos e indecentes do noso tempo", reivindica o goberno municipal, que resalta que o acto virou "nunha nova denuncia do masacre" que os mandatarios "están a causar por todo o mundo, ignorando leis e dereitos internacionais e humanos". A embaixada de Israel en España transmite a súa "condena" ao consistorio oleirense por, din, "promover demostracións inaceptables". "A responsabilidade das autoridades é parar a instigación ao odio, non fomentalo", sosteñen. [Imaxe: © Concello de Oleiros]

• A delegación galega na Flotilla a Gaza, na casa tras o secuestro de Israel
• HEMEROTECA | A presión contra o xenocidio en Gaza move mesmo o PPdeG
• HEMEROTECA | Israel declara "inimigo" o Parlamento de Galicia

Pedro Sánchez comparece  ante o Congreso para abordar os casos de corrupción e procesos xudiciais que atinxen o PSOE e o Goberno de España. O presidente do Executivo e líder socialista principia advertindo de que "non debe haber impunidade" para as prácticas corruptas e instando a distinguir entre casos coma o que vén de propiciar a condena de Ábalos das pescudas contra as súa familia.

• AMPLIAMOS 👉 Sánchez nega "corrupción xeneralizada": "Xamais coñecín nin tolerei ningunha destas prácticas"
• O Supremo impón 24 anos de prisión a Ábalos e libra o comisionista De Aldama da cadea

"Rexistros de récord" nas temperaturas do leste e norte de Galicia, con ata 39,4 graos en Cospeito; 39 en Riotorto; 38,3 na Pontenova ou 36,6 en Burela, destaca MeteoGalicia con datos recompilados ata as 17:20 da tarde nunha xornada de moita calor en todo o país. "O vento do sur e a ausencia de nubes", detalla, explica estes altísimos rexistros en puntos da provincia de Lugo.

• Alertas pola calor e risco de incendio engádense ás precaucións habituais para o San Xoán
• A vaga de calor comeza con máis dun cento de concellos xa en alerta vermella
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver