Fálase

Multa de 600 euros ao editor de La Región por dar unha puñada a Jácome. A Audiencia de Ourense condena a Óscar Outeiriño por un delito leve de lesións que tamén lle suporá 3.180 euros de indemnización e absólveo do delito de atentado á autoridade, ao considerar que non golpeou o alcalde ourensán "en represalia polas súas decisións e resolucións como alcalde", xa que ambos manteñen "desde hai anos unha acérrima inimizade". O tribunal, informa o TSXG, "tivo en conta a atenuante de reparación do dano, pois o investigado consignou a cantidade de 178,55 euros, con ofrecemento de pago". No xuízo, Outeiriño desculpouse e atribuíu o golpe a "provocacións" previas do líder de DO. [Imaxe: © Concello de Ourense]

• HEMEROTECA | Jácome substitúe as roldas de prensa por emisións dende o salón de plenos na súa televisión privada
• HEMEROTECA | O alcalde de Ourense denuncia o editor de La Región por unha presunta agresión ás portas do auditorio
• HEMEROTECA | Cuarta sentenza xudicial contra os intentos da Deputación de Ourense de pagar ao xornal La Región 2,7 millóns polo seu arquivo

O Ministerio de Traballo pacta con CCOO e UGT a redución da xornada laboral a 37,5 horas semanais en 2025, substituíndo as 40 vixentes dende 1983. O acordo, que non conta co apoio da patronal CEOE, inclúe outras medidas en materia de desconexión dixital e máis garantías no rexistro horario do persoal. A súa entrada en vigor depende, en todo caso, de que o texto logre saír adiante no Congreso. [Imaxe: Ministerio de Traballo]

• HEMEROTECA | Non só tentar conciliar: o "dereito ao tempo" entra na axenda das eleccións europeas
• HEMEROTECA | Máis emprego, mellor repartido, mellor pagado: a axenda galega do Primeiro de Maio
• HEMEROTECA | Transporte gratuíto, redución da xornada laboral ou máis bolsas de estudo: todas as medidas anunciadas por Sánchez

O Goberno de España manterá os descontos no transporte público durante o primeiro semestre de 2025. Tras un pacto con Podemos, o Executivo resolve que as bonificacións, que inclúen os abonos ferroviarios de balde, continuarán sen cambios e non será cando menos ata o vindeiro xullo cando principien as mudanzas para concentralos só nalgúns colectivos de persoas usuarias. O acordo inclúe tamén a prórroga para frear desafiuzamentos a persoas vulnerables durante todo 2025

As principais institucións galegas acollen minutos de silencio como repulsa ao asasinato machista deste mércores en Viveiro. O movemento feminista ultima mobilizacións para o serán deste venres en diversas vilas e cidades. Na imaxe, concentración deste mediodía ante a subdelegación do Goberno de España en Lugo.

• Confirman o asasinato dunha muller en Viveiro como un feminicidio
• No fogar, en domingo ou nas vacacións: unha análise dos 58 asasinatos machistas de 2023
• Radiografía do VioGén en Galicia: camiño dos 60 concellos e co reforzo da atención directa ás vítimas pendente

O Real Decreto de comedores escolares instará a todos os centros a ofrecer froita e verdura a diario e prohibirá as bebidas azucradas para previr a obesidade infantil. O ministro de Consumo, Pablo Bustinduy, avanzou detalles da norma durante a presentación do Estudo Aladino 2023, que entre outros aspectos salienta que a obesidade entre as nenas e nenos descende, pero segue atinxindo "a máis dun terzo" da poboación escolar, cunha situación "especialmente preocupante" nas familias de menor renda, nas que "o exceso de peso infantil afecta a case á metade" das crianzas. Na imaxe, froita nun comedor escolar da Coruña, nunha fotografía de arquivo.

• HEMEROTECA | O abuso das bebidas enerxéticas entre a mocidade: un problema crecente e con impacto na saúde
• HEMEROTECA | A obesidade afecta case un cuarto da poboación adulta en Galicia, onde o 62% ten exceso de peso
• HEMEROTECA | A Xunta promove que o seu persoal evite a bolería industrial tras mofarse o PP do ministro Garzón por limitar a súa publicidade
• HEMEROTECA | Catering nos comedores escolares: os contratos non garanten a calidade

A eurodeputada do BNG, Ana Miranda, denunciou este mércores no pleno do Parlamento europeo as "negativas consecuencias" que terá a instalación da macrocelulosa Altri en Palas de Rei sobre o sector agrario e gandeiro galego. "Iso si que provoca malestar. O malestar de 100.000 persoas que saíron as rúas para dicir Altri Non”, subliñou.

• Milleiros de persoas ateigan Compostela contra Altri: “Galicia enteira rexeita esa pasteira!”

Investigan como presunto crime machista o asasinato dunha muller en Covas (Viveiro) este mércores, segundo confirman a Praza.gal fontes próximas á investigación. A Policía segue coas pesquisas e El Progreso avanza que xa detivo ao suposto asasino, que foi trasladado ao Hospital da Mariña. De confirmarse como feminicidio, sería a vítima 46 da violencia de xénero no Estado. [📸 Turismo de Galicia]

• MÁIS INFORMACIÓN | Confirman o asasinato dunha muller en Viveiro como un feminicidio
• No fogar, en domingo ou nas vacacións: unha análise dos 58 asasinatos machistas de 2023
• Radiografía do VioGén en Galicia: camiño dos 60 concellos e co reforzo da atención directa ás vítimas pendente

A clientela da Caixa Rural Galega poderá retirar e ingresar cartos nas oficinas de Correos. A empresa estatal chega a un acordo co grupo do que fai parte a entidade cooperativa galega (Banco Cooperativo) para acceder ao servizo denominado Correos Cash contra a exclusión financeira presentando o documento de identidade e "os catro últimos díxitos do número de conta ou da tarxeta". Na imaxe, unha sucursal da Caixa Rural Galega en Outeiro de Rei. [CC BY-NC-SA Praza.gal]

• HEMEROTECA | Caixa Rural Galega dispara beneficios ata os 21 millóns con novo récord de depósitos, crédito e persoal
• HEMEROTECA | "Os mozos saben disto, pero a ver se saben sachar": maiores de Lousame aprenden a usar o caixeiro que subvenciona a Xunta
• HEMEROTECA | Galicia bate récords de cartos depositados nos bancos mentres o número de sucursais é o menor dende 1974
• EN VINTE | Vinte na vila, un proxecto da Fundación Praza Pública co apoio da Caixa Rural Galega

Berlai estrea “O outro lado da porta”, unha canción de amor ao pobo palestino con Fanny & Alexander. O tema acompáñase dun videoclip artellado sobre a curtametraxe Home Sweet Home, dirixida por Omar Rammal co apoio de Amnistía Internacional na que o realizador palestino denuncia o apartheid e a sistemática vulneración de dereitos a cargo de Israel

O Parlamento aproba definitivamente os Orzamentos da Xunta para 2025, dotados con algo máis de 15.000 millóns de euros, case un 4% máis que o ano previo. Vivenda e débeda protagonizan as subas nas contas públicas do ano vindeiro, que caen en ciencia. O proxecto orzamentario recibiu os votos a prol da maioría absoluta do PP e a abstención do deputado de Democracia Ourensana; tanto BNG como PSdeG votaron en contra.

• Vivenda e débeda protagonizan as subas nos Orzamentos da Xunta para 2025, que caen en ciencia
• A Xunta ingresará 436 millóns máis por impostos en 2025 e renuncia a outros 454 mediante descontos
• Non só Rueda e Feijóo: 35 orzamentos galegos "en tempo e forma"