Fálase

A ex-ministra Ana Pastor renuncia á acta de deputada do PP por Pontevedra para fichar pola mutua sanitaria AMA. Pastor, médica de profesión, foi presidenta do Congreso dos Deputados e antes, titular de Sanidade con José María Aznar. Era ministra de Fomento cando entraron en servizo os Alvia da Meseta a Galicia, cando foi desconectado neles o sistema de seguridade ERTMS e cando aconteceu o accidente de Angrois. Posteriormente, manobrou ante a UE na defensa da versión oficial que sinalou o maquinista como único culpable do sinistro. Tras confirmarse a súa renuncia, Rueda eloxia a súa "extensa folla de servzos", así como o seu "compromiso, intelixencia" e "cordialidade".

• HEMEROTECA | A carta coa que Ana Pastor manobrou ante a UE na defensa da versión oficial que culpou o maquinista do accidente de Angrois
• HEMEROTECA | "Ana Pastor foi a persoa que máis traballou desde as institucións para ocultar as causas do accidente", din vítimas de Angrois
• HEMEROTECA | Os ex-ministros Blanco e Pastor desvincúlanse de calquera decisión sobre a seguridade de Angrois
• HEMEROTECA | Ana Pastor promete o traspaso da AP-9 tras frealo como ministra e avalar o seu veto irregular como presidenta do Congreso

O PSOE votará a favor de tramitar no Congreso o traspaso da AP-9 a Galicia, novamente solicitado por unanimidade polo Parlamento de Galicia. O inicio do debate, que será defendido en Madrid o 11 de xuño por Alberto Pazos (PP), Ana Pontón (BNG) e José Ramón Gómez Besteiro (PSdeG), non quere dicir que este vaia rematar con éxito.A lei do traspaso tivo que reiniciar o seu percorrido nas Cortes tras caducar por mor das eleccións xerais do pasado ano. 

• HEMEROTECA | O Parlamento insiste coa petición unánime do traspaso da AP-9 frustrado xa dúas veces pola lentitude do Congreso
• HEMEROTECA | A caducidade da lei da AP-9 precipita o récord de catro lexislaturas galegas sen ningunha nova competencia
• HEMEROTECA | O Congreso aproba por ampla maioría volver tramitar a lei para traspasar a AP-9 a Galicia

Jácome ofrece a PSdeG e BNG pactar unha moción de censura contra o PP na Deputación de Ourense tras declarárense os populares dispostos a desbancar a DO da alcaldía ourensá. "DO enviou esta mañá unha proposta a dirixentes de PSOE e BNG para tratar unha posible alternativa á presidencia da Deputación", di o rexedor, que sinala como "condición sine qua non" a formulación da censura na institución provincial, que o PP retivo por segundo mandato consecutivo grazas aos seus votos. "Reaccionamos así ao que o PP respondeu á oposición no Concello", resume.

• O PSdeG de Ourense reactiva o ofrecemento dunha moción de censura para desbancar a Jácome
• HEMEROTECA | Principia o posbaltarismo trinta e tres anos e medio despois
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome

Pontón e Besteiro confirman a súa presenza no partido que a selección masculina de fútbol disputa esta noite en Balaídos. A asistencia ao Galicia - Panamá non consta, cando menos de momento, na axenda oficial do presidente da Xunta, Alfonso Rueda. Hai oito anos, Alberto Núñez Feijóo acudiu como presidente ao partido da Irmandiña fronte a Venezuela en Riazor. Na imaxe, a selección adestrando este xoves no escenario do encontro [© Federación Galega de Fútbol]

• Volve a Irmandiña oito anos despois: así foron os últimos partidos da Selección Galega
• Os nosos para o Galicia-Panamá: estes son os convocados para o partido da Irmandiña
• Das celebridades da "outra Irmandiña" ao himno das Tanxugueiras: o programa da festa da selección

Falece aos 94 anos Nora Cortiñas, fundadora das Nais da Praza de Maio. O seu fillo, Gustavo Cortiñas, foi secuestrado polos golpistas da Arxentina en 1977 e nunca puido coñecer que aconteceu con el. A coñecida como Norita foi "solidaria con todas as loitas do país e do mundo, soubo conectar coas xeracións mozas, que a recoñecen como exemplo de coherencia e militancia", destacan as Nais da Praza de Maio para despedir a quen tomou o apelido do avó do seu fillo, emigrante galego na Arxentina. [Imaxe: © eldiario.es / Fernando Sánchez]

• HEMEROTECA | Nora Cortiñas: "En democracia a Igrexa non debería poder intervir, e menos para protexer a memoria dos xenocidas"

Donald Trump é declarado culpable de 34 delitos por mercar o silencio dunha actriz porno. A condena non lle impedirá ser candidato en novembro para tentar ser reelixido presidente dos Estados Unidos. [Imaxe: Casa Branca]

Ayuso anuncia que a Xunta recorrerá a Lei de Amnístía no Tribunal Constitucional. A presidenta da Comunidade de Madrid avanzou que todos os gobernos autonómicos do PP formularán cadanseus recursos contra a norma minutos antes de que fose aprobada no Congreso por maioría absoluta e tamén antes de que interviñese no debate Alberto Núñez Feijóo. Na imaxe, a tamén líder do PP madrileño, con Rueda nun mitin en Vigo durante a pasada campaña electoral galega.

• HEMEROTECA | O PP apoia no Congreso restar competencias ao Parlamento galego sobre o Tribunal Superior de Xustiza
• HEMEROTECA | Ayuso sementa o medo ao BNG e pasea “entre eucaliptos” en Vigo

O Congreso dos Deputados aproba definitivamente a Lei de Amnistía e levanta así o veto imposto polo PP no Senado. A votación, realizada mediante o sistema público por chamamento, saíu adiante por maioría absoluta con 177 votos a prol e 172 en contra. Na imaxe [© Congreso], un intre do pleno.

• HEMEROTECA | A amnistía en Catalunya deixa fóra os delitos considerados terrorismo polo dereito europeo
• HEMEROTECA | PSOE e Junts pactan a investidura e a amnistía nun acordo que Feijóo equipara co terrorismo de ETA e co 23-F

Alberto Pazos (PP), Ana Pontón (BNG) e José Ramón Gómez Besteiro (PSdeG) conformarán a delegación do Parlamento que volverá defender no Congreso o 11 de xuño o traspaso da AP-9 a Galicia. Así o vén de aprobar o pleno da Cámara galega. A lei do traspaso tivo que reiniciar o seu percorrido nas Cortes tras caducar por mor das eleccións xerais do pasado ano. Na anterior ocasión a delegación galega estivera conformada por Diego Calvo, Ana Pontón e Gonzalo Caballero.

• HEMEROTECA | O Parlamento insiste coa petición unánime do traspaso da AP-9 frustrado xa dúas veces pola lentitude do Congreso
• HEMEROTECA | A caducidade da lei da AP-9 precipita o récord de catro lexislaturas galegas sen ningunha nova competencia
• HEMEROTECA | O Congreso aproba por ampla maioría volver tramitar a lei para traspasar a AP-9 a Galicia

A Federación Galega de Fútbol asegura prever que a selección feminina tamén volva xogar "antes de que remate o ano". Así o transmitiu á Plataforma Vía Galega, nunha xuntanza na da organización coa entidade federativa ao fío do Galicia - Panamá do vindeiro venres. "Ante a nosa preocupación por non ter fixado ningún partido da selección feminina de fútbol afirmaron que non fora posíbel polo calendario dalgunhas xogadoras, mais comprometéronse a que antes de rematar o ano a nosa selección feminina terá partido internacional", explican. Vía Galega promove unha manifestación pola oficialidade das seleccións galegas antes do partido do venres en Balaídos (18h30, Praza de América) [Imaxe: Vía Galega]

• Das celebridades da "outra Irmandiña" ao himno das Tanxugueiras: o programa da festa da selección
• HEMEROTECA (2016) | Catalunya impón a lóxica na festa do fútbol feminino galego