Fálase

Ana Pontón propón a Rueda unha xuntanza para "fixar unha posición de país en defensa dos intereses de Galiza ante o Estado" en materia de competencias, condonación de débeda e financiamento. Ese encontro, di, debería celebrarse antes da Comisión Mixta de Transferencias Galicia-Estado, "que vai celebrarse grazas ao acordo de investidura do BNG" co PSOE. Deste xeito, coida a portavoz nacional do BNG, amosaría que non é "refén das estratexias de partido que lle marcan desde Madrid". Na imaxe, Pontón dá os parabéns a Rueda na súa toma de posesión como presidente, o pasado sábado.

• Dez pactos que non van ser (e un que debería)
• HEMEROTECA | O PP volve prometer os mesmos 15 traspasos de competencias tras quince anos sen lograr ningún

Os membros do Goberno designados por Rueda toman posesión dos seus cargos e celebran o primeiro Consello da Xunta con plenas funcións da nova lexislatura. 

• Rueda confirma no primeiro Consello da lexislatura o 'bono mascota' que prometeu na campaña
• Rueda insire catro caras novas nun Goberno sen vicepresidencias

O PSdeG ve continuísmo no Executivo de Rueda sen “elementos para o optimismo”. Para a deputada socialista Elena Espinosa os cambios anunciados este domingo polo presidente da Xunta reviven “un pasado de mal recordo”. “Non atopamos moitos elementos para o optismismo vendo que continúan os principais nomeamentos de Feijóo”, indicou. “O que Rueda ten que cambiar realmente son as políticas e nós estaremos vixiantes para que se blinden os servizos públicos e que Galicia deixe de estar á cola de España”, engadiu Espinosa. 

• Besteiro pide fuxir da confrontación política e ofrece a Rueda cinco pactos de país "pola Galicia que pode ser""

“Está por ver se algo cambia na Xunta ou todo segue igual”, di o BNG. A deputada nacionalista Olalla Rodil subliñou este domingo que o máis importante nun goberno son as políticas, máis alá dos nomes das consellerías e consellerios. Rodil asegurou ver apenas unha “reorganización” no Executivo galego anunciado por Rueda. “Di o refrenairo popular: cambia as cousas para que todo siga igual” e está por ver “se o PP rectifica en áreas tan importantes como a Sanidade”, explicou.

• Rueda insire catro caras novas nun Goberno sen vicepresidencias
• Pontón erixe o BNG en "goberno alternativo" e ofrece acordos en sanidade, vivenda, enerxía e "rexeneración democrática

Tal día coma hoxe de 1931 era proclamada a II República española. Recuperamos esta peza coa que, polo seu 90 aniversario, reconstruímos as primeiras horas daquela República en Galicia.

• HEMEROTECA | As primeiras horas da II República en Galicia: música e bandeiras entre chamadas á orde e á esperanza

A pé, en bici e mesmo en kaiak fronte á celulosa Altri. Preto de 400 persoas camiñando, en bicicleta e en kaiak amosaron hoxe o seu rexeitamento á celulosa de Altri nunha actividade entre os concellos de Santiso e Agolada convocada pola Plataforma Ulloa Viva e o colectivo Santiso Vivo.

• Altri, protagonista da investidura: Rueda pide respecto "á liberdade dos funcionarios"
• A Ulloa, unha comarca rural "de innovación e vangarda" que ve en risco o seu desenvolvemento económico por mor de Altri

Talgo confirma a entrega "dos primeiros trens Avril" tras "a finalización da formación de maquinistas e as últimas probas de fiabilidade e rodaxe en vía". A entrega -de 10 unidades, segundo explicou o ministro de Transportes, Óscar Puente- prodúcese despois de diversas demoras por parte da empresa. Estes trens de ancho variable permitirán aos servizos de AVE coa Meseta continuar a marcha dende Ourense ata o resto de cidades galegas. Prevese que entren en servizo en maio [Imaxe: © Talgo]

• HEMEROTECA | Renfe prevé sancionar a Talgo por non entregar os trens que estenderán máis a alta velocidade por Galicia e o PP culpa a Sánchez
• HEMEROTECA | A inauguración do AVE coa Meseta pon fin a 20 anos de debate sobre os prazos da infraestrutura e deita o foco nos servizos

Yolanda Díaz anuncia a retirada da Medalla ao Mérito do Traballo a Julio Fernández Gayoso, antigo presidente da desaparecida Caixanova, pola súa actuación no caso das indemnizacións millonarias de Novacaixagalicia, que o levou ao cárcere en 2017. A vicepresidenta e ministra de Traballo xustifica a decisión na necesidade de eliminar a "corruptos" deste recoñecemento, que Gayoso tiña dende 2006 Na imaxe, Gayoso no acto de presentación da fusión das caixas, organizado pola Xunta en 2010.

• HEMEROTECA | O PP deixa orfa a investigación das caixas unha década despois do seu inicio e tras anos de parálise
• HEMEROTECA | Dez anos da fin de Caixanova e Caixa Galicia que precipitou o seu rescate con 9.000 millóns públicos
• HEMEROTECA | Os señores das caixas galegas: de intocables a repudiados entre causas xudiciais
• HEMEROTECA | Gayoso sairá da cadea tras cumprir sete meses de condena

O DOG e o BOE publican o Real Decreto asinado polo Rei e Pedro Sánchez que nomea presidente da Xunta a Alfonso Rueda tras a súa elección este xoves polo Parlamento de Galicia.

• Rueda, investido presidente para a lexislatura do récord do PP
• Pontón erixe o BNG en "goberno alternativo" e ofrece acordos en sanidade, vivenda, enerxía e "rexeneración democrática"
• Besteiro pide fuxir da confrontación política e ofrece a Rueda cinco pactos de país "pola Galicia que pode ser" 

Alfonso Rueda, elixido presidente da Xunta cos votos do PP, o "non" de BNG e PSdeG e a abstención de DO. O máis destacado da sesión de investidura, esta tarde en Praza.gal.

• AMPLIAMOS 👉 Rueda, investido presidente para a lexislatura do récord do PP
• Pontón erixe o BNG en "goberno alternativo" e ofrece acordos en sanidade, vivenda, enerxía e "rexeneración democrática"
• Besteiro pide fuxir da confrontación política e ofrece a Rueda cinco pactos de país "pola Galicia que pode ser"