Fálase

Directivos de SAIC, recibidos en Monte Pío polo presidente da Xunta tras a chegada do primeiro buque portavehículos da empresa automobilística chinesa ao porto exterior de Ferrol. Tras esta reunión co vicepresidente de SAIC, Wu Bing, e co 'número dous' da súa división de vehículos de pasaxeiros, Shi Lei, este xoves as instalacións portuarias acollen un acto oficial para solemnizar este envío, considerado o paso inaugural da instalación da compañía en Galicia. 

• 📺+INFO 👉 A Xunta recibe a SAIC ofrecendo "todo o posible" para que transforme "o futuro industrial de Galicia"
• As cifras de SAIC en Ferrol: 1.500 empregos na construción e 2.000 en funcionamento, dende o 2031
• SAIC en Galicia: entre a teima polos prazos e o receo a un cambio na Moncloa
• "A presión social, sindical ou da Xunta é clave para que SAIC achegue máis valor engadido a Galicia"

Activada a prealerta por escaseza moderada de auga nos sistemas do río Lérez, do río Anllóns e Costa da Coruña ata o límite con Arteixo. A maiores, a Oficina Técnica da Seca acordou activar tamén a aplicación de medidas equivalentes no subsistema de Baiona. 

• A primavera foi a máis seca desde hai 36 anos

Feijóo afonda na campaña do PP contra o persoal de baixa laboral. O ex-presidente defende nun encontro con empresariado vasco recortar salario a persoas en situación de incapacidade temporal que actualmente teñan cubertas as súas remuneracións ao 100% grazas ao seu convenio de empresa e, na liña da Xunta, inclúe as baixas no marco xeral dun "absentismo" que descualifica como "cancro". O líder popular esgrime, asemade, a súa experiencia aplicando recortes neste eido, como os aprobados polo seu Executivo en Galicia durante a gran recesión. [Imaxe: © PP]

• HEMEROTECA | Sintonía patronal coa campaña da Xunta contra o persoal de baixa
• HEMEROTECA | O plan contra as baixas segue: o novo protocolo da Xunta con máis poder para as mutuas xa é oficial
• HEMEROTECA | O Sergas recorta o soldo de médicos de familia con pacientes coas baixas laborais máis longas
• HEMEROTECA (2012) | O persoal da Xunta xa sofre o recorte nas baixas por enfermidade

MeteoGalicia constata que "a entrada de aire atlántico" permite que baixen as temperaturas no noroeste do país este martes, mentres que "a situación de sol e intensa calor continuará afectando a Ourense e sur de Lugo, con máximas por riba dos 35 graos". Puntos do interior e do leste superaron "os 35 e mesmo os 40" durante este luns. [Imaxe: MeteoGalicia]

• 42,6 graos en Ourense: a calor segue abafando Galicia tras unha 'noite tropical' nas Rías Baixas
• Á espera dos vindeiros récords de temperatura: a síndrome da ra posta a ferver

O substituto do xuíz Peinado impide que Begoña Gómez, esposa de Pedro Sánchez, o acompañe ao cumio da OTAN en Turquía e só lle permite acudir á graduación da súa filla en Londres. O maxistrado Antonio Viejo foi o encargado de resolver estas peticións de Gómez porque Juan Carlos Peinado, que resolveu retirarlle o pasaporte tras procesala, non o fixo antes de coller as vacacións. Na imaxe, Pedro Sánchez e Begoña Gómez o pasado abril en Beijing [© Pool Moncloa/Borja Puig de la Bellacasa]

• HEMEROTECA | Feijóo, ao persoal sen intermediarios
• OPINIÓN | A denuncia de Begoña Gómez por tráfico de influencias, por Carlos Amoedo

O BNG insta a que a TVG adquira os dereitos para emitir os partidos dos seis equipos galegos de baloncesto que militarán nas máximas categorías masculina e feminina a vindeira temporada. "Temos a sorte e o orgullo de vivir un momento histórico" e os medios públicos "teñen que estar á altura", sinala a deputada Olalla Rodil en referencia aos representantes galegos na ACB (Breogán e os ascendidos Obradoiro e Básquet Coruña) e na Liga Feminina (Ensino, Uni Ferrol e o ascendido Celta). "Outras corporacións públicas, como a televisión pública de Catalunya, xa emitiron a tempada pasada os partidos das súas áreas de influencia", lembra Rodil -na imaxe, este luns na contorna do Pazo dos Deportes de Lugo, que acolle os partidos do Breogán e do Ensino.

• 40 anos do Mundobasket 86: os días que Tkachenko foi un ferrolán máis
• HEMEROTECA | Baloncesto, capital: Galicia
• HEMEROTECA | De festa polos nosos: o "orgullo de pertenza" desborda á calor dos éxitos dos equipos galegos
• HEMEROTECA | O BNG insta a emitir os partidos do Breogán pola TVG, que asume que non se interesou por mercalos

O TSXG rexeita o recurso da patronal dos pisos turísticos contra a reforma do Plan Xeral de Santiago que limitou estes negocios. A voceira do Goberno local, Míriam Louzao, subliña que "a entidade recorrente", Aviturga, "fundamentaba o seu recurso na falta de informes da Dirección Xeral de Aviación Civil e da delegación do Goberno, así como  na ausencia de motivación para definir a actividade de vivenda de uso turístico como actividade de hospedaxe". "A Sala rexeitou todos estes argumentos" por non ser "preceptivos" os devanditos informes e "concluíu que a correspondendencia das vivendas de uso turístico ao uso de hospedade é adecuada e de acordo coa normativa".

• HEMEROTECA | O rexistro de pisos turísticos da Xunta mantén máis de 600 en Santiago sen licenza municipal
• HEMEROTECA | Sen 'indulto' aos centos de pisos turísticos irregulares en Santiago: "É unha aposta polo interese xeral"
• HEMEROTECA | Santiago avanza na limitación dos pisos turísticos para "evitar a desaparición" da vivenda habitual

Rueda asegura que a actualización do Plan Xeral de Normalización da Lingua se "presentará en moi poucos días e, dende logo, neste mes de xullo". Preguntado ao respecto tras o Consello da Xunta, o presidente considera "testemuñal" o atraso na presentación do "pacto pola lingua", que anunciara para o primeiro semestre do ano. "Algúns dos que están metendo máis présa son aqueles que dende o principio non quixeron estar na elaboración deste pacto", asegura ao ser cuestionado polas causas. Na imaxe, Rueda na mañá deste luns durante o Consello [CC BY-SA David Cabezón / Xunta]

• CRÓNICA | O novo plan para o galego, ás portas e co ensino atado á ruptura de Feijóo

MeteoGalicia confirma un "respiro" na calor entre hoxe e mañá na costa e zonas próximas, especialmente nas contornas da Coruña, Ferrol e A Mariña. En amplas áreas do interior, non obstante, o descenso térmico será só "lixeiro" e "seguirá a calor intensa, con temperaturas por riba dos 35 graos", advirte. [Mapa: MeteoGalicia]

• 42,6 graos en Ourense: a calor segue abafando Galicia tras unha 'noite tropical' nas Rías Baixas
• As capitais vascas suman 300 refuxios climáticos fronte á total ausencia en Galicia
• Á espera dos vindeiros récords de temperatura: a síndrome da ra posta a ferver 

A cidade de Ourense supera os 42 graos por segundo día consecutivo e marca a temperatura máxima en toda Galicia con 42,5 graos. Outras localidades do val do Miño en Ourense e do sur de Pontevedra superaron igualmente os 40 graos, mentres que áreas das comarcas de Santiago, Ferrolterra e do centro de Lugo achegáronse a ese valor. Este luns a Xunta mantén a alerta vermella por calor en 46 concellos do centro de Lugo e montaña de Ourense.

• 42,6 graos en Ourense: a calor segue abafando Galicia tras unha 'noite tropical' nas Rías Baixas
• As capitais vascas suman 300 refuxios climáticos fronte á total ausencia en Galicia