Fálase

O presidente da Xunta di que traslada a Feijóo "a urxencia" de que o futuro Goberno de España "materialice os compromisos pendentes" con Galicia "que o actual foi incapaz de cumprir". Cita cuestións de infraestruturas como "os acordos da AP-9", a conexión ferroviaria con Lugo e Ferrol ou os trens Avril , medidas para poder formar máis médicos e mais a transferencia da xestión do litoral, entre outras. "A maioría dos galegos non son nacionalistas nin independentistas nin necesitan selo para que a nosa terra avance", asevera Rueda, que recibe os parabéns do candidato do PP á investidura como presidente do Estado. [Imaxe de arquivo CC-BY-SA Xunta]

• HEMEROTECA | Do tren á policía: a Xunta redobra as esixencias ao Estado sobre competencias que renunciou a ter
• HEMEROTECA | Feijóo xa é o primeiro presidente da historia da Xunta en deixar o cargo sen sumar competencias
• HEMEROTECA | O 20% das prazas de formación para medicina familiar quedan sen cubrir no Sergas, que culpa o Estado
• HEMEROTECA | O "non" do Estado ás competencias do litoral axita o veto do PP á reforma do Estatuto tras 13 anos de autogoberno freado

Paula Carballeira, Premio Nacional de Literatura Dramática 2023 pola obra As alumnas (Editorial Galaxia), outorgado polo Ministerio de Cultura. O xurado destaca a obra da galega "por ser un eloxio do maxisterio que ensina sobre a dúbida e o debate. Polos seus valores dramáticos, a riqueza de matices e pola recuperación dunha muller referente para o ensino galego, símbolo da educación moderna, igualitaria e transformadora que propoñía a II República". A dramaturga e narradora oral "propón ao público un texto que homenaxea a todos os mestres e ao modelo de escola laica, libre e dunha pedagoxía avanzada", engade a resolución do xurado. 

• HEMEROTECA | Do real á ficción, sen saír da realidade: 'Mulleres que viven soas', un proxecto sonoro e teatral do que non se conta
• HEMEROTECA | 'Facer Memoria': construír a memoria colectiva do país desde as historias que lembra a veciñanza
• ENTREVISTA| Fran Rei: "En 'As alumnas' queremos reflectir o que significou o franquismo para a educación en xeral, pero sobre todo para a das mulleres"

Décima edición da 'Inchadiña branca vela' que promove a Casa de Rosalía. Este sábado, 2 de setembro, un total de 34 embarcacións tradicionais de todo o país volverán subir polos ríos Ulla e Sar, dende a praia fluvial de Vilarello en Cordeiro (Valga) ata Padrón, nunha homenaxe das xentes do mar a Rosalía de Castro. 

• HEMEROTECA | A Casa-Museo de Rosalía fai 50 anos e abre as fiestras para visitala dende calquera lugar do mundo 
• Unha ducia de lugares para percorrer a vida e as letras de Rosalía de Castro

Manuel Cabezas deixa a súa acta de concelleiro en Ourense. O que fora candidato do Partido Popular no concello ourensán renuncia de "forma voluntaria" e deixa o liderado do partido nas mans dos seus compañeiros ao non poder facer labor de xestión desde a oposición.   

• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• HEMEROTECA | Principia o posbaltarismo trinta e tres anos e medio despois

Rueda anuncia que a Consellería de Medio Ambiente dá o visto bo ambiental ao novo plan de urbanismo de Vigo. O novo paso para a aprobación definitiva do novo PXOM chega oito anos despois de que o Supremo anulase o anterior plan.

• HEMEROTECA (1/12/2015) | O Supremo emenda o TSXG e tomba o plan urbanístico de Vigo
  HEMEROTECA | (8/6/2020) | O novo PXOM de Vigo renuncia á Rolda que definía o de 2008, anulado polo Supremo
• HEMEROTECA (15/4/2020) | O PXOM de Vigo inicia a avaliación ambiental 12 anos despois de evitala ilegalmente o bipartito

O Goberno de España comunica ás comunidades autónomas que apraza un ano a reforma das probas de acceso á universidade. Non haberá mudanzas nos exames de 2024. [Imaxe: UVigo]

Extinguido o incendio na Mezquita que afectou unhas 87 hectáreas, o que o fai o segundo máis extenso do mes tras o declarado hai dez días en Palas de Rei, que queimou 126 hectáreas. No que vai de ano, segundo os datos limitados facilitados pola Xunta, arderon en Galicia algo máis de 2.500 hectáreas, o mesmo que en todo 2018, o mellor dos últimos anos da serie histórica. [Imaxe: Concello de A Mezquita]

• HEMEROTECA | Galicia superou as 50.000 hectáreas ardidas en 2022, a metade nos dous grandes incendios do Courel e Valdeorras

A primeira moción de censura tras as municipais dá a Xuntos por O Irixo a alcaldía da vila que ocupou durante dous meses en minoría o PP, con 4 dos 9 concelleiros da corporación. Xuntos, con 3 edís, e PSdeG, con 2, repartiranse a alcaldía ao longo do mandato. Susana Iglesias é así a primeira alcaldesa do concello. [Imaxe: Concello de O Irixo]

• Aumenta o número de alcaldesas en Galicia, pero o 80% dos rexedores son homes
• O 60% da poboación galega ten un alcalde ou alcaldesa de PSdeG ou BNG

Tanxugueiras pechará a xira de Diluvio no Coliseum da Coruña. Sabela Maneiro, Aida Tarrío e Olaia Maneiro actuarán o sábado 16 de decembro acompañadas por Rozalén, Guadi Galego, Rayden, Muerdo, Valeria Castro e Mondra, que abrirá a cita. "Este será o concerto máis significativo que daremos ata a data", salientaron as artistas na presentación do concerto xunto á alcaldesa da Coruña, Inés Rey, este martes. As entradas saen á venda este venres no sitio web do grupo. [Foto CC-BY-SA Concello da Coruña] 

• EN VINTE | Crónica das Tanxugueiras en Vigo
• ENTREVISTA | "A xente que pensa que somos un grupo que fai música 'mainstream' está súper equivocada"

Feijóo e Sánchez reúnense este mércores no Congreso. O popular pedirá ao socialista que o deixe gobernar e o segundo faralle ver que non conta cos apoios necesarios.

• Soutomaior como placebo, ou por que a Deputación de Pontevedra non é a Moncloa
• HEMEROTECA | Pactar con Feijóo: do Estatuto bloqueado e os Valedores falidos ao Poder Xudicial do Estado