Fálase

En marcha o proceso para elixir a Palabra do Ano 2026. O Portal das Palabras da Real Academia Galega e a Fundación Barrié abren o prazo para remitir suxestións, que se estende ata o día 20. De aí sairán as opcións finalistas que pasarán a votación popular ata o 16 de decembro. O ano pasado a palabra do ano foi xenocidio, con Gaza moi presente; nos anos previos foran cantareira, cibercarracho, comadre ou tanxugueiras. Ao contrario que en anos previos, a de 2025 non foi polo momento gravada no paseo do barrio lucense da Milagrosa que viña acollendo as verbas elixidas neste certame

Maruja Torres recollerá o Feroz de Honra en Pontevedra. A xornalista e escritora é distinguida pola Asociación de Informadores Cinematográficos de España, que o 23 de xaneiro volve entregar os seus galardóns na cidade do Lérez, pola súa "cinefilia, o seu labor como crítica de cine e o seu exercicio do xornalismo con liberdade, compromiso e carisma. Ata a entrega dos premios Pontevedra está a coller unha ampla programación cultural en torno aos Feroz.

O vicepresidente e ministro de Economía, Carlos Cuerpo, asume "de forma transitoria" a xestión do Ministerio de Transportes tras a dimisión de Óscar Puente. Así o vén de anunciar Pedro Sánchez, que eloxia a "dignidade política" do xa ex-ministro, a quen traslada a súa "gratitude e respecto". O Goberno de España en pleno entra en funcións o vindeiro 29 de novembro, coa celebración das eleccións xerais.

• Puente anuncia a súa dimisión ao remate da súa intervención no Congreso
• Medidas anunciadas por Puente antes de dimitir xa foron aprobadas ou desbotadas tras Angrois
• Catro loiadas sobre Angrois que volven tras o accidente de Urda

Derrota trumpista nas lexislativas dos EUA: os Demócratas gañan o control das dúas Cámaras do Congreso. Cos recontos aínda en marcha, a combinación de proxeccións e resultados reais apunta a que no Senado o Partido Demócrata contará con cando menos 54 escanos, tres por riba da metade precisa, e na Cámara de Representantes lograrán uns 227 fronte a 135 republicanos. . [Imaxe: CC BY-SA Martin Falbisoner]

• AMPLIAMOS 👉 A internacional reaccionaria tamén perde na casa: histórica vitoria demócrata nas lexislativas dos EUA

O Tribunal Superior de Xustiza de Galicia condena o Concello de Vigo a abonarlle máis de catro millóns de euros á Autoridade Portuaria da cidade polos danos e prexuízos derivados do "incumprimento municipal das obrigas de mantemento asumidas no convenio Abrir Vigo ao Mar", que o alto tribunal anulou en 2022, cando resolveu que o Concello era o responsable do mantemento do Paseo das Avenidas que colapsou en 2018 durante un concerto do festival O Marisquiño. 

• HEMEROTECA | A xustiza conclúe que o Concello de Vigo era o encargado do mantemento do paseo que afundiu no accidente do Marisquiño
• HEMEROTECA | A derruba n'O Marisquiño ergue a liorta política entre Xunta, Porto e Concello tras causar 428 feridos

A libraría NUMAX de Santiago de Compostela gaña o Premio Librería Cultural 2026, que outorga a Confederación Española de Gremios y Asociaciones de Librerías (CEGAL) co apoio do Ministerio de Cultura. O xurado destaca a libraría da cooperativa galega NUMAX "pola súa atención á diversidade bibliográfica, a súa programación cultural interdisciplinar e o seu modelo cooperativo que suma e que ten un compromiso real coa cultura galega, que non se trata simplemente de organizar actividades culturais, senón realmente de vertebrar identidade e territorio".

• HEMEROTECA | Socializar a lectura: "No club todos aprendemos moito uns dos outros"
• HEMEROTECA | 'É un falar′: conversas entre creadoras sobre os vínculos entre a oralidade e a escrita
• HEMEROTECA | Numax: oito escritores, unha máquina de escribir, un conto
• HEMEROTECA | María Villamarín, escritora e libreira en NUMAX: "Onde me sinto máis cómoda é escribindo as cousas que me pasan"

Feijóo reclama aos sindicatos que "non fagan" a folga xeral do 11 de novembro: "69 mortos despois é un grave erro", afirma o ex-presidente en referencia ao accidente ferroviario en Urda. "Non a fagan ou ligarán a súa imaxe á de Pedro Sánchez", afirma o líder do PP nun almorzo informativo da axencia Europa Press para indicar que cuestiona o "sentido da oportunidade" do paro xeral do 11N e non o "dereito constitucional" á folga. Na imaxe, Feijóo nun acto de partido este pasado luns [© PP]

• 11N, folga xeral: "Non é de ningunha organización, é do pobo e para o pobo"
• A conflitividade laboral dispárase en Galicia ás portas do 11N: a maior cifra de folgas dende o 2009
• Así foron as folgas xerais en Galicia: cinco décadas de mobilización da clase traballadora

Greenpeace "rebautiza" como Ocean killer (asasino dos océanos) o buque arrastreiro neozelandés Voyager, que o estaleiro Nodosa constrúe en Marín para a compañía pesqueira Talley's. A organización ecoloxista, que tamén cubriu o rótulo no local que a empresa propietaria ten no porto, pretende con esta acción denunciar "o dano da frota pesqueira industrial", especialmente o arrastre por "indiscriminado", así como o "longo historial de prácticas destrutivas de pesca de arrastre de fondo en hábitats vulnerables e zonas protexidas" que, din, ten esta compañía. [Imaxe: © Pedro Armestre / Greenpeace]

• HEMEROTECA | A Xustiza da UE avala o veto á pesca de fondo que ergueu o sector e a Xunta

Este martes entra en servizo a nova estación de autobuses da Coruña, parte do complexo da futura intermodal, que aínda non está finalizado. Substitúe a inaugurada en 1975 e a súa posta en marcha implica mudanzas e supresións de varias paradas de buses interurbanos na cidade. Por abrir en período electoral -coas eleccións xerais do 29N xa convocadas- a lei impide a celebración dun acto de inauguración propiamente dito, se ben cargos da Xunta acudirán e realizarán declaracións aos medios. [Imaxe: CC BY-SA Xunta]

• 5,4 millóns de pasaxeiros móvense cada ano en bus entre A Coruña a súa área metropolitana

29N Os concellos elixen os membros das mesas electorais para os comicios do 29N e a Xunta Electoral Central activa a plataforma para que a cidadanía con impedimentos e escusas xustificadas -segundo a normativa vixente- poida tramitar a dispensa a acudir. Este luns celebráronse plenos para sortear as mesas en concellos como A Coruña e Lugo; os consistorios teñen como límite ata o vindeiro mércores, día 4, para o facer. [Imaxe: © Concello da Coruña]