Fálase

Leiro, con 38,2 graos, marcou o pico de temperatura deste caloroso luns na maior parte de Galicia. Seguiuno a máxima da cidade de Ourense, con 37,6 graos ,e mais os 36,7 de Salceda de Caselas, segundo MeteoGalicia. Só A Mariña e puntos da Costa da Morte, pola circulación do nordés, ficaron á marxe do ambiente caloroso. Para este martes MeteoGalicia ten activos avisos amarelos por calor no interior ourensán e por treboadas, en gran parte da provincia de Pontevedra.

• HEMEROTECA | Galicia vive o terceiro xaneiro máis cálido en 60 anos en plena campaña para vendela como "refuxio climático"
• HEMEROTECA | A Xunta presenta o cambio climático como unha oportunidade para o turismo en Galicia
• HEMEROTECA | Dos 25,5 graos na Mariña aos 37,5 en Ourense: cando a calor fai saltar a alerta sanitaria

A RAG presenta á Xunta o seu proxecto dunha fundación pro Academia que capte fondos privados para a institución. Fíxoo o seu presidente, Henrique Monteagudo, na reunión que mantivo con Alfonso Rueda e outros membros do Goberno galego en San Caetano, segundo indica o propio Executivo.  

• ENTREVISTA | Henrique Monteagudo: "O novo decreto do galego debería ter distintos obxectivos educativos segundo a zona"

O xuíz Hurtado procesa o fiscal xeral do Estado, Álvaro García Ortiz, no caso da filtración dun correo do avogado da parella de Ayuso no que admitía que o empresario, Alberto González Amador, cometera dous delitos de fraude fiscal. O instrutor sitúa a García Ortiz a un paso de ser xulgado baseándose en indicios, dada a ausencia de probas que o sinalen directamente como autor dun suposto delito de revelación de segredos por orde do Goberno de España. [Imaxe: © Pool / Fiscalía Xeral do Estado]

• HEMEROTECA | Raíces galegas no aborrecemento ao fiscal xeral polo PP, que celebra a súa imputación

Un colectivo chamado Hablamos Español, no que se integra a antigamente autodenominada Galicia Bilingüe, gábase de escribir "La Coruña" ás portas do local do BNG na Coruña. "Grazas por retratarvos como o que sodes. Por certo, pasarémosvos a factura da pintura, fenómenos", responde a a través das redes sociais a formación soberanista á mesma organización que tentou, sen éxito, frear nos tribunais a ordenanza municipal de uso do galego na cidade.

• HEMEROTECA | A ordenanza de uso do galego da Coruña, blindada de vez tras o fracaso de 'Hablamos Español' no Supremo
• HEMEROTECA | Dez anos da mentira lingüística que asolagou a política galega
• HEMEROTECA | Un pacto por máis galego 18 anos despois de inocular que xa abondaba

Israel asalta o barco da Flotilla da Liberdade en augas internacionais e retén a toda a tripulación no seu territorio. O buque Madleen, onde viaxaban activistas como Greta Thunberg ou o español Sergio Toribio, así como a eurodeputada Rima Hassan, dirixíase a Gaza con alimentos e medicinas para a poboación palestina. [📸 A última imaxe da tripulación no barco, difundida nas redes sociais por @RimaHas]

• HEMEROTECA | A Flotilla da Liberdade atraca en Galicia para espallar as voces contra o xenocidio en Gaza

A primavera de 2025 foi “moi cálida e húmida”, segundo Meteogalicia. A primavera climatolóxica de 2025 (marzo, abril e maio) en Galicia foi moi cálida ao rexistrar unha temperatura media de 13,3 graos e unha anomalía media 1 grao superior ao habitual no período de referencia 1981-2010, segundo os datos rexistrados en 11 das estacións meteorolóxicas máis representativas. En canto ás chuvias, Galicia rexistrou unha precipitación media de 376 litros por metro cadrado, o que representa un 26% máis que o habitual. 

• HEMEROTECA | Galicia tivo o inverno máis cálido dende que hai rexistros
• HEMEROTECA | 2023 foi o ano máis cálido en Galicia en seis décadas

Fuxan os Ventos, recibidos cun cheo no primeiro dos tres concertos no seu auditorio de Lugo. A área de Cultura do Concello lucense programou dous recitais da histórica formación no novo recinto cultural para este xoves e o vindeiro domingo. E, ante a gran demanda de entradas, programaron unha terceira cita tamén para o sábado, na que Fuxan estarán como nas outras dúas acompañados por Faia e De Ninghures. "É un orgullo que Lugo teña sempre na memoria Fuxan os Ventos nun lugar tan destacado como un espazo cultural", destaca Maite Ferreiro, concelleira de Cultura. [Imaxe: Concello de Lugo]

• HEMEROTECA | Fuxan os Ventos regresan para dous concertos no 'seu' auditorio de Lugo 
• HEMEROTECA | Das festas ao casete: Fuxan os Ventos celebra o seu 50 aniversario cunha mostra de "amor ao país"
• HEMEROTECA | Unha ducia de momentos dos 50 anos de historia de Fuxan os Ventos

O pleno da Coruña aproba definitivamente a ordenanza que limita os pisos turísticos e dá luz verde á aprobación inicial da que permitirá aplicar a taxa turística na cidade. Ambos asuntos saíron adiante cos votos do goberno do PSdeG e mais os do BNG, mentres que o PP votou "non" ás dúas. [Imaxe: Concello da Coruña]

• HEMEROTECA | A Coruña augura aforros de 400 euros ao ano no alugueiro coa declaración de zona tensionada
• HEMEROTECA | O centro de todas as cidades galegas, 'zona saturada' de pisos turísticos co criterio que seguirá A Coruña
• HEMEROTECA | A Coruña, a un paso de aplicar a taxa turística: de 1 a 2,5 euros e un máximo de cinco días

O DOG publica o cesamento "por petición propia" de Alfonso Villares como conselleiro do Mar "agradecéndolle os servizos prestados". Villares presentou este mércores a súa dimisión ao ser imputado tras unha denuncia por agresión sexual. Este xoves toma posesión como nova conselleira Marta Villaverde, ata agora directora xeral de Desenvolvemento Pesqueiro.

• Xunta e PP ven "inocente" a Villares na denuncia por agresión sexual, que coñecen dende febreiro
• Dimite o conselleiro do Mar ao ser imputado tras unha denuncia por agresión sexual

Educación reclama ás direccións de colexios e institutos "neutralidade ideolóxica" nas actividades complementarias do curso vindeiro. O conselleiro, Román Rodríguez, reúnese coa Xunta Autonómica de Directores e Directoras para "abordar as instrucións do ano académico 2025-26", que serán públicas en días vindeiros, e o seu departamento avanza entre as "novidades" que "promoven" esa "neutralidade ideolóxica" de accións complementarias como "visitas didácticas ou charlas", referencia que non figuraba nas instrucións do ano anterior. Fano, indican, en cumprimento da lei educativa de 1985, que sinala ese concepto remitíndose ao artigo da Constitución sobre o dereito á educación. O Goberno galego destaca, asemade, que no curso 25-26 "porá o foco no reforzo da autoridade do profesorado como garante da convivencia escolar". [Imaxe: CC BY-SA Mónica Arcay Carro]

• Anpas Galegas critica a instrución sobre "neutralidade ideolóxica" no ensino e reivindica o fomento de "valores"
• HEMEROTECA | Redondela celebrou o 'ALTRILixo' malia a "presión" da Consellaría aos colexios
• HEMEROTECA | O Nunca Máis desbordou o fraguismo nas escolas malia ás ordes de censura