Fálase

O pleno da Coruña aproba definitivamente a ordenanza que limita os pisos turísticos e dá luz verde á aprobación inicial da que permitirá aplicar a taxa turística na cidade. Ambos asuntos saíron adiante cos votos do goberno do PSdeG e mais os do BNG, mentres que o PP votou "non" ás dúas. [Imaxe: Concello da Coruña]

• HEMEROTECA | A Coruña augura aforros de 400 euros ao ano no alugueiro coa declaración de zona tensionada
• HEMEROTECA | O centro de todas as cidades galegas, 'zona saturada' de pisos turísticos co criterio que seguirá A Coruña
• HEMEROTECA | A Coruña, a un paso de aplicar a taxa turística: de 1 a 2,5 euros e un máximo de cinco días

O DOG publica o cesamento "por petición propia" de Alfonso Villares como conselleiro do Mar "agradecéndolle os servizos prestados". Villares presentou este mércores a súa dimisión ao ser imputado tras unha denuncia por agresión sexual. Este xoves toma posesión como nova conselleira Marta Villaverde, ata agora directora xeral de Desenvolvemento Pesqueiro.

• Xunta e PP ven "inocente" a Villares na denuncia por agresión sexual, que coñecen dende febreiro
• Dimite o conselleiro do Mar ao ser imputado tras unha denuncia por agresión sexual

Educación reclama ás direccións de colexios e institutos "neutralidade ideolóxica" nas actividades complementarias do curso vindeiro. O conselleiro, Román Rodríguez, reúnese coa Xunta Autonómica de Directores e Directoras para "abordar as instrucións do ano académico 2025-26", que serán públicas en días vindeiros, e o seu departamento avanza entre as "novidades" que "promoven" esa "neutralidade ideolóxica" de accións complementarias como "visitas didácticas ou charlas", referencia que non figuraba nas instrucións do ano anterior. Fano, indican, en cumprimento da lei educativa de 1985, que sinala ese concepto remitíndose ao artigo da Constitución sobre o dereito á educación. O Goberno galego destaca, asemade, que no curso 25-26 "porá o foco no reforzo da autoridade do profesorado como garante da convivencia escolar". [Imaxe: CC BY-SA Mónica Arcay Carro]

• Anpas Galegas critica a instrución sobre "neutralidade ideolóxica" no ensino e reivindica o fomento de "valores"
• HEMEROTECA | Redondela celebrou o 'ALTRILixo' malia a "presión" da Consellaría aos colexios
• HEMEROTECA | O Nunca Máis desbordou o fraguismo nas escolas malia ás ordes de censura

Expedientes sancionadores nunha de cada dez inspeccións turísticas da Xunta. O Goberno galego detalla no Parlamento que en 2023 levantou 3.110 actas e informes e 362 expedientes sancionadores, mentres que en 2024 foron 3.915 actas e informes e 408 expedientes sancionadores.

• As Rías Baixas e Santiago concentran 6 de cada 10 turistas, cun aumento da saturación nos últimos anos

A maxistrada Sandra Piñeiro, nova presidenta da Audiencia Provincial de Lugo, asume o cargo poñendo o foco no feminismo e no uso do galego. Piñeiro, ata agora titular do xulgado de instrución número 2 da capital lucense, advirte de que o seu "perfil feminista" implica levar ao posto "unha defensa activa da igualdade e dos dereitos humanos" e potenciar "o emprego da nosa lingua" é tanto como "garantir os dereitos da cidadanía" cunha "visión progresista" e "con conciencia social" e "sempre dentro do marco do Dereito e da independencia". Sandra Piñeiro leva vinte anos na carreira xudicial e ascendeu a maxistrada en 2012. [Imaxe: © TSXG]

• HEMEROTECA | O sistema electoral dispara ao 100% o dominio conservador nas eleccións do Tribunal Superior de Xustiza
• HEMEROTECA | A especialidade xudicial en violencia de xénero pon o foco no "sometemento" da muller polo "heteropatriarcado"
• HEMEROTECA | "Os poderes xa non poden obviar o feminismo": o 8M desde a óptica das xuízas

O PP de Bueu abstense na reprobación da conselleira de Medio Ambiente, Ángeles Vázquez, polo Pleno municipal polo mal trato dado á veciñanza da illa de Ons. No Pleno a presidenta da Asociación de Veciños e Amigos da Illa de Ons reclamou "un acceso digno para as nosas casas" e remarcou o "trato denigrante da conselleira cara nós, pois nin tan sequera quere sentar a falar". Na imaxe, da Xunta, a conselleira nunha visita a Ons hai uns días. .

Case 13.000 estudantes inician este martes as probas de acceso á universidade en Galicia. Son, en concreto, 12.946 as persoas matriculadas na selectividade, que realizan os seus exames en 35 centros distribuídos por dez localidades galegas: as sete principais cidades e mais Viveiro, a Rúa e Cee. Accede aquí ao mapa interactivo para consultares o detalle de cada localidade.

• HEMEROTECA | A Xunta asina con Feijóo condicionar a nova selectividade ás directrices da dirección do PP 
• HEMEROTECA | As universidades galegas esixen orellas "despexadas" na selectividade para evitar fraudes
• OPINIÓN | O meu dramiña na selectividade

Rueda vai acudir á manifestación convocada por Feijóo contra o Goberno de Pedro Sánchez para o 8 de xuño en Madrid. O presidente da Xunta reclama eleccións xerais e di que "mentres non as haxa o que hai que facer é respostar na rúa; eu asistirei e espero que asistan moitas persoas". Nas últimas semanas o PP galego vén reprochando reiteradamente ao BNG a súa participación en protestas contra decisións do Goberno da Xunta porque, ao seu xuízo, "só propoñen manifestación e alboroto" para "lograr o que non conseguiron nas urnas a través de esaxeración e conflitividade social". Na imaxe, Rueda este luns no Consello da Xunta [CC BY-SA David Cabezón / Xunta]

• AMPLIAMOS 👉 Rueda irá á manifestación de Feijóo contra a "mafia" de Sánchez, co que seguirá negociando
• CRÓNICA | "Manifestación e alboroto"

O bosquexo de sentenza do Constitucional sobre a amnistía en Catalunya avala o groso da lei e estima parte do recurso do PP. Entre as mudanzas, excluír das condutas amnistiadas as cometidas tras novembro de 2023 -sen conscuencias prácticas- e ampliar a norma a ilícitos de funcionariado público para tentar frear o proceso independentista, segundo avanza infoLibre.

• HEMEROTECA | A amnistía en Catalunya deixa fóra os delitos considerados terrorismo polo dereito europeo
• HEMEROTECA | A Xunta gastou 35.000 euros en publicitar unha declaración co argumentario do PP contra a amnistía en Catalunya
• HEMEROTECA | A lei de amnistía di buscar solución "desde a política" ao "conflito" e reivindica o respecto á Constitución

Protesta a prol dunha “atención sanitaria digna” en Salvaterra. A Plataforma en Defensa de la Sanidade Pública do Condado-Paradanta organizou unha manifestación, este sábado ás 20.00 horas,  coa participación de mais de mil persoas, segundo informaron desde a organización. O acto foi precedido por dúas caravanas reivindicativas que saíron desde Covelo e A Cañiza, pasando polos concellos de Mondariz, Mondariz Balneario, Ponteareas, Salvaterra, Crecente, Arbo e As Neves .

• SOS Sanidade Pública tenta conseguir os datos "reais" das listas de espera no Sergas
• Galicia, á cabeza dos territorios nos que as listas de espera impediron o acceso á atención sanitaria