Fálase

A Comunidade de Montes de Tameiga presenta máis de 4.000 alegacións na Xunta "contra a declaración de Interese Autonómico ao proxecto do presidente do Celta para construír un centro comercial e de ocio nos montes comunais de Mos". Xunto a representantes de PSdeG e BNG, asociacións como Ecoloxistas en Acción e veciñanza de Mos, o portavoz da Comunidade de Montes rexistrou na delegación do Goberno galego en Vigo estas peticións contrarias á "reclasificación de terreos clasificados como 'solo rústico' polo vixente PXOM de Mos". [Imaxe: Ecoloxistas en Acción]

• A fragmentación por fases da súa cidade deportiva permite ao Celta eludir unha avaliación ambiental completa
• HEMEROTECA | A xustiza fai firme que a cidade deportiva do Celta comezou de xeito ilegal 
• HEMEROTECA | O Celta pide unha avaliación de impacto rápida da ampliación da súa cidade deportiva e prevé unha década para rematala

O paro rexistrado aumenta en Galicia un 0,2% no mes de agosto. A nivel estatal, a cifra total de parados é de 2.702.700, a máis baixa nun mes de agosto desde 2008, segundo destaca o Ministerio de Traballo.

• DATOS | A fin da temporada alta do verán apenas destrúe emprego en Galicia 

Dende as 8 da mañá deste luns queda cortado o tráfico na autovía A-55 á altura de Tui, en dirección a Portugal. O Ministerio de Transportes sinala que o tráfico será desviado polo sentido oposto (en dirección a Vigo), habilitándose dous carrís cun dobre sentido de circulación. Está previsto que as obras de saneamento na zona se prolonguen ata finais de setembro. 

Alberto Pazos Couñago é o novo portavoz do PP no Parlamento, tras a marcha de Pedro Puy ao Congreso. O deputado por Pontevedra ten as condicións para execer o cargo coa "ambición e a visión de conxunto que require", segundo salientan desde o seu grupo parlamentario. 

• HEMEROTECA | Feijóo desmantela a Xunta e descabeza o PP no Parlamento 

As tres universidades públicas galegas estudarán a realidade da conciliación e a corresponsabilidade no país. A Mesa de Coidados do Consello Galego das Mulleres promove este proxecto, que conta co apoio da Xunta, para obter coñecemento científico e especializado nesta materia. 

A Universidade de Santiago abordará a temática da corresponsabilidade desde o punto de vista da saúde mental das persoas coidadoras. Na Universidade de Vigo a investigación versará sobre o ámbito normativo no eido dos coidados e na implantación de actuacións favorables por empresas e institucións. E a Universidade da Coruña encargarase de analizar o aspecto sociolóxico desta realidade. [Imaxe © Ana Varela/Xunta]

• REPORTAXE | Conciliar no verán: "Para calquera persoa cun menor de 12 anos isto é un calvario"
• HEMEROTECA | A Xunta volve negarse a negociar a conciliación dun traballador e o TSXG volve condenala, agora con 6.000 euros de indemnización 
• HEMEROTECA | A CRTVG discriminou unha traballadora por denegarlle o dereito a conciliar e o Supremo confirma que terá que indemnizala
• HEMEROTECA | Malabares laborais nun mundo "adultocéntrico": "A conciliación é unha gran mentira"

Máis de 500 raios detectados este sábado en toda Galicia. A medición de Meteogalicia ata as 16.00 horas indica un total de 538. Os raios van acompañados de chuvascos treboentos que continuarán nas vindeiras horas, con maior probabilidade no sur e leste do país. A previsión é semellante para o domingo, no que seguirá activada a alerta de nivel amarelo por vento do nordés con forza 7 no noroeste da Coruña.

O Goberno de España non poderá suspender de forma inmediata a Luis Rubiales como presidente da federación estatal de fútbol. O Tribunal Administrativo do Deporte (TAD) abre un expediente sancionador a Rubiales por falta "grave", que só permite a súa inhabilitación durante dous anos, e non de "moi grave" como reclamaba o Executivo. O ministro de Cultura e Deporte, Miquel Iceta, incide en que o sucedido merece a cualificación de "moi grave", por iso desde o Goberno reclamarán agora ao TAD que "proceda a suspendelo temporalmente nas súas funcións" como llo permite a lei do deporte. [Imaxe © RFEF]

• O 'caso Rubiales' aflora como os amos do fútbol gañan cartos e poder explotando recursos públicos
• Louzán centra as críticas en Galicia da mobilización contra o machismo no fútbol
• Galicia érguese contra o machismo no fútbol

O presidente da Xunta di que traslada a Feijóo "a urxencia" de que o futuro Goberno de España "materialice os compromisos pendentes" con Galicia "que o actual foi incapaz de cumprir". Cita cuestións de infraestruturas como "os acordos da AP-9", a conexión ferroviaria con Lugo e Ferrol ou os trens Avril , medidas para poder formar máis médicos e mais a transferencia da xestión do litoral, entre outras. "A maioría dos galegos non son nacionalistas nin independentistas nin necesitan selo para que a nosa terra avance", asevera Rueda, que recibe os parabéns do candidato do PP á investidura como presidente do Estado. [Imaxe de arquivo CC-BY-SA Xunta]

• HEMEROTECA | Do tren á policía: a Xunta redobra as esixencias ao Estado sobre competencias que renunciou a ter
• HEMEROTECA | Feijóo xa é o primeiro presidente da historia da Xunta en deixar o cargo sen sumar competencias
• HEMEROTECA | O 20% das prazas de formación para medicina familiar quedan sen cubrir no Sergas, que culpa o Estado
• HEMEROTECA | O "non" do Estado ás competencias do litoral axita o veto do PP á reforma do Estatuto tras 13 anos de autogoberno freado

Paula Carballeira, Premio Nacional de Literatura Dramática 2023 pola obra As alumnas (Editorial Galaxia), outorgado polo Ministerio de Cultura. O xurado destaca a obra da galega "por ser un eloxio do maxisterio que ensina sobre a dúbida e o debate. Polos seus valores dramáticos, a riqueza de matices e pola recuperación dunha muller referente para o ensino galego, símbolo da educación moderna, igualitaria e transformadora que propoñía a II República". A dramaturga e narradora oral "propón ao público un texto que homenaxea a todos os mestres e ao modelo de escola laica, libre e dunha pedagoxía avanzada", engade a resolución do xurado. 

• HEMEROTECA | Do real á ficción, sen saír da realidade: 'Mulleres que viven soas', un proxecto sonoro e teatral do que non se conta
• HEMEROTECA | 'Facer Memoria': construír a memoria colectiva do país desde as historias que lembra a veciñanza
• ENTREVISTA| Fran Rei: "En 'As alumnas' queremos reflectir o que significou o franquismo para a educación en xeral, pero sobre todo para a das mulleres"

Décima edición da 'Inchadiña branca vela' que promove a Casa de Rosalía. Este sábado, 2 de setembro, un total de 34 embarcacións tradicionais de todo o país volverán subir polos ríos Ulla e Sar, dende a praia fluvial de Vilarello en Cordeiro (Valga) ata Padrón, nunha homenaxe das xentes do mar a Rosalía de Castro. 

• HEMEROTECA | A Casa-Museo de Rosalía fai 50 anos e abre as fiestras para visitala dende calquera lugar do mundo 
• Unha ducia de lugares para percorrer a vida e as letras de Rosalía de Castro