Fálase

O Dépor disponse a corrixir o topónimo na denominación do club para asumir á fin a oficial, A Coruña, segundo avanzou a pasada noite o programa A Penaltis da Radio Galega. A fin da anomalía toponímica do Deportivo vén sendo impulsada pola campaña da exitosa iniciativa Aquí tamén se fala, promovida dende o instituto público Rafael Dieste con amplísimo eco en múltiplos sectores da cidade e mesmo tamén fóra dela. [Imaxe: ATSF]

• AMPLIAMOS 👉 O Dépor corrixe a anomalía do topónimo e será da Coruña
• HEMEROTECA | "Da Coruña": a anomalía no topónimo do Deportivo albisca o seu fin
• HEMEROTECA | Sen pancarta e sen resposta: a campaña polo topónimo oficial no Deportivo segue á espera do club
• HEMEROTECA | O Dépor xa é "da Coruña" para o Concello: a terceira rolda perde o 'L'

Julius Johansen (UAE) gaña a crono inicial de O Gran Camiño e convértese no primeiro líder da edición 2026 da proba. O dinamarqués foi o máis forte nun esixente percorrido polas rúas da Coruña con comezo e final na Torre de Hércules e superou os lusos Rafael Reis e Nelson Oliveira. Nordhagen foi 4º a 28 segundos e Yates 6º a 40 segundos. O limiao Carlos Canal finalizou en 18ª posición. Este mércores córrese a segunda etapa, entre Vilalba e Barreiros (148.6km).

• O Gran Camiño volve en primavera: "Temos que sacar os cóbados entre as mellores carreiras do mundo"
• Volve 'O Gran Camiño': o ciclismo como escaparate internacional dun país

José Precedo gaña o XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro sábado 9 de maio, nun acto que se celebrará na Casa Consistorial. Precedo, xornalista galego de eldiario.es, defendeu o dereito ao segredo xornalístico ante o Tribunal Supremo no caso que afectou ao Fiscal Xeral Álvaro García Ortiz.

• Mary Bruce, PCIN e José Precedo, finalistas do Premio Xornalistas de Liberdade de Prensa

Adif encarga un novo apeadeiro na liña convencional Vilagarcía-Padrón en Valga, concello no que non había ningunha parada. Quere habilitarse unha instalación básica cun custo máximo de dous millóns de euros que estaría rematada en arredor de tres anos. [Imaxe: @oscar_puente]

• HEMEROTECA (5/11/2025) | A Xunta nega ter competencia ferroviaria ante a posible implantación do tren de proximidade
• HEMEROTECA (10/2/2023) | A Xunta esixe ao Estado tren de proximidade unha década despois de renunciar ao prometido Ente Ferroviario Galego

Pedro Sánchez confirma que o Consello de Ministros aproba hoxe o Real Decreto da regularización de persoas migrantes: "É, ante todo, un acto de normalización e de xustiza coa nosa propia historia", defende o presidente do Goberno de España nunha carta aberta divulgada a través das redes sociais, na que salienta que o proceso implica "que quen forma parte xa da nosa vida cotiá o faga en igualdade de condicións" con "dereitos e obrigas". Calcúlase que unhas 8.000 persoas en Galicia se poden beneficiar dunha regularización que, alén do Goberno de España, ten un amplo apoio de organizacións políticas, sindicais, sociais e mesmo da Igrexa católica fronte ao rexeitamento do PP e Vox, entre outros. Na imaxe, un barrio da Coruña con ampla presenza de poboación de orixe estranxeira.

• A regularización de migrantes atinxe unhas 8.000 persoas en Galicia: "Vivían na indefensión"
• DATOS | As que traballan: radiografía das migrantes que xa son piar do emprego en Galicia
• HEMEROTECA | Rueda alenta a acusación de que migrantes sen dereito a voto poden alterar as eleccións
• HEMEROTECA | Un paseo polas rúas máis mestizas da Galicia urbana: "En realidade, son todos de aquí"

O xuíz Peinado pecha a instrución e envía a xuízo por catro delitos a Begoña Gómez, esposa de Pedro Sánchez. O procesamento neste controvertido caso chega mentres Gómez se atopa acompañando o presidente do Goberno de España na súa viaxe oficial á China. Anteriores fitos da súa instrución cadraran tamén con eventos de proxección internacional do xefe do Executivo español. Na imaxe, Pedro Sánchez e Begoña Gómez tras aterraren en Beijing [© Pool Moncloa/Borja Puig de la Bellacasa]

• HEMEROTECA | Feijóo, ao persoal sen intermediarios
• HEMEROTECA | Pedro Sánchez di meditar a súa dimisión ante o "acoso" á súa muller
• OPINIÓN | A denuncia de Begoña Gómez por tráfico de influencias, por Carlos Amoedo

Fin da era Orban en Hungría coa ampla vitoria de Péter Magyar, o candidato conservador que concentrou o voto de oposición ao ata agora primeiro ministro, referente da internacional reaccionaria e con aval explícito dos gobernos dos EUA e Rusia. Na imaxe, Orban e Magyar, nunha imaxe de arquivo.

• OPINIÓN | A fábrica húngara do consenso pro-ruso, por David Alvarado

Numerosas mobilizacións en Galicia apoian a saída da Flotilla solidaria con Gaza. Diversas localidades galegas están a celebrar, entre o 11 e o 13 de abril, accións de apoio pola partida da Global Sumud Flotilla. 100 barcos con centos de participantes procedentes de máis de 100 países navegarán coa finalidade de chegar a Gaza, romper o bloqueo ilegal e garantir a axuda vital á poboación civil mediante a apertura dun corredor humanitario, segundo informa Global Sumud Galiza. 

[Foto BNG: concentración en Vigo]

• ENTREVISTA | Sandra Garrido: "A sociedade civil organizada é unha arma de construción masiva, podemos cambiar as cousas"

Familias do IES Brión alertan de “graves problemas” de altas temperaturas dentro das aulas. A ANPA Pedra Viada explica que hai tempo que puxo en coñecemento da Consellería de Educación e do Concello de Brión o asunto pero seguen sen tomarse medidas. “Cando chamemos dende Urxencias mentres acompañamos a un dos alumnos que teña sofrido un problema de saúde como consecuencia da calor, haberá alguén que descolgue o teléfono e ofreza unha solución?”, cuestionan desde a ANPA.

[Foto: arquivo]

•  HEMEROTECA | A mobilización das familias do IES de Brión consegue recuperar o curso de reforzo na ESO 

A misión Artemis II da NASA regresa á Terra logo da primeira viaxe á Lúa en máis de 50 anos. Artemis II puxo fin este venres con éxito a súa misión de levar novamente ao ser humano á órbita lunar por primeira vez desde 1972, coa saída da cápsula Orión dos seus catro astronautas, en aparente bo estado e no medio dos aplausos desde o centro de control en Houston logo de dez días. 

[Foto: NASA]

•  A NASA aspira a que a súa viaxe á Lúa volva unir un mundo polarizado por Trump