Fálase

A Xunta fai oficial a concesión da Medalla de Galicia á princesa Leonor coa publicación no DOG do correspondente decreto. O Goberno galego celebrará a entrega nun acto específico o vindeiro luns en Santiago pola visita da herdeira ao trono a Galicia. Realízao á marxe da concesión das restantes medallas deste ano, cuxo destino aínda non é coñecido, que serán impostas o 24 de xullo, mantendo o acto un ano máis fóra do Día Nacional. Na imaxe, Rueda coa princesa na Escola Naval de Marín o pasado 2024 [CC-BY-SA Xunta]

• HEMEROTECA | Rueda dá a Medalla de Galicia á princesa Leonor e separa a entrega do Día Nacional
• HEMEROTECA | A gran simulación
• HEMEROTECA | A data das Medallas de Galicia avanza que a Xunta seguirá ausente do Día Nacional

🔴AO VIVO | Pedro Sánchez comparece dende as 9 da mañá no Congreso sobre os casos de corrupción que atinxen ao PSOE e as medidas do Goberno de España ao respecto. [Imaxe: CC-BY-NC-ND Eugenia Morago / PSOE]

• AMPLIAMOS 👉 Sánchez propón un plan estatal contra a corrupción e reivindícase como "político limpo"
• 📺VÍDEO EN DIRECTO | Sigue aquí a retransmisión da comparecencia
• OPINIÓN | Pedro e o Lobo

O hostaleiro Xesús Manuel Coba 'Suso do Dezaseis', a médica Charo Rúa, o ferreiro Chago Martínez e a cantareira Aurora de Freira, distinguidos coa Alba de Compostela que o Concello de Santiago entrega polo Día Nacional de Galicia. O Consello Asesor de Condecoracións do consistorio compostelán aprobou estes recoñecementos por unanimidade "atendendo ás respectivas traxectorias profesionais e persoais das persoas elixidas, mais tamén ao seu arraigo social e a súa relevancia nos distintos ámbitos que representan".

• HEMEROTECA | A Alba de Compostela consolídase como "festa común" para construír o futuro da cidade e do país

A xornalista Lara Graña gaña o quinto Premio de Xornalismo 'Somos Esenciais', organizado polo Colexio Profesional de Xornalistas de Galicia en colaboración con Gadis, pola reportaxe de investigación "García del Cid", el buque de luto y cólera, publicada en Faro de Vigo. O xurado destaca que se trata dun exemplo de "xornalismo vivo e útil para a sociedade". A mención de honra recaeu en Ángel Paniagua polo seu traballo La vida tras el suicidio de una hija: "Esto le puede pasar a cualquiera", publicado en La Voz de Galicia. [📸 Lara Graña CC-BY-SA Praza Pública/Cedida]

🗞️ HEMEROTECA | Lara Graña: "En Galicia o poder estaba nun empresariado que era como unha estirpe. O silencio político con Pescanova non tiña explicación"

"Acordos con Vox, si". Tellado evidencia da disposición a pactar políticas coa extrema dereita a cambio dunha eventual investidura de Feijóo como presidente do Goberno de España se as dereitas sumasen maioría cando se celebren eleccións xerais. O agora secretario xeral do PP mantén, en declaracións a Onda Cero, que ese Executivo sería "monocolor" pero resalta que iso non implica "cordón sanitario" a Vox, que "merece un respecto", afirma tras prometer este partido unha deportación masiva de poboación en función de se ten orixe migrante. [Imaxe: © PP]

• Non é Tellado, é Feijóo
• Feijóo ábrese a pactos con Vox para chegar ao poder 

Concha Pombo, nova directora xeral dos medios públicos galegos só cos votos do PP. Os populares estrean a disposición da nova lei que permite prescindir da maioría reforzada e, en terceira votación, cobren o posto directivo da agora denominada CSAG, a antiga CRTVG, só por maioría absoluta e coa oposición de BNG e PSdeG. 

• AMPLIAMOS 👉 Segunda dirección dos medios públicos do PP dende 2009 tras trece anos a esquivar a lei
• A CRTVG pasa á historia: xa funciona como CSAG tras aprobalo a Xunta sen divulgalo
• A UE obriga a mudar dende agosto leis dos medios públicos como a que vén de impor o PP en Galicia
• A candidata do PP á CRTVG esgrime as súas "decisións capitais" nos informativos como aval para o posto

A Comisión Europea autoriza 24.137 millóns do quinto pago de fondos de recuperación ao Goberno de España. Outros mil millóns quedan suspendidos por non estar equiparados os impostos do diésel cos da gasolina, non compensar correctamente o funcionariado interino e non completar avances en dixitalización de autonomías e concellos. Na imaxe, de arquivo, Sánchez e Von der Leyen nun acto sobre os fondos de recuperación. [© Pool Moncloa/Fernando Calvo]

• HEMEROTECA | O Goberno de España pide "máis axilidade" cos fondos europeos á Xunta: "Ten o 51% sen adxudicar"
• HEMEROTECA | A Xunta devolve ao Estado 22 millóns de fondos europeos para novas prazas de escolas infantís
• HEMEROTECA | Anatomía dos fondos Next en Galicia: 1.545 millóns, a metade xa asignados e o 76% para empresas
• HEMEROTECA | Política social, turismo, sanidade: radiografía de mil millóns de fondos europeos transferidos polo Estado á Xunta

Feijóo promete unha "lei de linguas" para "garantir a educación en español". É un dos aspectos do decálogo para "reparar España" que, ao xeito do "contrato con Galicia", o PP vén de lanzar tras o seu congreso para resumir diversas promesas que, asegura, aplicaría no caso de chegar ao Goberno. A anterior ocasión en que o PP prometeu unha "lei de linguas", aínda con Pablo Casado á fronte a iniciativa, a iniciativa incluía o dereito á ignorancia do galego, éuscaro e catalán ao funcionariado ou recortar o rango legal dos idiomas oficiais diferentes do castelán. Na imaxe, Feijóo, Tellado e outros dirixentes do PP, no comité de dirección da formación, este luns [© PP]

• HEMEROTECA (2019) | O PP promete garantir o dereito á ignorancia do galego ao funcionariado se goberna tras as xerais
• HEMEROTECA (2019) | O PP mantén no programa para o 10N o recorte ao rango legal das linguas oficiais diferentes do castelán
• HEMEROTECA (2023) | Feijóo tamén recicla o 'Contrato con Galicia' e volve cuestionar o sistema electoral dos concellos

O Consello da Xunta aproba a Medalla de Galicia para a princesa Leonor pola súa "presenza" en territorio galego e o "cariño sincero que a maioría dos galegos" lle ten, defende o Goberno, que tamén liga o galardón ao "seu compromiso institucional e á súa implicación coa identidade de Galicia". Para facela cadrar coa presenza da herdeira ao trono en Galicia, Rueda confirma que lla imporá o 14 de xullo, "dous días antes da entrega de despachos" da Escola Naval de Marín, mentres que "o resto de Medallas de Galicia anunciaranse e aprobaranse nas vindeiras datas e serán entregadas, como é habitual, nun acto o vindeiro 24 de xullo". Na imaxe, Rueda coa princesa na Escola Naval de Marín o pasado 2024 [CC-BY-SA Xunta]

• HEMEROTECA | Rueda dá a Medalla de Galicia á princesa Leonor e separa a entrega do Día Nacional
• HEMEROTECA | A gran simulación
• HEMEROTECA | A data das Medallas de Galicia avanza que a Xunta seguirá ausente do Día Nacional

Curtocircuíto pecha este domingo a súa vixésimo segunda edición. Seis días de cinema, música, encontros e sesións especiais, que se caracterizaron pola ampla presenza de actividades nas prazas, rúas e outros espazos públicos de Compostela e pola masiva participación nas distintas sesións.

• 'Quando a terra foge', premio á mellor película nun Curtocircuíto que levou o cine ás rúas de Santiago
• REPORTAXE | Lois Patiño xoga con Shakespeare e o teatro do absurdo en 'Ariel'