Fálase

José Tomé rexistra a dimisión como presidente da Deputación de Lugo e seguirá en funcións ata o día 30, momento no que asumirá o cargo temporalmente o vicepresidente, Efrén Castro (BNG) ata que se celebre o pleno que elixa a nova presidencia, o 14 de xaneiro. No escrito de renuncia expresa a súa intención de continuar como deputado provincial non adscrito mentres o PSdeG reitera a reclamación de que entregue a acta. Máis información, hoxe en Praza.gal.

• AMPLIAMOS 👉 Mulleres do PSdeG reclaman "máis garantías" contra o acoso co partido pendente da saída de Tomé
• A permanencia de Tomé faino imprescindible na Deputación de Lugo e clave cara a 2027
• Tomé dimite como presidente da Deputación e secretario provincial do PSdeG pero segue como alcalde
• Varias mulleres denuncian no PSOE acoso sexual de José Tomé, que o nega

A folga xeral en Portugal foi "a maior de sempre" segundo os sindicatos, mentres o Goberno luso cualifícaa de "inexpressiva". A greve xeral, a primeira en doce anos, foi convocada por CGTP e UGT contra as medidas laborais do Executivo. As centrais fala de tres millóns de folguistas este pasado xoves. Foto: CGTP. 

O líder do PSdeG, José Ramón Gómez Besteiro, remite unha carta á militancia sobre as denuncias de acoso sexual a José Tomé, a quen volve pedir que non só deixe o partido senón tamén a alcaldía de Monforte e o escano como deputado provincial.

• Tomé dimite como presidente da Deputación e secretario provincial do PSdeG pero segue como alcalde
• A permanencia de Tomé faino imprescindible na Deputación de Lugo e clave cara a 2027

A nova entidade estatal de vivenda, Casa 47, anuncia que a súa primeira convocatoria de pisos en alugueiro accesible inclúe 67 en Vigo e disponse a lanzala "antes do Nadal". Durante unha visita á cidade, a ministra de Vivenda avanza que esta primeira convocatoria "piloto", con outros 67 pisos en zonas afectadas polas riadas de València e 37 en Asturias, servirá para "avaliar o proceso de adxudicación, ad emanda e o perfil de solicitantes", sinala Isabel Rodríguez. En Vigo, especificou canda o alcalde, Abel Caballero, os alugueiros serán a 8,8 euros o metro cadrado, "un 35% por baixo do prezo do mercado" en contratos "de longa duración, ata 75 anos, comezando con 14 con posibilidade de prórrogas suxeitas ao cumprimento das condicdións". [Imaxe: © Concello de Vigo]

• As peticións de pisos protexidos dispáranse un 30% na Galicia urbana en menos dun ano
• Mercar ou alugar? O custo do arrendamento supera xa ás cotas das hipotecas en Galicia 
• Cinco vivendas protexidas rematadas en 2024 en Galicia evidencian o lastre dunha década de parálise
• Rueda esgrime a fin da parálise da vivenda ante Pontón, que esixe "non xogar coa ilusión da xente"

Santiago celebra este xoves a recepción oficial e inicio da exposición das esculturas do Mestre Mateo recuperadas tras 70 anos de espolio dos Franco. O acto organizado polo Concello no Museo do Pobo Galego, que acolle as pezas dende a pasada semana, poderá seguirse ao vivo a través desta ligazón. Nel están previstas intervencións da alcaldesa, Goretti Sanmartín, e representantes dos dous gobernos municipais previos, o encabezado por Martiño Noreiga, que iniciou o preito para recuperar as estatuas, e o liderado por Xosé Sánchez Bugallo, que o continuou. [Imaxe: © Concello de Santiago]

• AMPLIAMOS 👉 Santiago celebra o "triunfo colectivo" da recuperación das esculturas do Mestre Mateo
• As esculturas do Mestre Mateo, na casa tras 70 anos de espolio franquista e oito de litixio

CIG-Ensino e STEG péchanse na Consellería de Educación "ata ter data de reunión co conselleiro" en vésperas da nova folga de profesorado, que ambas organizacións impulsan para os vindeiros días 16 e 17. O peche dunha quincena de delegados e delegadas en San Caetano prodúcese, explican, "despois de coñecerse polos medios de comunicación que se está negociando o adianto da baixada de ratios e da redución horaria en Secundaria" deixando "á marxe ao sindicato maioritario", a CIG-Ensino. "Permaneceremos aquí até ter unha data de reunión e mantemos as folgas da vindeira semana que coincidirán coa aprobación dos orzamentos da Xunta para 2026", sinala Laura Arroxo, secretaria nacional da CIG-Ensino. [Imaxes: CIG-Ensino] 

• CIG e STEG propoñen un "decembro negro" e de loito polo ensino público
• HEMEROTECA | O profesorado leva á rúa as súas demandas nunha folga que a Xunta reduce ao mínimo

Clun e Leite Celta únense para crear un gran grupo lácteo, cun volume de negocio de 600 millóns, 1.400 produtores e 800 empregados. Corporación Rural Láctea (CoRural), que agarda polo visto e prace de Competencia, terá a súa sede social en Santiago, segundo anunciaron hoxe ambas empresas. 

O Goberno de España envía ás Cortes a lei para asumir ata 83.252 millóns de euros da débeda das autonomías "que queiran", 4.010 deles de Galicia. O presidente da Xunta, en liña coa dirección do PP, vén reiterando o seu rexeitamento a esta medida, que descualifica como un "mal negocio" que Galicia "non necesita" e "non soluciona nada", cre Alfonso Rueda. Tanto o BNG coma o PSdeG instan o Goberno galego a aceptar a medida e os soberanistas subliñan que esa condonación é parte do acordo que Bloque e PSOE asinaron para a investidura de Pedro Sánchez. [Imaxe: Pool Moncloa / José Manuel Álvarez]

• HEMEROTECA | Rueda alega que Galicia "non necesita" que o Estado lle pague 1 de cada 3 euros da débeda
• HEMEROTECA | O Goberno de España ofrece asumir un terzo da débeda galega e Rueda retruca que "non soluciona nada"
• HEMEROTECA | O PP forza que o Parlamento esixa fondos para escolas infantís ao Estado tras devolverlle 22 millóns
• HEMEROTECA | Feijóo garante que Rueda non negociará o financiamento de Galicia de xeito bilateral co Estado

Liberado nos Ancares o voite negro rescatado no recinto feiral do San Froilán de Lugo o pasado outubro. Tras case dous meses no Centro de Recuperación de Fauna Silvestre do Veral, onde chegou "nun estado moi feble debido á baixa temperatura corporal e a unha lixeira deshidratación", explica a Consellería de Medio Ambiente, "deu rapidamente mostras de recuperación". Ten arredor dun ano de vida e pesa uns catro quilos e medio. "Para a súa liberación tivéronse en conta tanto as medidas hixiénico-sanitarias para evitar a introdución de enfermidades ou patóxenos no medio natural como as condicións ambientais", agrega Medio Ambiente sobre este exemplar xuvenil dunha especie "pouco habitual en Galicia". [Imaxe: CC BY-SA Xunta]

Ditada a sentenza do fiscal xeral do Estado: o Supremo condena a Álvaro García Ortiz baseándose na nota de prensa que non viu ilícita ao admitir o caso a trámite, informa infoLibre. Os cinco maxistrados conservadores da Sala ven probado que o xa ex-titular da fiscalía xeral filtrou un correo con datos do caso do noivo de Díaz Ayuso mentres que as dúas maxistradas consideradas da órbita progresista consideran, nun voto particular, que non existen probas ao respecto.

• 📄 DOCUMENTO | Consulta a sentenza íntegra
• HEMEROTECA | O Supremo inhabilita o fiscal xeral
• HEMEROTECA | Centos de persoas mobilízanse na Coruña e Santiago contra a condena ao fiscal xeral
• HEMEROTECA | As raíces galegas no aborrecemento ao fiscal xeral polo PP
• OPINIÓN | Dous galegos perante o Tribunal Supremo (e un destino)