Fálase

O Congreso aproba o nomeamento de José Pablo López como presidente do Consello de Administración de RTVE. En segunda votación, e con 178 apoios, sae adiante esta designación que non acadou a maioría de dous terzos da Cámara necesarios na primeira volta. Congreso e Senado aprobaron tamén este mes a designación de once e catro conselleiros da radio e televisión públicas, respectivamente. [📸 RTVE] 

• HEMEROTECA | O Goberno de España baixa a maioría para elixir cargos en RTVE ao nivel que porá a Xunta na CRTVG
• HEMEROTECA | A secretaria de Medios da Xunta de Feijóo fiscaliza agora a RTVE con máis dun milleiro de preguntas
• HEMEROTECA | Feijóo exixe a Sánchez "despolitizar" RTVE tras pedir o persoal da CRTVG auxilio por anos de "manipulación"

Bluesky xa está en galego. Cadrando coa popularización desta rede social nas últimas semanas, o impulso da comunidade volve ser clave para a extensión do noso idioma en internet. A interface en galego vén de ser incorporada canda a última actualización da plataforma e está dispoñible en versión web e na aplicación de Android. Os impulsores da iniciativa Bluesky en galego avanzan a próxima chegada da tradución tamén para iOS. Foi posible grazas ao impulso de Carlos Vieito, Alexandre Espinosa e Xurxo GP: "O activismo pola lingua está máis vivo ca nunca", sinalan para lembrar que a chegada do galego ao antigo Twitter tamén foi grazas ao impulso da comunidade de persoas usuarias.

• 🦋 Sigue a Praza.gal en Bluesky
• REPORTAXE | Marchar ou ficar no que foi Twitter? "X non está libre de ideoloxía, ten unha propiedade e uns intereses"
• HEMEROTECA (2013) | E por fin, twitter en galego!

O Parlamento Europeo dá luz verde á nova Comisión Europea por 370 votos a prol e 282 en contra. Entre os membros galegos da Eurocámara o socialista Nicolás González Casares votou a prol. O popular Francisco Millán Mon votou en contra, en liña dia directriz do PP español para rexeitar o nomeamento de Teresa Ribera como comisaria e número dous de Ursula Von de Leyen. A eurodeputada do BNG, Ana Miranda, tamén se opuxo, sinalando no seu caso que "non podemos apoiar a quen destrúe os sectores produtivos galegos, promove a austeridade e avala o xenocidio en Gaza". [Imaxe: © Comisión Europea]

• HEMEROTECA | Gaña Ribera, perde Weber e Feijóo queda só: dez días de ruído en Bruxelas que non moveron nada
• HEMEROTECA | As tres grandes familias políticas da UE acordan o reparto de altos cargos sen os ultras
• HEMEROTECA | Un Europarlamento con maioría da dereita e mais a extrema dereita no que a esquerda aguanta

A defensa do maquinista de Angrois e a Fiscalía presentan os seus recursos contra a sentenza que condenou en igualdade de condicións o condutor do tren e o ex-xefe de seguridade do Adif. Segundo o previsto, a representación legal de Francisco José Garzón reclama a absolución e o Ministerio Público pide deixalo como único culpable, liberando de condena a Andrés Cortabitarte. Todos os detalles, este xoves en Praza.gal. Na imaxe, Mario Piñeiro, representante da Fiscalía no xuízo [CC BY-NC-SA Praza.gal]

• A Fiscalía ratifica a viraxe e pide retirar a condena por Angrois ao cargo de Adif pero mantela ao maquinista
• HEMEROTECA | A Fiscalía retira a acusación contra o cargo de Adif e mantén a petición de catro anos de cadea para o maquinista de Angrois
• HEMEROTECA | Condenada a verdade oficial do accidente de Angrois

O Concello de Vigo reitera cun concerto de centos de membros de corais da cidade a reclamación de construír unha nova liña de alta velocidade cara á Meseta por Cerdedo para non ter que "dar unha volta de cen quilómetros por Santiago", expresa o alcalde, Abel Caballero. "O Goberno de España ten que acelerar a tramitación e os que nos deixaron sen AVE, pedirlle perdón a esta cidade", reclamou o rexedor no acto. [Imaxe: Concello de Vigo]

• HEMEROTECA | O AVE a Vigo por Cerdedo que os políticos rexeitan só en privado demórase outros 3 anos
• HEMEROTECA | Avril, ancho UIC, Cerdedo, Taboadela, Corredor Atlántico: de que se fala cando se mira máis alá do AVE
• HEMEROTECA | UGT renuncia ao AVE por Cerdedo que nacera dunha proposta súa hai dúas décadas e pide unha nova liña polo Miño

Un ex-alto mando da Policía, o lucense Germán Rodríguez Castiñeira, confirma na Audiencia Nacional que recibiu a petición de rastrexar deputados de Podemos e as súas confluencias elixidos en 2016, segundo informa elDiario.es. Castiñeira, xa xubilado, asegura que se negou a realizar esas buscas. Nas procuras en bases de datos policiais durante o Goberno de Rajoy denunciadas por esta formación figuraban catro deputados de En Marea. Na imaxe, Castiñeira en 2017 co daquela ministro do Interior do PP, Juan Ignacio Zoido. [© Ministerio do Interior]

• HEMEROTECA | Catro deputados de En Marea figuran nos rastrexos policiais sobre Podemos durante o Goberno de Rajoy

Oitava semana de folga indefinida na CRTVG coa vista posta na manifestación do sábado, 30 de novembro, en Santiago. O persoal mobilizado da TVG e da Radio Galega volveu parar por vixésimo segunda xornada, impedindo unha vez máis a emisión do programa O Termómetro. As representantes das traballadoras dos medios públicos volverán esta semana ao Parlamento europeo para trasladar as súas reivindicacións e intentar "poñer en coñecemento das parlamentarias e das institucións os incumprimentos das leis comunitarias nas que incorre a CRTVG". [📸 Comité Intercentros]

• A xustiza volve ver indicios de que a CRTVG vulnera o dereito á folga do persoal na vixésima xornada de paros
• "Novo chanzo represivo" nos medios públicos: o comité de folga denuncia que a CRTVG abre expedientes "por falta moi grave"
• HEMEROTECA | O PP emprega as críticas ao bipartito como escudo para bloquear no Parlamento europeo a denuncia de manipulación na CRTVG

Pedro Sánchez confirma a designación de Sara Aagesen como vicepresidenta terceira do Goberno de España e ministra de Transición ecolóxica e reto demográfico, da que salienta o seu "rigor, profesionalidade e coñecemento experto". Aagesen formaba parte do equipo de Teresa Ribera como secretaria de Estado de Enerxía e é membro do consello asesor da ONU para o medioambiente e o desenvolvemento industrial. No Goberno de España encargouse da coordinación e definición do plan nacional integrado de enerxía e clima 2021-2030 e da estratexia de descarbonización a longo prazo (2050).

CRÓNICA | Gaña Ribera, perde Weber e Feijóo queda só: dez días de ruído en Bruxelas que non moveron nada

O Frente Amplio volve ao Goberno no Uruguai con Yamandú Orsi á fronte. O candidato da esquerda imponse na segunda volta electoral co 49,8% dos votos, segundo o escrutinio xa finalizado. "Volverá a alegría para a maioría" di a formación do novo presidente, quen se compromete a ser "o presidente do crecemento nacional, dun país que avance". [Imaxe: Frente Amplio]

• HEMEROTECA | Uruguai: A década da Fronte Ampla (2005-2015)

O xurado popular do Caso Samuel acada un veredicto. Será lido este domingo ás 13 horas, confirma o Tribunal Superior de Xustiza de Galicia. A acusación sinala os cinco encausados por asasinato.

• AMPLIAMOS 👉 Catro dos cinco axuizados por matar a Samuel Luiz, culpables do asasinato
• O clamor de xustiza para Samuel, nas mans dun xurado popular tres anos despois